TƏ́DA 34:8 - Bibəl ta Sar̄

⁸ Ā ī-raī mbal̄ Hor tə́ yā njar dɔ nin̄ ní kadə̄ teē Lebo Hamat bátə́ kadə̄ ugə̄ Sedad.

Bible sar

⁸ Ā ī-raī mbal̄ Hor tə́ yā njar dɔ nin̄ ní kadə̄ teē Lebo Hamat bátə́ kadə̄ ugə̄ Sedad.

TƏ́DA 34:8 Referans Kwoze

TƏ́DA 13:21

De gə̄ ní aw̄ əndān̄ ma̰ȳ dɔ nang kə́ Kanaan, əlan̄ gír kem dəla loo kə́ Sin tə́ bátə́ ugə̄nəń Rehob, kadə Lebo Hamat tə́

2 MBAN̄G 14:25

I ni n rāā adə̄ dɔ nin̄ ɓē kə́ Israel tél to tītə̄ kə́ kété ní, adə̄ əla gír i Lebo Hamat bátə́ ugə̄ń bā katə̄ kə́ Araba tə́, tītə̄ ń Kɔ́ɔ̄ɓē Nə́ɓā yā Israel əndāń ta nge koō ta yān Jonas ngōn̄ Amitay kə́ Gat Heper tə́ adə̄ ədań ní.

JEREMI 39:5

Ngé rɔ̄ɔ̄ gə̄ kə́ Kalde tə́ ngɔ̄də̄n̄ gōdə́ ba aw̄ əhɔn̄ Sedekias kem wól loo kə́ Jeriko tə́. Əhɔ aw̄n̄ seneé Ribəla kem ɓē kə́ Hamat tə́, rɔ̄ Nabukodonosor mban̄g kə́ Babilon tə́, adə̄ gān̄g sarya dɔn tə́.

2 SAMUEL 8:9

Mban̄g kə́ Hamat ń rīn na i Toi ní, oō kadə̄ ngé rɔ̄ɔ̄ gə̄ malang yā Hadadejer i kə́ Dabid tetədə́ rɔ̄ɔ̄ kɔ̄ɔ́.

TƏ́DA 34:9

Tá a ḭḭ noó yā kaw̄ kum kə̄ Jipəron bátə́ kadə̄ ugə̄ Hasar Enan. Dɔ nin̄ dɔ nang yāsí kə́ dām̄ mbɔ́r ɓē kə́ ko̰ó̰ tə́ n noó.

1 MBAN̄G GƏ̄ 8:65

Dan ngeé ń ń noō tə́ ní Salomo̰ nin̄ kə ngán Israel gə̄ malang rāān̄ nāā kújə́ kámbə gə̄ ō. I kán̄ naā kə́ bo ngá̰ý. De gə̄ ń kánə̄n̄ naā ní ḭḭn̄ i kə gō ɓē gə̄ malang kə́ Israel tə́ ń əla gír i Lebo Hamat bátə́ man̄ kə́ Ejiptə tə́ ní n reēn̄ ní. Nin̄ rāān̄ nāā ta kum Kɔ́ɔ̄ɓē Nə́ɓā tə́ ndɔ̄ sīrí.

IJAI 10:9

Yá̰á̰ ń m̄-rāā kə ɓē kə́ Kalne ní, to tītə̄ yá̰á̰ ń m̄-rāā kə ɓē kə́ Karkemis ní waḿ? Yá̰á̰ m̄-rāā kə ɓē kə́ Hamat ní, to tītə̄ yá̰á̰ ń m̄-rāā kə ɓē kə́ Arpad ní ō, yá̰á̰ ń m̄-rāā kə ɓē kə́ Samari ní, to tītə̄ yá̰á̰ ń m̄-rāā kə ɓē kə́ Damas ní ō.

AMOS 6:14

Banī Kɔ́ɔ̄ɓē, Nə́ɓā kə́ kɔ́ɔ̄ dɔ rā̰ ō dɔ nang ō əda na: Ɓē ko̰o̰ kə́ Israel, m-ā m̄-rāā kadə̄ ɓē kógə̄ḿ a ḭḭ yā rɔ̄ɔ̄sí. Ni a rējə̄sí, ba a əla gír i Lebo Hamat dām̄ mbɔ́r ɓē kə́ ko̰ó̰ tə́, bátə́ kadə̄ ugə̄ń man̄ dɔ mbal̄ kə́ Araba tə́, dām̄ mbɔ́r ɓē kə́ geleé tə́.

1 YÁ̰A̰ GƏ̄ 1:16

Arbad gə̄ ō, Semar gə̄ ō, Hamati gə̄ ō.

1 YÁ̰A̰ GƏ̄ 13:5

Dabid ɓāŕ Israel gə̄ malang, əla gír man̄ kə́ Ejiptə tə́ bátə́ gān̄g Lebo Hamat, kadə̄ aw̄ reēn̄ kə sandúkə yā Nə́ɓā ń ndi kem ɓē kə́ Kiryat Yearim ní tə́.