TƏ́DA 4:3 - Bibəl ta Sar̄

³ Ī-ndangiī rī ngé gə̄ malang ń ɓāl̄də́ ḭḭ dɔ kutə mətá tə́ bátə́ kutə mí tə́ ń a rāān̄ kəla tām̄ yā kújə kənge naā tə́ ní,

Bible sar

³ Ī-ndangiī rī ngé gə̄ malang ń ɓāl̄də́ ḭḭ dɔ kutə mətá tə́ bátə́ kutə mí tə́ ń a rāān̄ kəla tām̄ yā *kújə kənge naā tə́ ní,

TƏ́DA 4:3 Referans Kwoze

TƏ́DA 4:23

Ā ī-tə́dá ngé gə̄ malang ń ɓāl̄də́ ḭḭ dɔ kutə mətá tə́ bátə́ kutə mí tə́ ń a rāān̄ kəla tām̄ yā kújə kənge naā tə́ ní.

1 TIMOTE 3:6

Kadə̄ ni i de kə́ taā kem ngɔr ɓáý alé, na sōgə́ kɔjə rɔ̄ kə́ kemən tə́ rāā adə̄ Nə́ɓā gān̄g sarya dɔn tə́ tītə̄ ń gāngəń dɔ diabəl tə́ ní.

1 TIMOTE 3:1

Najə̄ ń toō i najə̄ kə́ rɔ̄kum kə́ to kadə̄ deē taā kem. Ré deē sāā kəla kɔr no ngé kán̄ naā gə̄ anī, gḛy i kəla kə́ majə.

1 TIMOTE 1:18

Ngōnə̄ḿ Timote, yá̰a̰ gə̄ ń m-ə́daī kadə̄ ī-rāā ní, i kə gō najə̄ gə̄ ń Nə́ɓā əndā ta ngé koō ta yān gə̄ tə́ adə̄ ədan̄ dɔí tə́ kété ní. Ādə̄ najə̄ gə̄ ngeé ń toō adīn̄ tɔ́gə kadə̄ ī-rɔ̄ɔń rɔ̄ɔ̄ kə́ majə ń ā ī-rāā yā ra ta tə́ ní.

Najə̄ kə́ Majə yā Jeju ń Luk ndang ní 3:23

Dan ń Jeju əla gír kəla yān ní ɓālə̄n i kutə mətá. De gə̄ ɔjənə̄ń na ni na i ngōn̄ Jəjep kə́ ngōn̄ Heli,

ESDRAS 3:8

Kem nāā kə́ nge ko̰ jōó tə́ yā ɓāl̄ ń utə̄ gō nge ń nin̄ ugə̄n̄neé Jerusalem, ɓē ń kújə yā Nə́ɓā i kemeé tə́ ní anī, Jorobabel ngōn̄ Sealtiel ō, Yesua ngōn̄ Yosadak ō gá̰á̰ ngákó̰ó̰də́ gə̄ kə́ ngé tun̄ yá̰a̰ gə̄ ō, ngán Lebi gə̄ ō, de gə̄ malang ń ɔyn̄də́ aw̄n̄ sedə́ ɓəlo tə́ tá tél reēn̄ gogə́ Jerusalem ní ō, udən̄ kə̄ rɔ̄ kəla tə́ rāān naā tə́. Nin̄ tə́ndān̄ ngán Lebi gə̄ kə́ ɓāl̄də́ i kutə jōó gə̄ ō, ngé kə́ ɓāl̄də́ ḭḭ dɔ kutə jōó tə́ ta kaw̄ kə̄ dɔɔ́ gə̄ ō, kadə̄ unən̄ dɔ kəla kújə yā Kɔ́ɔ̄ɓē.

1 YÁ̰A̰ GƏ̄ 6:48

Wə̄lā kə́ túgə̄ əhɔ ɓē i kutə gidə i jōó n adə̄ de kə́ gír kojə yā Merari tə́ gə̄ ní. I ɓē gə̄ kə́ dɔ nang yā Ruben tə́ ō, Jabulo̰ tə́ ō.

TƏ́DA 16:9

Gə̄rā ń Nə́ɓā yā Israel gə̄rāsí dan ngán Israel gə̄ tə́, ba adə̄sí ta róbə kaw̄ rɔ̄n tə́ ō, gə̄rāsí kadə̄ ī-rāāī kəla kə́ tām̄ yā kújə yā Kɔ́ɔ̄ɓē tə́ ō, kadə̄ ī-raī no ngé kán̄ naā kə́ Israel tə́ ī-ndɔ̄yī Nə́ɓā kə rīdə́ ō ní asəsí aĺ ɓáý a?

TƏ́DA 4:30

Ā ī-tə́dá ngé gə̄ malang ń ɓāl̄də́ ḭḭ dɔ kutə mətá tə́ bátə́ ugə̄ń kutə mí tə́ ń a rāān̄ kəla tām̄ yā kújə kənge naā tə́ ní.

TA KƏLA 41:46

Dan ń aw̄n̄ kə Jəjepé rɔ̄ Parao̰ mban̄g kə́ Ejiptə tə́ ní, ɓālə̄n i kutə mətá. Jəjep əya̰ Parao̰ ba ɔr̄ gō loo njə̄rā kə gō ɓē kə́ Ejiptə tə́ gēé malang.

TƏ́DA 4:2

Ī-ndangiī rī ngán kaa Kehat gə̄ kə́ dan ngán Lebi tə́ gə̄ makətūbūú kə gō gír kaadə́ gēé ō, gír kojə yādə́ gēé ō.

TƏ́DA 4:4

a a̰a̰n̄ gō yá̰á̰ kə́ táĺ ngá̰ý gə̄.

2 SAMUEL 5:4

Dan ń əndān̄ Dabid mban̄g ní ɓālə̄n i kutə mətá. Ni-o̰o̰ ɓē ɓāl̄ kutə sɔ́.

TƏ́DA 1:3

De kə́ dəngam gə̄ malang kə́ ɓāl̄ kutə jōó ō, kə́ ɓāl̄də́ ḭḭ dɔ kutə jōó tə́ kum kə̄ dɔɔ́ ō ń nin̄ i ngé rɔ̄ɔ̄ gə̄ kə́ Israel tə́ ní, ī-tə́daīdə́ kə gō gír ɓūtə̄ yādə́ gēé.

TƏ́DA 1:50

Adə̄də́ kəla kə́ dɔ kújə́ ń ndū najə̄ yā Nə́ɓā i kemeé tə́ ní ō, kə́ dɔ yá̰a̰ rāā kəla gə̄ malang kə́ tū tə́ tə́ ō. A ətōn̄ kújə yā Nə́ɓā ní ō, yá̰a̰ rāā kəla gə̄ malang kə́ tū tə́ ō. A rāān̄ kəla kə́ tām̄ yā kújə́ ní tə́ ō, a ndin̄ ɓē i kə gō gidií ō.

2 YÁ̰A̰ GƏ̄ 31:17

Ndangən̄ rī ngé tun̄ yá̰a̰ gə̄ makətūbūú i kə gō gír kojə yā bɔbə̄də́ gēé. Banī yā ngán Lebi gə̄ ɓáa ɓāl̄də́ ḭḭ dɔ kutə jōó tə́ kum kə̄ dɔɔ́ pá tá ndangən̄ rīdə́ makətūbūú kə gō ɓūtə̄ yādə́ gēé ō, kə gō kəla rāādə́ gēé ō ɓáý.