TƏ́DA 6:2 - Bibəl ta Sar̄

² kəda ngán Israel gə̄ najə̄ ń toō: Ré de kə́ dəngam, aláa kə́ dəyá̰ ənī ndūn yā kɔr kam̄ rɔ̄n tām̄ yā Kɔ́ɔ̄ɓē tə́ anī,

Bible sar

² kəda ngán *Israel gə̄ najə̄ ń toō: Ré de kə́ dəngam, aláa kə́ dəyá̰ ənī ndūn yā kɔr kam̄ rɔ̄n tām̄ yā Kɔ́ɔ̄ɓē tə́ anī,

TƏ́DA 6:2 Referans Kwoze

NGÉ SARYA 13:5

tɔdɔ̄ ā ndān̄ ngōn̄, ā ójə ngōn̄ kə́ dəngam. Deē a əndā nə́nga dɔn tə́ alé, tɔdɔ̄ ɔrə̄n̄ kam̄ ngōn̄ ní tām̄ yā Nə́ɓā tə́ i dan ń ni i kem kó̰o̰n tə́ ɓáý ní ō, i ni n a əla gír taā Israel gə̄ jī Pilistin gə̄ tə́ yā kajədə́ ní ō.

Makətūbə̄ ń Pol ndang adə̄ Rom gə̄ ní 1:1

I mā Pol n m-ə́la kə makətūbūú mādə̄sí ní. Mā i nge kəla yā Jeju Kərist. Ni ɓārə́m̄ kadə̄ mā i ngōmbang kəla yān ō, ɔrə̄m̄ tayā kadə̄ m-ə̄nā mbēr̄ Najə̄ kə́ Majə yā Nə́ɓā ō.

HEBƏRO 7:27

Jeju to tītə̄ gotə ngol ngé tun̄ yá̰a̰ gə̄ kə́ rang gə̄ alé. Ni i nge tun̄ yá̰a̰ kə dɔ ndɔ̄ gə̄ ndɔ̄ gə̄ tām̄ majaĺ yān nəkɔ́ tə́ ō, tām̄ majaĺ yā ngán Israel gə̄ tə́ ō alé. Ni-rāā nge ń noō nja kógə̄ḿ beē ngóy dan ń nəkɔ́ adə̄ rɔ̄n yá̰a̰ tun̄ tə́ ní.

GALATƏ 1:15

Banī Nə́ɓā rajəm̄, ni-gə̄rām̄ dan ń mā i kem kó̰ó̰ḿ tə́ ɓáý ní, ba ɓārə́m̄ kadə̄ m̄-rāā kəla m-ādə̄n.

2 KORḚNTƏ 6:16

Kújə yā Nə́ɓā ō, ɓesə̄ gə̄ ō ní, i rí n ɓoodə́ naā tə́ ní? Tɔdɔ̄ jḭḭ̄ i kújə yā Nə́ɓā kə́ ndi kə kumneé tītə̄ ń Nə́ɓā nəkɔ́ ədań ní, ni-əda na: M-ā m̄-ndi sedə́ ō, m-ā m̄-njə̄rā sedə́ ō, loo ń noō tə́ mā i Nə́ɓā yādə́ ō, nin̄ i gír deē yāḿ gə̄ ō.

Najə̄ kə́ Majə yā Jeju ń Luk ndang ní 1:15

Tɔdɔ̄ ni a tél de kə́ bo ta kum Kɔ́ɔ̄ɓē tə́. Ni a a̰ȳ kasə kan̄ kāgə̄ nduú aĺ ō, a a̰ȳ kasə kə́ rang kə́ ngan̄g aĺ ō. Ndíĺ kə́ Táĺ a rosən dan ń ni i kem kó̰o̰n tə́ ɓáý ní.

Gōsə̄ najə̄ gə̄ 18:1

De kə́ nge rāā ta yá̰a̰ a sāā i yá̰á̰ ń kemən gḛy ní. Ni a ənī wōn̄g ta kɔjə̄ malang ń deē adə̄n tə́ ní.

1 SAMUEL 1:28

Ba mā m̄-ndigə téləń kadə̄n. Adə̄ kə dɔ ndɔ̄ gə̄ malang ń a ndiń kə kumneé ní ni i deē yā Kɔ́ɔ̄ɓē. Gō tə́ anī ɔsə non nang tə́ ta kum Kɔ́ɔ̄ɓē tə́, rɔȳnneé.

NGÉ SARYA 16:17

əda na: Jóo toó deē əla nənga dɔḿ tə́ dəsāń dɔḿ aĺ ɓáý. Tɔdɔ̄ ɔrə̄n̄ kamə̄ḿ tām̄ yā Nə́ɓā tə́ i dan ń mā i kem kó̰ḿ tə́ ɓáý ní. Adə̄ ré deē dəsā dɔḿ kɔ̄ɔ́ anī tɔ́gə́ḿ a teē rɔ̄ḿ tə́ kɔ̄ɔ́ ō, m-ā m̄-ngan̄g aĺ tītə̄ yā gotə deē ndul gə̄ ō.

LEBI GƏ̄ 27:2

kəda ngán Israel gə̄ ndū najə̄ gə̄ ń toō: Ré deē kə́rēý ənī ndūn yā kadə̄ Kɔ́ɔ̄ɓē deē anī, a asə kadə̄ nar kum gotə.

LEBI GƏ̄ 20:26

Ādə̄ sḭḭ̄ i de kə́ táĺ gə̄, ɔ̄rī kam̄sí kɔ̄ɔ́ tām̄ yāḿ tə́, tām̄ mā Kɔ́ɔ̄ɓē i de kə́ táĺ. m̄-gə̄rāsí dan gír de gə̄ tə́ m-ə̄ndāsí dáńg kadə̄ sḭḭ̄ i deē yāḿ gə̄.

Teē Ngán Israel gə̄ 33:16

Tɔdɔ̄ ré na aw̄ sedə́ aĺ anī ké a gerə̄n̄ kadə̄ na rāā kem majə kə gír deē yān gēé ō, seneé ní Moijə ō, ké i ba̰ý wa. Na i ndin ni Kɔ́ɔ̄ɓē dɔ dáńdə́ tə́ ngóy n na a ɔjə kadə̄ nin̄ na i gír de gə̄ kə́ na n-ton̄ tītə̄ gotə gír de kə́ dɔ nang tə́ laā gə̄ aĺ ní.

KƏLA RĀĀ 18:18

Pol ndi Korḛntə dan oy tām̄ ɓáý. Gō tə́ anī ni-əya̰ ngákó̰o̰n gə̄ ba al̄ kem to bo kógə̄ḿ tə́ yā kaw̄ kə̄ Siri naā tə́ kə Pərisil ō Akilas ō. Ni dəsā dɔn kɔ̄ɔ́ kem ɓē kə́ Sankəre tə́, tɔdɔ̄ ni-ənī míndən kété.

TƏ́DA 6:1

Kɔ́ɔ̄ɓē mēr̄ Moijə

NGÉ SARYA 13:4

Adə̄ ngɔlaā ní ī-lōō gír ka̰ȳ kasə nduú tə́ ō, kasə kə́ ngan̄g tə́ ō, ī-lōō kəsa yá̰á̰ kə́ majaĺ tákə̄ ō,

JEREMI 35:6

Nin̄ tél ədan̄ na: Jḭḭ j-a̰ȳ kasə nduú alé. Kaají Yonadab, ngōn̄ Rekab adə̄jí ndūn əda na: Sḭḭ̄ ō, ngáńsí gə̄ ō ā ā̰yī kasə nduú aĺ bátə́.

TƏ́DA 30:3

Ré de kə́ dəngam ənī ndūn yā ndējə̄ Kɔ́ɔ̄ɓē yá̰a̰, aké ənī ndūn yā mbātə́ yá̰á̰ kə́rēý anī, ni a lōō gíŕ yá̰á̰ ń ni-ənī ndūn yā rāā tə́ ní alé, banī a əndā kumən gírí yā rāā kə gōó.

NGÉ SARYA 13:14

A əsa yá̰á̰ kə kan̄ nduú aĺ ō, a a̰ȳ kasən aĺ ō, a a̰ȳ kasə kə́ ngan̄g aĺ ō, a əsa yá̰á̰ kə́ majaĺ tákə̄ aĺ ō. A əndā kumən gíŕ yá̰a̰ malang ń m-ə́dan tə́ ní ō.