TƏ́DA 6:12 - Bibəl ta Sar̄

¹² Loo ń noō tə́ deē ní a tɔ̄l̄ ngōn̄ batə̄ kə́ ɓāl̄ kógə̄ḿ yā tun̄ kadə̄ Nə́ɓā tām̄ yā majaĺ yān tə́, ba a tél yā kɔr̄ kam̄ rɔ̄n gogə́ rang tām̄ yā Kɔ́ɔ̄ɓē tə́. Ndɔ̄ kə́ kété gə̄ ń ni-gān̄g yā kɔrə̄ń kam̄ rɔ̄n tām̄ yā Kɔ́ɔ̄ɓē tə́ ní i kə́ yā kəya̰də́ kɔ̄ɔ́, tām̄ kɔr̄ kam̄ rɔ̄ yān i kə́ majaĺ tákə̄.

Bible sar

¹² Loo ń noō tə́ deē ní a tɔ̄l̄ ngōn̄ batə̄ kə́ ɓāl̄ kógə̄ḿ yā tun̄ kadə̄ Nə́ɓā tām̄ yā majaĺ yān tə́, ba a tél yā kɔr̄ kam̄ rɔ̄n gogə́ rang tām̄ yā Kɔ́ɔ̄ɓē tə́. Ndɔ̄ kə́ kété gə̄ ń ni-gān̄g yā kɔrə̄ń kam̄ rɔ̄n tām̄ yā Kɔ́ɔ̄ɓē tə́ ní i kə́ yā kəya̰də́ kɔ̄ɔ́, tām̄ kɔr̄ kam̄ rɔ̄ yān i kə́ majaĺ tákə̄.

TƏ́DA 6:12 Referans Kwoze

LEBI GƏ̄ 5:6

ba a əhɔ kó̰o̰ batə̄ aláa kó̰o̰ bə̄yā̰ tun̄ kadə̄ Kɔ́ɔ̄ɓē tām̄ yā majaĺ ní tə́. Loo ń noō tə́ nge tun̄ yá̰a̰ a rāā yá̰á̰ kə́ yā kutə̄ń dɔ majaĺ yān.

2 JA̰A̰ 1:8

Ə̄ndāī kum kedə̄ dɔ rɔ̄sí sḭḭ̄ kɔ́ gə̄ tə́, na sōgə́ ī-tḭ̄ḭ̄ ta yá̰á̰ ń jə-rāā á teē yá̰á̰ ní, yā kadə̄ ə́ngeīneé kəgā yāsí kə taá malang.

JAKƏ 2:10

Tɔdɔ̄ ré deē kógə̄ḿ ngɔ̄m̄ gotə ndū najə̄ gə̄ malang ba əya̰ kógə̄ḿ kɔ̄ɔ́ anī, sarya yā ndū najə̄ gə̄ malang əhɔn.

MATIYE 24:13

Banī deē n a əhɔ sásáp mbóńg ta tɔ̄l̄ ta tə́ ní, a ajə.

MATIYE 3:15

Ba Jeju tél ədan na: Kə́ ngɔr ń toō tə́ ní, ə́ya̰ ādə̄ jə-rāā tītə̄ nəkɔ́ ń toō. Tɔdɔ̄ yá̰a̰ malang ń Nə́ɓā gḛy kadə̄ yā rāā ní, j-a jə-rāā kadə̄ udə gírí i tītə̄ ń noō. Anī Ja̰a̰ ndigə.

EJEKIEL 18:24

Ba ré de kə́ majə lōō gír rāā yá̰á̰ kə́ gōtə́ tə́ ba rāā yá̰á̰ kə́ majaĺ, tām̄ ni ndájə̄ yá̰a̰ rāā kə́ majaĺ ngá̰ý gə̄ malang yā de kə́ majaĺ gə̄ anī, ɔ́jiīń na a ndi kə kumneé a? I beé alé! Yá̰a̰ malang kə́ majə gə̄ ń ni-rāā ní, dɔdə́ a ndígə̄nal dɔ tə́ kɔ̄ɔ́. Ni a oy sɔɔ̄ń ra kə́ ni-ra dɔ ndūn tə́ aĺ ō, yá̰á̰ kə́ majaĺ kə́ ni-rāā ō.

LEBI GƏ̄ 14:24

Nge tun̄ yá̰a̰ a taā ngōn̄ batə̄ ní ō, yibə̄ kə́ ndi ɓōdə̄ lāngá tə́ ní ō, yā ndējə̄ Kɔ́ɔ̄ɓē kə gō looneé.

Teē Ngán Israel gə̄ 12:5

Ngōn̄ bal batə̄ aláa ngōn̄ bal bə̄yā̰ ń ā ə́hɔī ní, ādə̄ i kə́ ɓāl̄ kógə̄ḿ ō, kə́ loon kógə̄ḿ nujə aĺ ō.

LEBI GƏ̄ 5:7

Ré deē kógə̄ḿ asə kənge batə̄ aké bə̄yā̰ yā tun̄ tām̄ majaĺ yān tə́ aĺ anī, ni a reē kə dér gutə gə̄ jōó, aláa dér dum gə̄ jōó yā kadə̄ Kɔ́ɔ̄ɓē. Kógə̄ḿ i yá̰a̰ tun̄ kə́ tām̄ yā majaĺ tə́ ō, kə́rēý i yā róō horoó kadə̄ Kɔ́ɔ̄ɓē ō.

TƏ́DA 6:11

Nge tun̄ yá̰a̰ a tun̄ yel̄ kə́ kógə̄ḿ tām̄ yā majaĺ tə́ ō, a róō kə́ noō yā kadə̄ Kɔ́ɔ̄ɓē ō. Ni a rāā yá̰á̰ kə́ yā kutə̄ń dɔ majaĺ yā nge kɔr̄ kam̄ rɔ̄n tām̄ yā Kɔ́ɔ̄ɓē tə́ ń nīń ɔdə rɔ̄n ní. Ndɔ̄ nəkɔ́ ń noō tə́ ni a ədan na ta róbə to tām̄ yān tə́ kadə̄ tél ɔ̄r kam̄ rɔ̄n gogə́ rang tām̄ yā Kɔ́ɔ̄ɓē tə́.

TƏ́DA 6:13

Deē ń ɔr̄ kam̄ rɔ̄n tām̄ yā Kɔ́ɔ̄ɓē tə́ ní, ndū najə̄ kə́ tām̄ yān tə́ ń toó: Ta tɔ̄l̄ ta ndɔ̄ gə̄ ń ɔrə̄ń kam̄ rɔ̄n tə́ ní, a reēn̄ seneé ta kújə kənge naā tə́.