TƏ́DA 35:2 - Bibəl ta Sar̄

² Ə́dá ngán Israel gə̄ ādə̄ əya̰n̄ ɓē yādə́ kə́rēý gə̄ adə̄n̄ ngán Lebi gə̄ kadə̄ ndin̄ tū tə́. Ādə̄ əya̰n̄ dɔ nang gə̄ ń gīrə̄n̄ gidə ɓē gə̄ ní adə̄n̄də́ ō.

Bible sar

² Ə́dá ngán *Israel gə̄ ādə̄ əya̰n̄ ɓē yādə́ kə́rēý gə̄ adə̄n̄ *ngán Lebi gə̄ kadə̄ ndin̄ tū tə́. Ādə̄ əya̰n̄ dɔ nang gə̄ ń gīrə̄n̄ gidə ɓē gə̄ ní adə̄n̄də́ ō.

TƏ́DA 35:2 Referans Kwoze

EJEKIEL 48:8

Ā gāngə̄n̄ gō ngāl̄ dɔ nang yā Juda ń ḭḭ gír ɓē tə́ ugə̄ no ɓē tə́ ní yā kəndā tayā. Laan a asə kíl deē dūbú kutə jōó gidə i mí ō, ngālən a asə naā kə ngāl̄ dɔ nang yā gír ɓē gēé kógə̄ḿ kógə̄ḿ ō. A rāān̄ loo kə́ táĺ i danaá.

EJEKIEL 48:22

Dɔ nang kə́ tām̄ yā Lebi gə̄ tə́ ō, kə́ tām̄ yā ɓē tə́ ō, a ran̄ dɔ dán dɔ nin̄ dɔ nang yā Juda kə dɔ nin̄ dɔ nang yā Benjamḛ tə́, tū dɔ nang ń a i tām̄ yā ngār tə́ ní danaá.

TƏ́DA 35:1

Kɔ́ɔ̄ɓē ɔr̄ najə̄ kə Moijə ndágə loo gə̄ kə́ Moab tə́ kadə bā Jurdḛ ń tə́, sɔɔ̄n̄ ta na kə ɓē kə́ Jeriko ní. Najə̄ ń əda Moijə ní n toó:

TƏ́DA 35:3

Ngán Lebi gə̄ a ndin̄ kem ɓē gə̄ ní tə́. A ngɔ̄mə̄n̄ yá̰a̰ kul̄ yādə́ gə̄ ō, yá̰a̰ rāā kəla yādə́ gə̄ ō, gotə dā̰ yādə́ kə́ rang gə̄ ō, i dɔ nang ń gīr̄ gidə ɓē gə̄ ngeé ń toō ní tə́.

NDŪ NAJƏ̄ 18:6

Ré ngōn̄ Lebi kə́rēý əya̰ ɓē ń ndi tū tə́ dɔ nang kə́ Israel tə́ ní anī, ādə̄ reē tītə̄ ń kemən ndigə ní loo ń Kɔ́ɔ̄ɓē gə̄rā tə́ ní.

2 YÁ̰A̰ GƏ̄ 11:14

Ngán Lebi gə̄ əya̰n̄ loo yādə́ gə̄ kə́ gidə ɓē gə̄ tə́ ba aw̄n̄ dɔ nang yā Juda té ō, kem ɓē kə́ Jerusalem tə́ ō, i tām̄ kɔgə̄ kə́ Jeroboam nin̄ kə ngánən gə̄ ɔgə̄n̄də́ rāā kəla tun̄ yá̰a̰ yā Kɔ́ɔ̄ɓē kɔ̄ɔ́ tə́.

2 YÁ̰A̰ GƏ̄ 31:19

Kə́ tām̄ yā ngé tun̄ yá̰a̰ gə̄ ń i de kə́ gír kaa yā Aaro̰ tə́ gə̄ ba ndin̄ i bembeé kə gō gidə ɓē gə̄ yā ngé tun̄ yá̰a̰ gēé ní, tə́ndān̄ de gə̄ kem ɓē gə̄ yā ngé tun̄ yá̰a̰ gə̄ ní tə́ kə rī nə̄ɓōdə́ nin̄ ō, ngán Lebi gə̄ ń ndangən̄ rīdə́ makətūbūú ní ō, núsən yādə́.

1 YÁ̰A̰ GƏ̄ 13:2

Gō tə́ anī ni-əda Israel gə̄ malang ń kánə̄n̄ naā ní na: Ré sḭḭ̄ á̰a̰ī kadə̄ i yá̰á̰ kə́ majə ō, ḭḭ i rɔ̄ Kɔ́ɔ̄ɓē Nə́ɓā yājí tə́ ō anī, ādə̄ j-əla j-ədaī ngákó̰ó̰jí gə̄ ń ndin̄ gō nang kə́ Israel tə́ malang ní ō, ngé tun̄ yá̰a̰ gə̄ ō, ngán Lebi gə̄ ō, kem ɓē gə̄ ń ndin̄ tū tə́ ní tə́ ādə̄ reē əngen̄jí.

NEHEMI 13:10

M-ōō kadə̄ yá̰á̰ kə́ tām̄ yā ngán Lebi gə̄ tə́ ní adə̄n̄də́ alé, adə̄ ngán Lebi gə̄ ō, gōsə̄ pā gə̄ ō ń a rāān̄ kəla ní a̰ȳn̄ naā loo ndīdə́ gə̄ tə́ kógə̄ḿ kógə̄ḿ kɔ̄ɔ́.