TƏ́DA 5:3 - Bibəl ta Sar̄

³ De kə́ beé gə̄ ní ká i dəngam aké i dəyá̰ gē anī, ā ī-tə̄ɓāīdə́ kem ɓēé kɔ̄ɔ́, na sōgə́ majaĺ tákə̄ ɓē yā ngán Israel gə̄ ń m̄-ndi dɔ dáńdə́ tə́ ní.

Bible sar

³ De kə́ beé gə̄ ní ká i dəngam aké i dəyá̰ gē anī, ā ī-tə̄ɓāīdə́ kem ɓēé kɔ̄ɔ́, na sōgə́ majaĺ tákə̄ ɓē yā ngán *Israel gə̄ ń m̄-ndi dɔ dáńdə́ tə́ ní.

TƏ́DA 5:3 Referans Kwoze

NDŪ NAJƏ̄ 23:14

Ā ī-ngɔ̄m̄ kāgə̄ kə́ ta katə dām̄ kógə̄ḿ dan yá̰a̰ yāí gə̄ tə́, kadə̄ ré āw̄ ta wa tə́ gidə gérger tə́ ndágá anī, ī-ndērəń bəlo. Ré édə kem bəlo ní tə́ oy anī, ī-tə́la ta.

JEJU TEĒ KUM JA̰A̰ 21:27

Yá̰á̰ kə́ yḛr a udə kem ɓē ní tə́ aĺ ō, de kə́ nge rāā yá̰á̰ kə́ majaĺ ngá̰ý ō, de kə́ nge sor̄ ō, a udən̄ kem ɓē ní tə́ aĺ ō. I ngé gə̄ ń ndangən̄ rīdə́ kem makətūbə̄ ndi kə kumuú yā Ngōn̄ Batə̄ tə́ ní ngóy n a udən̄ kem ɓē ní tə́ ní.

JEJU TEĒ KUM JA̰A̰ 21:3

Gō tə́ anī, m-ōō ndū deē kógə̄ḿ teē tū kōr̄ kāgə̄ mbang tə́, əda na: Loo ń Nə́ɓā ndi tū tə́ kə de gēé ní n toó. Ni a ndi sedə́. Nin̄ i gír deē yān gə̄ ō, ni i Nə́ɓā ń ndi sedə́ ní ō.

TITƏ 3:10

De kə́ nge ndóō de gə̄ yá̰á̰ kə́ rɔ̄kum aĺ ní, ī-tāan nja kógə̄ḿ, ba nja kə́ nge ko̰ jōó anī, ɔ̄rə̄n kɔ̄ɔ́ kə̄ gogə́.

2 TESALONIK 3:6

Ngákó̰ó̰jí gə̄, jə-dəjesí kə rī Kɔ́ɔ̄ɓē yājí Jeju Kərist kadə̄ ɔ̄rī rɔ̄sí kɔ̄ɔ́ rɔ̄ ngákó̰ó̰sí kə́ ngé yay gə̄ tə́ malang, nin̄ ń i ngé mbātə́ rāā yá̰a̰ gə̄ ń j-ɔjəsí ní.

IJAI 12:6

Ḭ̄ ń ī-ndi Siyo̰ ní, ɔ́jə rɔ̄nel̄ yāí kə̄ ndágá, úr kɔĺ rɔ̄nel̄! A̰á̰ā̰, Nə́ɓā kə́ táĺ yā Israel ń ndi dansí tə́ ní, i de kə́ bo!

PĀ GƏ̄ 68:18

Púsə rɔ̄ɔ̄ gə̄ yā Nə́ɓā i dūbú ngá̰ý, i dūbú ngá̰ý nja kutə kə̄ gogə́. Kɔ́ɔ̄ɓē i dandə́ tə́, mbal̄ Sinai i kem loo kə́ táĺ tə́.

1 MBAN̄G GƏ̄ 7:3

Rákə̄n̄ kāgə̄ sédər gə̄ dɔ sáā kāgə̄ kə́ kutə sɔ́ gidə i mí gə̄ ń dēsə́n̄də́ kutə gidə i mí mí gír loo mətá dɔ madə̄ gə̄ tə́ ní.

TƏ́DA 35:34

Dɔ nang ń ī-ndiī tū tə́ á m-ā m̄-ndi tū tə́ ō ní, ā ī-rāāī kadə̄ majaĺ tákə̄ alé, tɔdɔ̄ mā i Kɔ́ɔ̄ɓē ō, m̄ndi dan ngán Israel gə̄ tə́ ō.

TƏ́DA 19:22

Yá̰a̰ malang ń de kə́ majaĺ tákə̄n ɔdə rɔ̄ ní, a tél yá̰á̰ kə́ yḛr ō, deē ń a ɔdə rɔ̄ ní a tél de kə́ yḛr kadə̄ loo tíbə dɔn tə́ ō.

Teē Ngán Israel gə̄ 25:8

Ngán Israel gə̄ a rāān̄ loo kə́ táĺ tām̄ yāḿ tə́ kadə̄ m̄-ndiń dɔ dáńdə́ tə́.

Teē Ngán Israel gə̄ 29:45

M-ā m̄-ndi dan ngán Israel gə̄ tə́ ō, mā i Nə́ɓā yādə́ ō.

LEBI GƏ̄ 14:8

Deē ní a tə́go kūbə̄ yān gə̄ ō, a dəsā bḭḭ̄ kə́ rɔ̄n tə́ malang ō, a ndogə̄ man̄ ō. Loo ń noō tə́ ní i de kə́ unjə̄ njáý njáý. Ré ni rāā yá̰a̰ gə̄ ń noō oy anī, a udə kem ɓēé banī a ndi kem kújə yān tə́ alé ndɔ̄ sīrí.

TƏ́DA 5:4

Ngán Israel gə̄ rāān̄ yá̰á̰ ń Kɔ́ɔ̄ɓē əda Moijə ní. Nin̄ tə̄ɓān̄ de kə́ majaĺ tákə̄də́ gə̄ malang kem ɓēé kɔ̄ɔ́.

TƏ́DA 16:3

Nin̄ kánə̄n̄ naā dɔ Moijə nin̄ kə Aaro̰ tə́ ba ədan̄də́ na: Ń toō asə tā. Ngán Israel gə̄ malang nin̄ i de kə́ táĺ gə̄ ō, Kɔ́ɔ̄ɓē i dɔ dáńdə́ tə́ ō, ba i náā n adə̄sí ta róbə kḭḭ dɔ ngé gə̄ ń Kɔ́ɔ̄ɓē kán̄də́ naā tə́ ní?

LEBI GƏ̄ 15:31

Ré ngán Israel gə̄ télən̄ de kə́ yḛr gə̄ anī, ā ɔ̄gīdə́ kudə kem loo ndi yāḿ ń ra dɔ dáńdə́ tə́ ní, na sōgə́ oyn̄ tām̄ nin̄ i de kə́ yḛr gə̄. Tɔdɔ̄ ré nin̄ rāān̄ adə̄ loo ndi yāḿ tél loo kə́ yḛr anī, a oyn̄.

NDŪ NAJƏ̄ 23:15

I gáŕ kadə̄ kem gérger yāí i kə́ táĺ, tɔdɔ̄ Kɔ́ɔ̄ɓē Nə́ɓā yāí a njə̄rā kemeé yā ngɔ̄mīneé ō, yā rāań kadə̄ ī-tetə madə̄ ba̰ā̰í gə̄ rɔ̄ɔ̄ ō. Ní ré ni teē dɔ yá̰á̰ kə́rēý kə́ to yḛr kum tə́ kemeé anī, a ndi seí alé.