TƏ́DA 35:8 - Bibəl ta Sar̄

⁸ Dan ń ā ī-táāī ɓē gə̄ jī ngán Israel gə̄ tə́ yā kadə̄ ngán Lebi gə̄ ní, de gə̄ ń loo yādə́ i ngá̰ý ní ā ī-taāī ɓē yādə́ i ngá̰ý ō, de gə̄ ń loo yādə́ i ngá̰ý aĺ ní ā ī-taāī ɓē yādə́ i ngá̰ý aĺ ō. Gír ɓē gə̄ kógə̄ḿ kógə̄ḿ a adə̄n̄ ngán Lebi gə̄ ɓē yādə́ gə̄ i kə gō loo yādə́ gə̄ ń a əngen̄ ní.

Bible sar

⁸ Dan ń ā ī-táāī ɓē gə̄ jī ngán *Israel gə̄ tə́ yā kadə̄ *ngán Lebi gə̄ ní, de gə̄ ń loo yādə́ i ngá̰ý ní ā ī-taāī ɓē yādə́ i ngá̰ý ō, de gə̄ ń loo yādə́ i ngá̰ý aĺ ní ā ī-taāī ɓē yādə́ i ngá̰ý aĺ ō. Gír ɓē gə̄ kógə̄ḿ kógə̄ḿ a adə̄n̄ *ngán Lebi gə̄ ɓē yādə́ gə̄ i kə gō loo yādə́ gə̄ ń a əngen̄ ní.

TƏ́DA 35:8 Referans Kwoze

TƏ́DA 33:54

Ā ī-túgī i wə̄lā n ā ī-kēgīiń gír kaa yāsí gə̄ dɔ nang ní. Gír kaa ń de gə̄ i ngá̰ý kemeé ní, ā ādīdə́ dɔ nang ní i ngá̰ý ō, gír kaa ń de kə́ kemeé gə̄ i ngá̰ý aĺ ní, ā ādīdə́ dɔ nang ní i sḛ́ý beē ō. Gír ɓē gə̄ kógə̄ḿ kógə̄ḿ a əngen̄ dɔ nang ní i kə gō ń wə̄lā a ɔjəń ní.

TƏ́DA 26:54

Gír kaa ń de kə́ tū tə́ gə̄ i ngá̰ý ní, ā ī-gān̄g dɔ nang yādə́ kadə̄ asə tām̄ ō, gír kaa ń de kə́ tū tə́ gə̄ i sḛ́ý beē ní, ā ī-gān̄g dɔ nang yādə́ i kə looneé ō.

Teē Ngán Israel gə̄ 16:18

Ba dan ń mbɔ̄jə́n̄ kə kórōó anī, ngé gə̄ ń ɔyn̄ ngá̰ý ní yādə́ tɔȳ dɔ aĺ ō, ngé gə̄ ń ɔyn̄ sḛ́ý beē ní yādə́ dūú gō tə́ aĺ ō. Náā nəkɔ́ ɓáa yān asə tan.

TA KƏLA 49:7

m̄-ndɔ̄ĺdə́ najə̄ kem tə́ngā yādə́ tə́ ō, najə̄ wōn̄g yādə́ kə́ rāādə́ adə̄ kumdə́ o̰o̰də́ aĺ tə́ ō. M-ā m-ādə̄ gír kaa yādə́ gə̄ aw̄n̄ kógə̄ḿ kógə̄ḿ kə̄ loo gə̄ tə́ malang ō, m-ā m̄-tə̄ndā m̄-tḭ̄ḭ̄də́ kɔ̄ɔ́ dan ngán Israel gə̄ tə́ ō.

LEBI GƏ̄ 25:32

Banī ngán Lebi gə̄ ní, ta róbə gān̄g dɔ kújə yādə́ gə̄ kə́ kem ɓē yādə́ gə̄ tə́ a to ngándáńg.

TƏ́DA 35:9

Kɔ́ɔ̄ɓē mēr̄ Moijə kəda ngán Israel gə̄ ndū najə̄ gə̄ ń toō: Ré ī-teēī bā Jurdḛ ba ūgī dɔ nang kə́ Kanaan tə́ anī,

2 YÁ̰A̰ GƏ̄ 11:14

Ngán Lebi gə̄ əya̰n̄ loo yādə́ gə̄ kə́ gidə ɓē gə̄ tə́ ba aw̄n̄ dɔ nang yā Juda té ō, kem ɓē kə́ Jerusalem tə́ ō, i tām̄ kɔgə̄ kə́ Jeroboam nin̄ kə ngánən gə̄ ɔgə̄n̄də́ rāā kəla tun̄ yá̰a̰ yā Kɔ́ɔ̄ɓē kɔ̄ɔ́ tə́.