TƏ́DA 4:15 - Bibəl ta Sar̄

¹⁵ Dan ń ngán Israel gə̄ a ndɔ́tə̄n̄ ɓē anī, Aaro̰ nin̄ kə ngánən gēé a tɔ̄lə̄n̄ ta ɓír̄ gidə yá̰á̰ kə́ táĺ gə̄ ō, yá̰a̰ rāā kəla gə̄ kə́ kem loo kə́ táĺ tə́ ō, pá tá ngán Kehat gə̄ a reēn̄ yā kɔy kətō ɓáý. Ngán Kehat gə̄ a ɔdən̄ rɔ̄ɔ̄ yá̰á̰ kə́ táĺ gə̄ alé na sōgə́ oyn̄. Kəla kətō yá̰á̰ kə́ kem kújə kənge naā tə́ ń əndān̄ dɔ ngán Kehat gə̄ tə́ kadə̄ rāān̄ ni n noó.

Bible sar

¹⁵ Dan ń ngán Israel gə̄ a ndɔ́tə̄n̄ ɓē anī, *Aaro̰ nin̄ kə ngánən gēé a tɔ̄lə̄n̄ ta ɓír̄ gidə yá̰á̰ kə́ táĺ gə̄ ō, yá̰a̰ rāā kəla gə̄ kə́ kem *loo kə́ táĺ tə́ ō, pá tá ngán Kehat gə̄ a reēn̄ yā kɔy kətō ɓáý. Ngán Kehat gə̄ a ɔdən̄ rɔ̄ɔ̄ yá̰á̰ kə́ táĺ gə̄ alé na sōgə́ oyn̄. Kəla kətō yá̰á̰ kə́ kem *kújə kənge naā tə́ ń əndān̄ dɔ ngán Kehat gə̄ tə́ kadə̄ rāān̄ ni n noó.

TƏ́DA 4:15 Referans Kwoze

TƏ́DA 7:9

Ni-adə̄ ngán Kehat alé, tām̄ kəla yādə́ i kəla kətō yá̰á̰ kə́ yā ɓōĺ gidə gə̄ dɔ bɔ̄gə̄də́ tə́.

NDŪ NAJƏ̄ 31:9

Moijə ndang ndū najə̄ yā Nə́ɓā ní, ba adə̄ ngán Lebi kə́ ngé tun̄ yá̰a̰ gə̄ ń i ngé kətō sandúkə madə̄ naā yā Kɔ́ɔ̄ɓē gə̄ ní ō, kum kɔɔ̄ gə̄ malang yā ngán Israel gə̄ ō.

TƏ́DA 10:21

Ngán kaa Kehat gə̄ ń a ətōn̄ yá̰á̰ kə́ táĺ gə̄ ní utə̄n̄ gōdə́. A rāān̄ kújə́ kə́ táĺ yā Nə́ɓā kadə̄ oy kété pá tá nin̄ a ugə̄n̄.

1 YÁ̰A̰ GƏ̄ 15:2

Gō tə́ anī, ni-əda na: I ngán Lebi gə̄ ngóy n a ətōn̄ sandúkə́ kə́ táĺ yā Nə́ɓā ní, tɔdɔ̄ i nin̄ n Kɔ́ɔ̄ɓē gə̄rādə́ kadə̄ ətōn̄ sandúkə yān ō, kadə̄ rāān̄ kəla yān ō ngándáńg ní.

1 SAMUEL 6:19

Kɔ́ɔ̄ɓē rāā adə̄ yá̰á̰ kə́ tōr̄ rāā de kə́ Bet Semes gə̄ tɔdɔ̄ kumdə́ a̰a̰ sandúkə yān. Ni-rāā adə̄ de kə́ dəngam gə̄ oyn̄ kutə sīrí dɔ dáńdə́ tə́. Loo ń noō tə́ gotə de gə̄ ń na̰yn̄ ní əhɔn̄ ndoō tām̄ yā yá̰á̰ kə́ tōr̄ ngá̰ý ń Kɔ́ɔ̄ɓē rāā sedə́ tə́ ní.

1 YÁ̰A̰ GƏ̄ 15:15

Gō tə́ anī ngán Lebi gə̄ unən̄ sandúkə́ ní kə sáa kāgə̄ gēé əndān̄ dɔ bɔ̄gə̄də́ tə́ tītə̄ ń Kɔ́ɔ̄ɓē əndāń ta Moijə tə́ adə̄ ədań ní.

2 SAMUEL 6:13

Dan ń ngé kətō sandúkə yā Kɔ́ɔ̄ɓē gə̄ njə̄rān̄ ta njadə́ mehḛ́ anī Dabid tun̄ man̄g kə́ bəra kógə̄ḿ ō, ngōn̄ man̄g kə́ yḛmbə kógə̄ḿ ō adə̄ Nə́ɓā.

JOJUE 4:10

Ngé tun̄ yá̰a̰ gə̄ n ətōn̄ sandúkə madə̄ naā ní dəba ran̄ kum bā Jurdḛ tə́ bátə́ adə̄ de gə̄ rāān̄neé yá̰a̰ malang ń Kɔ́ɔ̄ɓē mēr̄ Jojue kədadə́ ní. I beé n Jojue rāań yá̰a̰ malang kə gō ń Moijə ɔjəń ní. Ba de gə̄ gāngə̄n̄ bā i láẃ, ɔrən̄ bā̰ā̰ loon tə́ alé.

TƏ́DA 3:38

Moijə ō, Aaro̰ ō, ngán Aaro̰ gə̄ ō, ndin̄ ɓē i ta kújə kənge naā tə́, dām̄ kə́ gír ɓē tə́. Nin̄ i ngé rāā kəla kem loo kə́ táĺ tə́ tām̄ yā ngán Israel gə̄ tə́. De kə́ karī ń a aw̄ loo kəla ń noō tə́ ní a tɔ̄lnən̄ kɔ̄ɔ́.

TƏ́DA 1:51

Ta ndɔ́tə̄ kə kújə yā Nə́ɓāá anī i ngán Lebi gə̄ n a tútən̄ ní ō, ta dəba anī i nin̄ n a udən̄ ní ō. De kə́ karī ń a aw̄ rɔ̄ɔ̄ tə́ ní a tɔ̄l̄nən̄ kɔ̄ɔ́.

Teē Ngán Israel gə̄ 19:12

Ɔ́jə́də́ dɔ nin̄ loo kə gō gidə mbalá ba ə́dádə́ na kə lōōn̄ kal̄ dɔ mbalá ō, kə lōōn̄ kɔdə kadə mbal̄ ō. Deē ń a ɔdə kadə anī a tɔ̄l̄nən̄ kɔ̄ɔ́.

Teē Ngán Israel gə̄ 27:7

A tə́lan̄ sáa kāgə̄ gə̄ ní kum nə̄ngá gə̄ ń ran̄ kadə loo tun̄ yá̰á̰ tə́ dām̄ jōó ní tə́ yā kətōń.

LEBI GƏ̄ 16:13

A ɓōkə́ kajaja kum yā̰l̄ hor ní tə́ ta kum Kɔ́ɔ̄ɓē tə́ kadə̄ san, utə̄ dɔ yá̰a̰ ta sandúkə ndū najə̄ gə̄. Ré rāā beé anī a oy alé.

TƏ́DA 1:50

Adə̄də́ kəla kə́ dɔ kújə́ ń ndū najə̄ yā Nə́ɓā i kemeé tə́ ní ō, kə́ dɔ yá̰a̰ rāā kəla gə̄ malang kə́ tū tə́ tə́ ō. A ətōn̄ kújə yā Nə́ɓā ní ō, yá̰a̰ rāā kəla gə̄ malang kə́ tū tə́ ō. A rāān̄ kəla kə́ tām̄ yā kújə́ ní tə́ ō, a ndin̄ ɓē i kə gō gidií ō.

TƏ́DA 4:14

A ɓōkə́n̄ bay hor gə̄ ō, yá̰a̰ rāā kəla gə̄ malang kə́ dɔ loo tun̄ yá̰á̰ tə́ ō, dɔ kūbə̄ ń selə́n̄ tə́ ní, a utə̄n̄ dɔ kə́ ngə̄rā dā̰ kə́ ngan̄g ō, a tə́lan̄ sáa kāgə̄ gə̄ kə́ yā kətōń loo tun̄ yá̰á̰ ní kadən gə̄ tə́ dām̄ jōó ō.

TƏ́DA 4:19

Yá̰á̰ ń ā ī-rāāī tá kadə̄ nin̄ oynə̄ń loo rāā kəla yá̰á̰ kə́ táĺ ngá̰ý gə̄ tə́ aĺ ní n toó: Ādī Aaro̰ nin̄ kə ngánən gēé aw̄ tə́ndān̄də́ kógə̄ḿ kógə̄ḿ ta kəla yādə́ gə̄ tə́, aláa ta yá̰a̰ gə̄ ń kadə̄ ətōn̄ tə́ ní.

TƏ́DA 4:20

A udən̄ kem loo kə́ táĺ tə́ dan ń a ɓír̄nəń gidə yá̰á̰ kə́ táĺ gə̄ ní alé, na ré kumdə́ əsō dɔ tə́ anī a oyn̄.

TƏ́DA 18:3

A rāān̄ kəla yāí ō, kəla kə́ tām̄ yā kújə́ ní tə́ ō, ba a ɔdən̄ rɔ̄ yá̰a̰ rāā kəla gə̄ kem loo kə́ táĺ tə́ aĺ ō, a aw̄n̄ ta loo tun̄ yá̰á̰ tə́ aĺ ō, na sōgə́ sḭḭ̄ gə̄gē nin̄ gə̄gē óyiī.

2 SAMUEL 15:24

Sadok nge tun̄ yá̰a̰ ō, ngán Lebi gə̄ ń nin̄ malang i ngé kətō sandúkə madə̄ naā yā Nə́ɓā ní ō, nin̄ i sedə́. Nin̄ əndān̄ sandúkə madə̄ naā yā Nə́ɓā nang tə́ ba Abiatar al̄ dɔɔ́ bátə́ adə̄ de kə́ kem ɓēé gə̄ ń a teēn̄ ní mānə̄n̄neé malang.

1 YÁ̰A̰ GƏ̄ 23:26

Adə̄ ngán Lebi gə̄ na a ətōn̄ kújə kənge naā to̰ aĺ ō, na a ətōn̄ yá̰a̰ rāā kəla gə̄ malang kə́ kemeé to̰ aĺ ō.

Teē Ngán Israel gə̄ 19:21

Kɔ́ɔ̄ɓē əda Moijə na kə tél kə aw̄ kə tāā de gə̄ kadə̄ bə̄gān̄ naā reēn̄ ka̰a̰n tə́ alé, na sōgə́ de gə̄ oyn̄ ngá̰ý dɔ dáńdə́ tə́.

1 MBAN̄G GƏ̄ 8:3

Dan ń kum kɔɔ̄ gə̄ yā ngán Israel gə̄ reē ugə̄n̄ malang anī ngé tun̄ yá̰a̰ gə̄ unən̄ sandúkə yā Kɔ́ɔ̄ɓē.