TƏ́DA 6:20 - Bibəl ta Sar̄

²⁰ Nge tun̄ yá̰a̰ a ndējə̄də́ kə gō looneé ta kum Kɔ́ɔ̄ɓē tə́. Yá̰a̰ ndējə̄ gə̄ ń noō i yá̰á̰ kə́ a télnə̄ń yā kadə̄ nge tun̄ yá̰a̰ dɔ nganjə bal batə̄ tə́ ō, dɔ ɓúrən tə́ ō. Loo ń noō tə́ nge kɔr̄ kam̄ rɔ̄n tām̄ yā Kɔ́ɔ̄ɓē tə́ a asə ka̰ȳ kasə kan̄ kāgə̄ nduú tā.

Bible sar

²⁰ Nge tun̄ yá̰a̰ a ndējə̄də́ kə gō looneé ta kum Kɔ́ɔ̄ɓē tə́. Yá̰a̰ ndējə̄ gə̄ ń noō i yá̰á̰ kə́ a télnə̄ń yā kadə̄ *nge tun̄ yá̰a̰ dɔ nganjə bal batə̄ tə́ ō, dɔ ɓúrən tə́ ō. Loo ń noō tə́ nge kɔr̄ kam̄ rɔ̄n tām̄ yā Kɔ́ɔ̄ɓē tə́ a asə ka̰ȳ kasə kan̄ *kāgə̄ nduú tā.

TƏ́DA 6:20 Referans Kwoze

KOHELET 9:7

Loo ń noō tə́ ní ə́sá yá̰a̰ yāí kə rɔ̄nelēé ō, ə̄nī kemií ā̰yń kasə nduú ō, tɔdɔ̄ Nə́ɓā ndigə yá̰a̰ rāāí gə̄ kɔ̄ɔ́ ɓá.

TƏ́DA 5:25

ni a taā yá̰a̰ ndējə̄ kə́ tām̄ yā kem tɔ́sə̄ tə́ ń to jī dəyá̰ ní tə́ ní yā ndējə̄ Kɔ́ɔ̄ɓē kə gō looneé pá tá a aw̄ń dɔ loo tun̄ yá̰á̰ tə́ ɓáý.

JA̰A̰ 19:30

Dan ń Jeju njíbə̄ kasə kə́ masə̄ ní oy anī əda na: Gíŕ yá̰a̰ malang gān̄g kɔ̄ɔ́! Gō tə́ anī ni-əla dɔn kə̄ nang tə́ ba oy.

MARK 14:25

Ādə̄ m-ə́dásí najə̄ kə́ bo ngá̰ý, m-ā m-ā̰ȳ kasə nduú to̰ aĺ bátə́ ndɔ̄ ń m-ā m-ā̰ȳ kə́ kijə kem Ɓē ko̰o̰ yā Nə́ɓā tə́ ní.

MATIYE 26:29

Ādə̄ m-ə́dásí najə̄ kə́ bo ngá̰ý, ngɔlaā ní m-ā m-ā̰ȳ kasə nduú ń toō to̰ alé, bátə́ ndɔ̄ ń m-ā m-ā̰yń kə́ kijə naā tə́ sesí kem Ɓē ko̰o̰ yā Bɔbə́ḿ tə́ ní.

JAKARI 10:7

De kə́ dəngam gə̄ kə́ Epəraim a əhɔn̄ rɔ̄də́ tɔgə, tītə̄ go̰ rɔ̄ɔ̄ gə̄ beé. Rɔ̄də́ a nel̄də́, tītə̄ kə́ a̰ȳn̄ i kasə nduú beé. Dan ń ngáńdə́ gə̄ a̰a̰n̄də́ anī, a rāān̄ rɔ̄nel̄ ō, a ndāmə̄n̄ ndām̄ rɔ̄nel̄ najə̄ yā Kɔ́ɔ̄ɓē tə́ ō.

JAKARI 9:17

Rɔ̄də́ a nel̄də́ rɔ̄kum ō, nin̄ a majən̄ deē rɔ̄kum ō! Kōō gémē a adə̄ balsáa gə̄ tɔ́gə ō, kasə nduú kə́ kijə a adə̄ ngámandə gə̄ tɔ́gə ō.

JAKARI 9:15

Kɔ́ɔ̄ɓē kə́ bo kə́ tɔ́gən i ngá̰ý a ngɔ̄m̄ de gə̄ kə́ dan gír deē yān gə̄ tə́. Kɔkərɔ gə̄ kə́ kem bējə̄ gə̄ tə́ ní, nin̄ a nujənə̄ń kɔ̄ɔ́ ō, a tɔ̄ɔ̄n̄ kɔ̄ɔ́ ō. A ɓōkə́n̄ mósə madə̄ ba̰ā̰də́ gə̄ nang tə́ tītə̄ kasə nduú beē. Nin̄ a ɓōkə́n̄ tītə̄ mósə dā̰ kə́ tɔ̄l̄ yā tun̄ beé, kem bay ndējə̄ yá̰á̰ tə́, aláa tītə̄ mósə́ kə́ ɓōkə́ tū gajə gə̄ kə́ kíl loo tun̄ yá̰á̰ tə́ beē.

IJAI 35:10

Ngé gə̄ ń Kɔ́ɔ̄ɓē a gān̄g dɔdə́ ní a télən̄ yā reē. Nin̄ a ugə̄n̄ Siyo̰ kə kɔŕ rɔ̄nelēé tadə́ tə́. Rɔ̄nel̄ kə́ ta ngóyn gətóo a rāā ta kumdə́ kadə̄ ndə́lē. Walya kə́ to ɓōĺ ngá̰ý a dān̄ gōdə́, ka̰a̰ tápə̄ ō, nōō rɔ̄ ō a gətóon̄ kɔ̄ɔ́.

IJAI 25:6

Kɔ́ɔ̄ɓē kə́ bo kə́ tɔ́gən i ngá̰ý a tə́ngā dā̰ kə́ yḛmbə tām̄ yā gír de gə̄ tə́ malang ō, a adə̄də́ kasə nduú kə́ majə dɔ tə́ ō, a əsan̄ i dā̰ kə́ ngəra aĺ ō, yḛmbə ō, a a̰ȳn̄ i kasə nduú kə́ kumən unjə̄ yáŕ yáŕ ō.

TƏ́DA 18:18

Gō tə́ anī dā̰də́ i tām̄ yāsí tə́ tītə̄ ń nganjə dā̰ kə́ ndējə̄ Nə́ɓā ō, ɓúr dā̰ kə́ ndējə̄ Nə́ɓā ō, i tām̄ yāsí tə́ ní.

LEBI GƏ̄ 23:11

Teē gidə gō ndɔ̄ sabat anī, nge tun̄ yá̰a̰ a ndējə̄ Kɔ́ɔ̄ɓē dɔ kōō kə́ do̰ō̰ ní kə gō looneé, yā kadə̄ nelə̄ń Kɔ́ɔ̄ɓē sesí.

LEBI GƏ̄ 10:15

Ngán Israel gə̄ na a reēnəń i naā tə́ kə yibə̄ dā̰ kə́ yā róō horoó dɔ loo tun̄ yá̰á̰ tə́. Ré na ndējə̄n̄ Kɔ́ɔ̄ɓē kə gō looneé oy anī, na a télnə̄n̄ yā kadə̄n ní ō, ngánən gə̄ ō, ngándáńg kə gō ndū najə̄ Kɔ́ɔ̄ɓē.

LEBI GƏ̄ 9:21

Aaro̰ ndējə̄ Kɔ́ɔ̄ɓē nganjə̄ dā̰ gə̄ ní ō, ɓúŕdə́ kə́ ko̰ó̰ gə̄ ō, kə gō looneé tītə̄ ń Moijə ədań ní.

LEBI GƏ̄ 7:34

Tɔdɔ̄ dā̰ kə́ yā tun̄ tām̄ yā kem kógə̄ḿ tə́ ń ngán Israel gə̄ a adə̄n̄ Kɔ́ɔ̄ɓē ní, nganjən kə́ yā ndējə̄ kə gō looneé ō, ɓúrən kə́ yā kɔr ō ní, Kɔ́ɔ̄ɓē taā jī ngán Israel gə̄ tə́ adə̄ i Aaro̰ nge tun̄ yá̰a̰ nin̄ kə ngánən gēé, adə̄ loon gə̄ ń noō i tām̄ yādə́ nin̄ tə́ ngándáńg.

LEBI GƏ̄ 7:31

Nge tun̄ yá̰a̰ a róō yibə̄n gə̄ ní horoó dɔ loo tun̄ yá̰á̰ tə́, nganjən i tām̄ yā Aaro̰ nin̄ kə ngánən gēé tə́.

LEBI GƏ̄ 7:30

Nəkɔ́ a reē kə yibə̄n gə̄ kə́ yā róō horoó yā kadə̄ Kɔ́ɔ̄ɓē kə gō looneé tə́.

LEBI GƏ̄ 7:32

Dā̰ kə́ tun̄ tām̄ yā kem kógə̄ḿ tə́ ní, ā ɔ̄rī ɓúrən kə́ dām̄ kə́ ko̰ó̰ tə́ yā kadə̄ nge tun̄ yá̰a̰.

TƏ́DA 6:21

Ndū najə̄ kə́ dɔ deē ń ənī ndūn yā kɔr̄ kam̄ rɔ̄n tām̄ yā Kɔ́ɔ̄ɓē tə́ ní n noóō, yá̰a̰ gə̄ ń ni a adə̄ Kɔ́ɔ̄ɓē tām̄ kɔr̄ kə́ ni-ɔr̄ kam̄ rɔ̄n tām̄ yān tə́ ní n noó ō. Ré tɔ́gən asə anī ni a asə kadə̄ Kɔ́ɔ̄ɓē yá̰á̰ kə́ rang dɔ tə́ kə gō kem ndigə yānneé. Yá̰á̰ ń ni-ənī ndūn dɔ tə́ yā kadə̄ ní, a adə̄ i kə gō ń ndū najə̄ kə́ dɔ nge kɔr̄ kam̄ rɔ̄n tām̄ yā Kɔ́ɔ̄ɓē tə́ əda ní.