TƏ́DA 34:5 - Bibəl ta Sar̄

⁵ A ra Asmon noó yā tetə rɔ̄n kaw̄ bā ń rīn na i man̄ kə́ Ejiptə tə́ ní. Ba a un gō man̄ kə́ Ejiptə tə́ yā gāngəń kum bā bo tə́.

Bible sar

⁵ A ra Asmon noó yā tetə rɔ̄n kaw̄ bā ń rīn na i man̄ kə́ Ejiptə tə́ ní. Ba a un gō man̄ kə́ Ejiptə tə́ yā gāngəń kum bā bo tə́.

TƏ́DA 34:5 Referans Kwoze

TA KƏLA 15:18

Ndɔ̄ ń noō tə́ Kɔ́ɔ̄ɓē əhɔ madə̄ naā kə Abəram. Ni-ədan na: M-ādə̄ ngán kaaí gə̄ dɔ nang ń toō ń əla gír bā kə́ Ejiptə tə́ bátə́ ugə̄ń Opəratə ń i bā kə́ bo ní tə́ ní.

IJAI 27:12

Ndɔ̄ ngeé ń noō tə́ ní, Kɔ́ɔ̄ɓē a ənda dɔ kōō gə̄, a əla gír i bā Opəratə tə́ bátə́ ngōn̄ man̄ dɔ mbal̄ kə́ Ejiptə tə́. Ba sḭḭ̄ Israel gə̄, ni a kə̄tósí kógə̄ḿ kógə̄ḿ tītə̄ loo kə̄tó dɔ kōō beé.

1 MBAN̄G GƏ̄ 8:65

Dan ngeé ń ń noō tə́ ní Salomo̰ nin̄ kə ngán Israel gə̄ malang rāān̄ nāā kújə́ kámbə gə̄ ō. I kán̄ naā kə́ bo ngá̰ý. De gə̄ ń kánə̄n̄ naā ní ḭḭn̄ i kə gō ɓē gə̄ malang kə́ Israel tə́ ń əla gír i Lebo Hamat bátə́ man̄ kə́ Ejiptə tə́ ní n reēn̄ ní. Nin̄ rāān̄ nāā ta kum Kɔ́ɔ̄ɓē Nə́ɓā tə́ ndɔ̄ sīrí.

JOJUE 15:47

ɓē kə́ Asdod ō, ɓē gə̄ ń Asdod o̰o̰ ɓē dɔ tə́ ní ō, ngán ɓē gə̄ ń ndin̄ kə gō gidií ní ō, ɓē kə́ Gaja ō, ɓē gə̄ ń ɓē kə́ Gaja o̰o̰ ɓē dɔ tə́ ni ō, ngán ɓē gə̄ ń ndin̄ kə gō gidií ní ō, bátə́ ugə̄ń man̄ kə́ Ejiptə tə́ ō, bā bo tə́ ō.

EJEKIEL 47:19

Dɔ nin̄ ɓē kə́ dām̄ mbɔ́r ɓē kə́ geleé tə́ a əla gír Tamar tə́ bátə́ ugə̄ man̄ gə̄ kə́ Meriba kə́ Kades tə́ ō, a un gō man̄ kə́ Ejiptə tə́ kum kə̄ bā bo tə́ ō. Dām̄ dɔ nin̄ ɓē kə́ dām̄ mbɔ́r ɓē kə́ geleé tə́ n noó.

DANIEL 11:45

Kújə tandā gə̄ kə́ kem kújə mban̄g yān tə́ ní a ɔydə́ yā kudədə́ dɔ dán bā bo tə́ kə mbal̄ kə́ táĺ kə́ kem ɓē kə́ majə tɔȳ gotə ɓē gə̄ malang tə́ ō, ni a oy kanjə̄ kadə̄ deē rāā seneé ō.