TƏ́DA 5:27 - Bibəl ta Sar̄

²⁷ Ba yá̰á̰ ń a rāā yá̰á̰ ní n toó: Ré dəyá̰ ní sāā dəngam kə́ rang gidə ngaan tə́ əlań rɔ̄sɔl̄ dɔ rɔ̄n tə́ rɔ̄kum anī, man̄ kə́ katə̄ kárárá ń a reē kə ndɔ̄ĺ dɔ deē tə́ ní a udə kemən tə́ yā tíī kemən ō, yā kɔgə̄n kojə ngōn̄ ō. Loo ń noō tə́ ré de kə́ kem ɓē yān tə́ gə̄ a túbən̄ anī a unən̄ i rīn n a túbənə̄ń.

Bible sar

²⁷ Ba yá̰á̰ ń a rāā yá̰á̰ ní n toó: Ré dəyá̰ ní sāā dəngam kə́ rang gidə ngaan tə́ əlań rɔ̄sɔl̄ dɔ rɔ̄n tə́ rɔ̄kum anī, man̄ kə́ katə̄ kárárá ń a reē kə ndɔ̄ĺ dɔ deē tə́ ní a udə kemən tə́ yā tíī kemən ō, yā kɔgə̄n kojə ngōn̄ ō. Loo ń noō tə́ ré de kə́ kem ɓē yān tə́ gə̄ a túbən̄ anī a unən̄ i rīn n a túbənə̄ń.

TƏ́DA 5:27 Referans Kwoze

JEREMI 42:18

Rɔ̄kum, najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: Tītə̄ ń wōn̄g yāḿ ō, wōn̄g kə́ ngá̰ý yāḿ ō rāāmə̄nneé dɔ de kə́ Jerusalem tə́ gə̄ ní, wōn̄g kə́ ngá̰ý yāḿ a rāām̄ dɔsí tə́ i tītə̄ ń noō ō, dan ń ā ūgīneé Ejiptə tə́ ní. Sḭḭ̄ ā ī-téliī i yá̰á̰ kə́ nujə sák sák kɔ̄ɔ́ ō, kə́ túbə ō, ndɔ̄ĺ ō i dɔ tə́, kə́ de gə̄ kídə̄n̄ ō, kə́ to rɔ̄sɔl̄ ō.

JEREMI 29:18

M-ā m̄-tə̄ɓā gōdə́ kə kaskaraá ō, kə ɓōó ō, kə mo̰y ngāl̄bɔ̄gīí ō. M-ā m̄-rāādə́ kadə̄ a télən̄ yá̰á̰ kə́ to ɓōĺ kə́ ɓē ko̰o̰ gə̄ malang kə́ dɔ nang tə́ a ndɔ̄lə́n̄ naā i kə rīneé ō, yá̰á̰ kə́ to kum ko̰o̰ kə́ de gə̄ a əgan̄ kɔŕ ɓōĺ dɔ tə́ ō, a tájə̄n̄ ō, kem ɓē yā nápar de gə̄ ń m̄-tə̄ndā m̄-tḭ̄ḭ̄də́ tū tə́ ní.

JAKARI 8:13

Ɓē ko̰o̰ gə̄ kə́ Juda tə́ ō, kə́ Israel tə́ ō, dan nápar de gə̄ tə́ ní, sḭḭ̄ i gír de gə̄ kə́ ndɔ̄lə́n̄də́ kadə̄ gotə gír de kə́ rang gə̄ a̰a̰n̄. Banī ngɔlaā ní, m-ájə́sí. Adə̄ ā ī-téliī i gír de gə̄ kə́ tɔ́rə̄n̄ tadə́ dɔdə́ tə́, kadə̄ gotə gír de kə́ rang gə̄ a̰a̰n̄. I beé ní, ī-ɓōlíī to̰ alé, banī ə́hɔī rɔ̄sí tɔgə!

JEREMI 44:12

M-ā m-ə̄ndā kumḿ gír Juda gə̄ ń teēn̄ ta yo tə́ á əsōn̄ róbó yā kaw̄ ɓɔ̄ɔ̄ rɔ̄də́ Ejiptə tə́ ní kə gōó. Nin̄ malang a oyn̄, a tə́sōn̄ kem ɓē kə́ Ejiptə tə́. A oyn̄ yo kaskar ō, yo ɓō ō, a télən̄ yá̰á̰ kə́ to kum ko̰ ō, a ndə̄ngān̄də́ yo ō, a ndɔ̄lə́n̄də́ ō, a tájə̄n̄də́ ō.

JEREMI 29:22

Ngé gə̄ malang ń əhɔn̄də́ Juda aw̄n̄ sedə́ Babilon tə́ ní, a ndɔ̄lə́n̄ naā i kə yá̰á̰ ń rāādə́ noō, adə̄ de gə̄ a ədan̄ na: Ādə̄ Kɔ́ɔ̄ɓē rāāī tītə̄ ń rāań Sedekias ō, Akab ō ń mban̄g kə́ Babilon gírēdə́ dɔ hor tə́ ní.

JEREMI 24:9

M-ā m-ūtə̄ kumḿ njárárá, ba m-ā m̄-rāādə́ kadə̄ télən̄ yá̰á̰ kə́ to ɓōĺ tām̄ yā ɓē ko̰o̰ gə̄ malang kə́ dɔ nang tə́ tə́. A ənīn̄ pā sedə́ ō, a lurən̄də́ ō, a tájə̄n̄də́ ō, a ndɔ̄lə́n̄də́ ō, kə gō loo gə̄ malang ń m̄-tə̄ndā m̄-tḭ̄ḭ̄də́ tū tə́ tə́ ní.

IJAI 65:15

Ngé gə̄ ń m̄-gə̄rādə́ ní a unən̄ rīsí i yā ndɔ̄lə́nń deē ngóy, nin̄ a ədan̄ na: Ādə̄ Kɔ́ɔ̄ɓē Nə́ɓā rāā adə̄ óy tītə̄ yā deē ń toō, aláa tītə̄ yā de kə́ rang ń toō! Banī ngé gə̄ ń rāān̄ kəla adə̄mə̄n̄ ní, tām̄ yādə́ tə́ ɓáa a unən̄ i rī kə́ rang.

NDŪ NAJƏ̄ 28:37

Gír de gə̄ malang ń Kɔ́ɔ̄ɓē Nə́ɓā yāí a aw̄ seí ɓēé loodə́ ní a ɔr kumdə́ seí. A əgōnī ō, a lurnī ō.

2 PIYER 2:10

Ba kə́ bo ngá̰ý ɓáa i ngé kun gō ngur yá̰á̰ kə́ yḛr gə̄ kə́ rāādə́ ba mbātə́nń kadə̄ Nə́ɓā o̰o̰ ɓē dɔdə́ tə́ gə̄. Ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō ní, nin̄ i de kə́ ngé ɓōĺ yá̰a̰ aĺ gə̄ ō, ngé ndájə̄ najə̄ gə̄ ō. De kə́ dɔ rā̰ tə́ kə́ to kɔsə gɔndə́ gə̄ ní, nin̄-ɓōlə́n̄ ndíĺdə́ alé, banī tájə̄n̄də́.

2 KORḚNTƏ 2:16

Tām̄ yā ngé tḭ̄ḭ̄ ta rɔ̄də́ tə́ ɓáa i sēē nīń kə́ a əla deē ta yo tə́. Ba tām̄ yā ngé gə̄ ń nin̄ i dɔ róbə ndi kə kumuú tə́ ní ɓáa, i sēē ndi kə kumuú kə́ a rāā kadə̄ deē ndi kə kumneé. Ba i náā n asə rāā kəla kə́ tītə̄ ń noō ní?

Makətūbə̄ ń Pol ndang adə̄ Rom gə̄ ní 6:21

Ní, nge ń noō teēsí i yá̰á̰ rí gə̄? Sḭḭ̄ i kə rɔ̄sɔlɔ̄ɔ́ tū tə́ ɓōólaā, tɔdɔ̄ yá̰a̰ gə̄ ń ə́ngeī ní ta tɔ̄l̄ tadə́ i yo.

KOHELET 7:26

Mā m-á̰a̰ kadə̄ dəyá̰ adə̄ deē wur katə̄ tɔȳ yo dan ń ni-tél i gūmbə̄ ō, kemən tél i réng ō, jīn gə̄ télən̄ i kəlā do̰ō̰ deē ō ní. Deē ń nel̄ Nə́ɓā seneé ní a teē jī dəyá̰ ní tə́ yā ka̰ȳ, banī nge rāā majaĺ əsō kem jīn tə́.

TƏ́DA 5:20

Ba ré ī-sāā dəngam kə́ rang gidə ngaaí tə́ rɔ̄kum ə́lań rɔ̄sɔl̄ dɔ rɔ̄í tə́, ré dəngam kə́ rang ɓīī seí anī,

TƏ́DA 5:28

Ba ré dəyá̰ ní əla rɔ̄sɔl̄ dɔ rɔ̄n tə́ alé, ré najə̄ gətóo dɔn tə́ anī, ndɔ̄ĺ a reē dɔn tə́ aĺ ō, ni a ojə ngán gə̄ ō.

PĀ GƏ̄ 109:18

Ni-əla ndɔ̄ĺ kūbə̄ tə́ rɔ̄n tə́ ní, ādə̄ ndɔ̄ĺ əla loo kemən tə́ tītə̄ man̄ beé ō, taā loo jīn gə̄ tə́ kə̄ njan gə̄ tə́ tītə̄ yibə̄ beé ō!