TƏ́DA 6:24 - Bibəl ta Sar̄

²⁴ Ādə̄ Kɔ́ɔ̄ɓē rāā majə sesí ō, ngɔ̄m̄sí ō.

Bible sar

²⁴ Ādə̄ Kɔ́ɔ̄ɓē rāā majə sesí ō, ngɔ̄m̄sí ō.

TƏ́DA 6:24 Referans Kwoze

1 TESALONIK 5:23

Ādə̄ Nə́ɓā kə́ nge kadə̄ de gə̄ kem sɔl̄ lɔm ɔr̄ kamsí kɔ̄ɔ́ tū yá̰á̰ kə́ majaĺ gə̄ tə́ malang. Ba kadə̄ ni-ngɔ̄m̄ ndíĺsí ō, ngarān̄g kemsí ō, dā̰ rɔ̄sí ō, yā kadə̄ ndɔ̄ reē Kɔ́ɔ̄ɓē yājí Jeju Kərist tə́ anī, najə̄ gətóo dɔsí tə́.

PILIPƏ 4:7

Anī kem sɔl̄ lɔm yā Nə́ɓā ń tɔȳ yá̰a̰ malang ń deē asə ger̄ ní, a ngɔ̄m̄ ngarān̄g kemsí ō, gír̄ yāsí ō, loo ɓoo naā yāsí tə́ kə Jeju Kərist.

Makətūbə̄ ń Jud ndang ní 1:24

Nə́ɓā kə́ to kɔsə gɔn ń asə ngɔ̄m̄sí kadə̄ ə̄sōī aĺ ō, asə rāā kadə̄ ī-raī kə rɔ̄nelēé kanjə̄ najə̄ dɔsí tə́ ta kumən tə́ ō ní,

IJAI 42:6

Mā Kɔ́ɔ̄ɓē, m̄-ɓāríī i tām̄ yá̰á̰ ń m̄-rā dɔ tə́ yā rāā ní i yá̰á̰ kə́ gōtə́. M-ə́hɔ ta jīí, deē ń rāāī ní i mā. Madə̄ naā yāḿ ń m-ə́hɔ kə gír de gēé ní, m̄-rāā ādə̄ reē udə gíŕ kə́ rɔ̄ tə́ i kemií ḭ̄ tə́, ḭ̄ i loo kə́ unjə̄ kow yā nápar de gə̄ kə́ dɔ nang tə́.

JA̰A̰ 17:11

Mā i dɔ nang tə́ to̰ alé, banī nin̄ i dɔ nang tə́ ō mā m-ā m-āw̄ kə̄ rɔ̄í tə́ ō. Bɔbə́ḿ kə́ táĺ, ī-ngɔ̄m̄də́ kə ta kūl̄ rīí ń ādə̄m̄ ní, yā kadə̄ nin̄ i kógə̄ḿ tītə̄ ń mā ō ḭ̄ ō jḭḭ i kógə̄ḿ ní.

PĀ GƏ̄ 91:11

Tām̄ Kɔ́ɔ̄ɓē a əda deē yān kə́ dɔ rā̰ tə́ gə̄ kadə̄ a ngɔ̄m̄nī loo malang ń ā āw̄ tū tə́ ní tə́.

PĀ GƏ̄ 134:3

Ādə̄ Kɔ́ɔ̄ɓē nge rāā dɔ rā̰ ō dɔ nang ō ń ndi Siyo̰ ní, rāā majə sesí!

RUTƏ 2:4

Gō tə́ anī Boj ḭḭ Betlehem reē ugə̄. Ni-əda ngé sāā kōō gə̄ na: Ādə̄ Kɔ́ɔ̄ɓē i naā tə́ sesí! Anī ngé sāā kōō gə̄ tél ədanən̄ na: Ādə̄ Kɔ́ɔ̄ɓē rāā majə seí!

PĀ GƏ̄ 17:8

Ī-ngɔ̄mə̄m̄ tītə̄ loo ngɔ̄m̄ njár̄ kumií beē. Ī-ɓɔ̄ɔ̄m̄ gír bɔ̄gīí tə́,

1 SAMUEL 2:9

Ni a ngɔ̄m̄ nge ra dɔ ndūn tə́ loo njə̄rān gə̄ tə́, banī ngé kem ndul gə̄ tá a oyn̄ kum til tə́. Tɔdɔ̄ i tɔ́gə deē n i nge tetə rɔ̄ɔ̄ kadə̄n ní alé.

1 PIYER 1:5

Ba sḭḭ̄ kɔ́ gə̄, ré ī-taāī kem anī, Nə́ɓā kə́ tɔ́gən i ngá̰ý a ngɔ̄m̄sí yā kajəsí. Kajə ngeé ń toō ní, a gerə̄n̄ i ta ngóy ndɔ̄ gə̄ tə́.

PILIPƏ 4:23

Ādə̄ Kɔ́ɔ̄ɓē Jeju Kərist rāā kem majə sesí!

EPEJƏ 6:24

De gə̄ malang ń tárən̄ Kɔ́ɔ̄ɓē yājí Jeju Kərist kə táŕ kə́ a to ngándáńg ní, ādə̄ Nə́ɓā rāā kem majə sedə́.

PĀ GƏ̄ 28:9

Kɔ́ɔ̄ɓē, ájə́ gír deē yāí gə̄ ō, ī-rāā majə kə yá̰a̰ halaí gēé ō. ādə̄ ḭ̄ i nge kuldə́ ō, nge ka̰a̰ gōdə́ ngándáńg ō!

IJAI 27:3

Mā Kɔ́ɔ̄ɓē, mā i nge ngɔ̄m̄ kāgə̄ nduú ngeē ń toō. m̄-rāā man̄ gírí i kə kum mbangən gēé malang. m̄-ngɔ̄mən kadaá ō, ndɔ̄ɔ́ ō, yā kadə̄ deē kógə̄ḿ rāān yá̰á̰ kə́ majaĺ alé.

1 KORḚNTƏ 14:16

Tām̄ ré ḭ̄ ī-ndadə̄ ādə̄ Nə́ɓā i kə ta kə́ Ndíĺ kə́ Táĺ adī ngóy anī, de kə́ karī ń ndi dan ngé kán̄ naā gə̄ tə́ á ni-ger̄ kum najə̄ kɔrīí aĺ ní, a ndigə najə̄ gōí tə́ yā kəda na: Adə̄ i tītə̄ ń noō i ba̰ý?

TA KƏLA 28:15

Mā i naā tə́ seí. Loo malang ń ā āw̄ tū tə́ ní m-ā m̄-ngɔ̄mī ō, m-ā m̄-tél yā reē seí dɔ nang ń toō tə́ ō. M-ā m-ə́ya̰ī kɔ̄ɔ́ alé. M-ā m̄-rāā yá̰a̰ malang ń m-ə́daī ní.

2 SAMUEL 7:29

m̄-rāāī ɓɔ́, ī-rāā majə kə gír kojə yāḿ ādə̄ o̰o̰ ɓē ngándáńg ta kumií tə́. Kɔ́ɔ̄ɓē Nə́ɓā yāḿ, tītə̄ ń ə̄niń ndūí ní, ī-rāā majə kə gír kojə yāḿ ngándáńg.

DANIEL 9:17

Ngɔlaā ní Nə́ɓā yājí, ɓɔ́ ōō ndɔ̄ȳ yā nge kəla yāí ō, ōō rāā ń rāāī ɓɔ́ ní ō. Á̰a̰ loo kə́ táĺ yāí ń nujə sák sák kɔ̄ɔ́ ní kə kumií kə́ majaá sɔɔ̄ń tár yāí Kɔ́ɔ̄ɓē.