TƏ́DA 6:15 - Bibəl ta Sar̄

¹⁵ A adə̄ mápá kə́ rāā kə ndujə̄ kə́ lándāá kanjə̄ kaa mápa kem keē kógə̄ḿ ō, mápá kə́ rāā kə ndujə̄ kə́ ló̰ȳ kə yibīí ō, makəla gə̄ kə́ rāān̄də́ kanjə̄ kaa mápa ba tə́ten̄ yibə̄ dɔ tə́ ō, ndujə̄ ō, kasə nduú kə́ tām̄ yā yá̰á̰ kə́ yā tun̄ gə̄ tə́ ō.

Bible sar

¹⁵ A adə̄ mápá kə́ rāā kə ndujə̄ kə́ lándāá kanjə̄ *kaa mápa kem keē kógə̄ḿ ō, mápá kə́ rāā kə ndujə̄ kə́ ló̰ȳ kə yibīí ō, makəla gə̄ kə́ rāān̄də́ kanjə̄ kaa mápa ba tə́ten̄ yibə̄ dɔ tə́ ō, ndujə̄ ō, kasə *nduú kə́ tām̄ yā yá̰á̰ kə́ yā tun̄ gə̄ tə́ ō.

TƏ́DA 6:15 Referans Kwoze

LEBI GƏ̄ 2:4

Ré ī-reē kə yá̰a̰ ndējēé ba i yá̰á̰ kə́ kəla púŕ tə́ anī, ādə̄ i mápá kə́ kanjə̄ kaa mápa kə́ ló̰ȳ kə yibīí, aláa i makəla kə́ kanjə̄ kaa mápa kə́ rāā yibə̄ dɔ tə́ tá.

Teē Ngán Israel gə̄ 29:2

Gō tə́ anī ā ún mápá kə́ karī kə́ rāā kanjə̄ kaa mápa ō, mápá kə́ ló̰ȳ kə yibīí kə́ rāā kanjə̄ kaa mápa ō, makəla kə́ kanjə̄ kaa mápa ba rāā yibə̄ dɔ tə́ ō. Ā ī-rāā i kə ndujə̄ gémēé.

TƏ́DA 15:10

a adə̄ kasə nduú kem lāngá mətá dɔ tə́ ō. Yá̰a̰ tun̄ kə́ sēēn nel̄ Kɔ́ɔ̄ɓē n noó.

1 KORḚNTƏ 11:26

Tɔdɔ̄ kə dɔ kəsasí mápá ń toō malang ō, kə dɔ ka̰ȳsí yá̰á̰ kə́ kem kópə ń toō tə́ gə̄ malang ō ní, ɔ́jiī i koy Kɔ́ɔ̄ɓē bátə́ kadə̄ ni-reēń.

1 KORḚNTƏ 10:31

I beé ní, ká ré ə́saīneé i yá̰a̰, aké ā̰yīneé i yá̰a̰, aké ī-rāāīneé i rí gə̄gē anī, ī-rāāī yá̰a̰ malang yā kadə̄ ɔ́siīneé gɔn Nə́ɓā.

JOEL 2:14

Majanī Nə́ɓā a tél yā tūr̄ ndūn ō, kemən a sɔl̄ ō, adə̄ a nujə sejí kɔ̄ɔ́ alé. Ni a adə̄jí yá̰a̰ kənge ngá̰ý ō. Adə̄ ā ī-tunī yá̰a̰ ō, ā ī-tə́teī kasə nduú ō, yā kadə̄ Kɔ́ɔ̄ɓē yāsí.

JOEL 1:13

Ngé tun̄ yá̰a̰ gə̄ ī-dō̰ō̰ī ɓōdə̄sí ō, ī-nōōī rɔ̄sí ō. Sḭḭ̄ ngé rāā kəla tun̄ yá̰a̰ ī-gāngī kɔŕ. Sḭḭ̄ de kə́ bo gə̄ yā Nə́ɓā yāḿ, ī-reēī, ō̰ō̰ī kūbə̄ kəhɔ ndoō ī-ɓīīneé. Tɔdɔ̄ ndəjə̄ yá̰a̰ aláa tə́te kasə nduú kem kújə yā Nə́ɓā yāsí tə́ kɔ̄ɔ́.

JOEL 1:9

De gə̄ ndējə̄n̄ yá̰á̰ aláa tə́tən̄ kasə nduú kem kújə yā Kɔ́ɔ̄ɓē tə́ to̰ alé. Ngé tun̄ yá̰a̰ gə̄ ń i de kə́ bo gə̄ yā Kɔ́ɔ̄ɓē ní əhɔn̄ ndoō.

IJAI 62:9

Banī ngé gə̄ ń ɔyn̄ kōō gémē ní, nin̄ kɔ́ gə̄ a əsan̄ ō, a ənīnəń pā tɔ̄ȳ Kɔ́ɔ̄ɓē ō. Ngé gə̄ ń a əjan̄ kan̄ nduú ní, nin̄ kɔ́ gə̄ a a̰ȳn̄ kasən ndágə loo gə̄ kə́ gīr̄ gidə kújə yā Kɔ́ɔ̄ɓē kə́ gidə loo yāḿ kə́ táĺ tə́.

LEBI GƏ̄ 9:4

Kə reēn̄ kə man̄g kə́ bəra kógə̄ḿ ō, bal batə̄ kógə̄ḿ ō, yā tun̄ tām̄ yā kem kógə̄ḿ tə́ ta kum Kɔ́ɔ̄ɓē tə́ ō, kə ndujə̄ kə́ lóȳ kə yibīí yā ndējə̄ ō, tɔdɔ̄ ɓōólaā Kɔ́ɔ̄ɓē na a ndɔ̄bə̄də́ kadə̄ a a̰a̰nən̄.

LEBI GƏ̄ 8:2

Ī-ɓāŕ Aaro̰ nin̄ kə ngánən̄ gēé ō, ɔ́y kūbə̄ gə̄ ō, ún yibə̄ kə́ táĺ ō, ə́hɔ man̄g kə́ bəra kə́ tun̄ tām̄ yā majaĺ tə́ ō, bal batə̄ kə́ jōó gə̄ ō, ún keē ń mápá kə́ kanjə̄ kaa mápa gə̄ i kemeé ní ō,

LEBI GƏ̄ 7:12

Ré deē kógə̄ḿ ndējə̄ dā̰ kə́ yā tun̄ tɔ̄ȳnəń anī, deē ní a adə̄ mápá kə́ rāā kanjə̄ kaa mápa ō, makəla kə́ kanjə̄ kaa mápa ba rāā yibə̄ dɔ tə́ ō, ndujə̄ kə́ lándə̄ kə́ ló̰ȳ kə yibīí tá kɔr̄ mápá tə́ ō, dɔ dā̰ ní tə́.

TƏ́DA 6:16

Nge tun̄ yá̰a̰ a aw̄ kə yá̰a̰ ndējə̄ gə̄ ń noō ta kum Kɔ́ɔ̄ɓē tə́. Go tə́ anī a tun̄ dā̰ kə́ tām̄ yā majaĺ tə́ ní ō, dā̰ kə́ yā róō horoó kadə̄ Kɔ́ɔ̄ɓē ní ō.