TƏ́DA 4:33 - Bibəl ta Sar̄

³³ Kəla yā kújə kənge naā ń kadə̄ ngán Merari gə̄ rāān̄ ní n noó. Itamar ngōn̄ Aaro̰ nge tun̄ yá̰a̰ a əndā kumən gírí.

Bible sar

³³ Kəla yā *kújə kənge naā ń kadə̄ ngán Merari gə̄ rāān̄ ní n noó. Itamar ngōn̄ *Aaro̰ *nge tun̄ yá̰a̰ a əndā kumən gírí.

TƏ́DA 4:33 Referans Kwoze

TƏ́DA 4:28

Kəla yá̰á̰ kújə yā Nə́ɓā ń adə̄n̄ ngán Gerson gə̄ kadə̄ rāān̄ ní n noó. I Itamar ngōn̄ Aaro̰ nge tun̄ yá̰a̰ n i nge kəndā kumən gír kəla yādə́ gə̄ tə́ ní.

IJAI 3:6

Deē a əhɔ ngōkó̰o̰n kə́ gír kojə yā bɔbə̄n tə́, ba a ədan na: Ḭ̄, kūbə̄ yāí i kə́ majə ɓáý ní, ī-ndi ngār dɔjí tə́, ba úń yá̰á̰ kə́ a̰a̰ gō naā aĺ kə́ bo ń toō kə̄ jīí tə́!

JOJUE 3:6

Teē kə ndɔ̄ kə́ noō anī, ni-əda ngé tun̄ yá̰a̰ gə̄ kadə̄ unən̄ sandúkə madə̄ naā ba kə mānə̄n̄ kété no de gə̄ tə́. Anī nin̄ rāān̄ tītə̄ ń Jojue ədańdə́ ní, adə̄ unən̄ sandúkə madə̄ naā ba mānə̄n̄ kété no de gə̄ tə́.

TƏ́DA 4:32

kāgə̄ ndogə̄ kūbə̄ gə̄ ń əgan̄ dɔ ndágə loo kə́ gīr̄ gidə kújə yā Kɔ́ɔ̄ɓē tə́ ní ō, bir̄ njadə́ gə̄ ō, bēl̄ gə̄ kə́ tū tə́ ō, kəlā gə̄ ō, yá̰a̰ rāā kəla gə̄ malang ō. Yá̰a̰ gə̄ ń kadə̄ ətōn̄ ní ɔ́jiīdə́ kógə̄ḿ kógə̄ḿ kə dɔdə́ gēé.

TƏ́DA 4:34

Moijə ō, Aaro̰ ō, ngār gə̄ kə́ dɔ ngán Israel gə̄ tə́ ō, tə́dan̄ ngán kaa Kehat gə̄ ō, Gerson gə̄ ō, Merari gə̄ ō, kə gō gír kaadə́ gēé ō, gír kojə yādə́ gēé ō. Tə́dan̄ i ngé gə̄ malang ń ɓāl̄də́ ḭḭ dɔ kutə mətá tə́ bátə́ kutə mí tə́ ń a rāān̄ kəla tām̄ yā kújə kənge naā tə́ ní. Kutə de gə̄ ń tə́dan̄ kə gō ndū Kɔ́ɔ̄ɓē ń adə̄ Moijə ní n toó: Ngán kaa Kehat gə̄ i deē 2 750. Ngán kaa Gerson gə̄ i deē 2 630. Ngán kaa Merari gə̄ i deē 3 200. Kutə ngán Lebi gə̄ malang i deē 8 580. Nin̄ kógə̄ḿ kógə̄ḿ ní ɔjən̄də́ kəla ń kadə̄ rāān̄ ní ō, yá̰á̰ ń kadə̄ ətōn̄ ní ō. Ɔjən̄də́ i tītə̄ ń Kɔ́ɔ̄ɓē ədań Moijə ní.

Teē Ngán Israel gə̄ 38:21

Gində̄ gə̄ malang ń rāān̄neé kújə ndi Kɔ́ɔ̄ɓē yā kəndā sandúkə ndū najə̄ kemeé ní n toó. I Moijə n mēr̄ ngán Lebi gə̄ mbɔ̄jə́ kɔȳn ní. Deē ń ɔr no ngán Lebi gə̄ loo mbɔ̄jə́ kɔȳn tə́ ní i Itamar ngōn̄ Aaro̰ nge tun̄ yá̰a̰.

TƏ́DA 7:8

Adə̄ ngán Merari gə̄ púsə sɔ́ ō, man̄g sɔ́sɔ́ ō, kə gō kəla yādə́ gēé. I Itamar ngōn̄ Aaro̰ nge tun̄ yá̰a̰ n i dɔ ngán Merari tə́ yā rāań kəla ní.