TƏ́DA 6:19 - Bibəl ta Sar̄

¹⁹ Ré deē ń ɔr̄ kam̄ rɔ̄n tām̄ yā Kɔ́ɔ̄ɓē tə́ ní dəsā dɔn oy anī, nge tun̄ yá̰a̰ a un kɔ̄bə̄ bal batə̄ ń ndīrə̄n̄ ní ō, mápá kə́ rāā kanjə̄ kaa mápa ń to kem keé ní kógə̄ḿ ō, makəla kə́ kanjə̄ kaa mápa kógə̄ḿ ō, yā tə́nīdə́ kem jīn tə́.

Bible sar

¹⁹ Ré deē ń ɔr̄ kam̄ rɔ̄n tām̄ yā Kɔ́ɔ̄ɓē tə́ ní dəsā dɔn oy anī, *nge tun̄ yá̰a̰ a un kɔ̄bə̄ bal batə̄ ń ndīrə̄n̄ ní ō, mápá kə́ rāā kanjə̄ *kaa mápa ń to kem keé ní kógə̄ḿ ō, makəla kə́ kanjə̄ kaa mápa kógə̄ḿ ō, yā tə́nīdə́ kem jīn tə́.

TƏ́DA 6:19 Referans Kwoze

1 SAMUEL 2:15

Kə́rēý gə̄ anī pá tá kadə̄ róōn̄ yibə̄ dā̰ ń tɔ̄lə̄n̄ yā tun̄ ní, ngōn̄ nge kəla yā nge tun̄ yá̰a̰ a reē ba a əda deē ń a tun̄ yá̰á̰ ní na: Ādə̄m̄ dā̰ kə́ yā tə́ngā tām̄ yā nge tun̄ yá̰á̰ tə́. Ni a taā dā̰ kə́ ndīr̄ jīí tə́ aĺ bátə́. Ni-ndigə i dā̰ kə́ mbōl̄ ngóy.

LEBI GƏ̄ 7:30

Nəkɔ́ a reē kə yibə̄n gə̄ kə́ yā róō horoó yā kadə̄ Kɔ́ɔ̄ɓē kə gō looneé tə́.

LEBI GƏ̄ 8:31

Moijə əda Aaro̰ nin̄ kə ngánən gēé na: Ī-ndīrī dā̰ bal batə̄ kə́ nge ko̰ jōó ní ta kújə kənge naā tə́. Ā ə́saī i loo ń noō tə́ kə mápá kə́ rāā tām̄ yā kəndāńsí kem kəla tun̄ yá̰á̰ tə́ ń to kem keé ní. Ā ə́saī i loo ń noō tə́ tītə̄ ń m-ə́dańsí m-ə́da na i Aaro̰ nin̄ kə ngánən gēé n a əsan̄ ní.

LEBI GƏ̄ 8:27

Ni-ɓōkə́ yá̰a̰ gə̄ ń noō malang kem jī Aaro̰ nin̄ kə ngánən gēé tə́, adə̄ ndējə̄n̄ Kɔ́ɔ̄ɓē kə gō looneé.

LEBI GƏ̄ 7:28

Kɔ́ɔ̄ɓē mēr̄ Moijə kəda ngán Israel gə̄ ndū najə̄ gə̄ ń toō ɓáý to̰: Deē ń ndējə̄ dā̰ kə́ yā tun̄ kadə̄ Kɔ́ɔ̄ɓē tām̄ yā kem kógə̄ḿ tə́ ní a ɔr̄ loo dā̰ ní kə́ tām̄ yā Kɔ́ɔ̄ɓē tə́ yā kadə̄n.

TƏ́DA 6:2

kəda ngán Israel gə̄ najə̄ ń toō: Ré de kə́ dəngam, aláa kə́ dəyá̰ ənī ndūn yā kɔr kam̄ rɔ̄n tām̄ yā Kɔ́ɔ̄ɓē tə́ anī,