TƏ́DA 34:4 - Bibəl ta Sar̄

⁴ A əya̰ loo kə́ kḭḭ kə̄ dɔɔ́ kə́ Akrabim kə̄ dām̄ mbɔ́r ɓē kə́ geleé tə́ ba a aw̄ bátə́ yā kugə̄ Təsin. A əya̰ Kades Barnea kə̄ dām̄ mbɔ́r ɓē kə́ geleé tə́, ba a teē Hasar Adar yā kaw̄ Asmon.

Bible sar

⁴ A əya̰ loo kə́ kḭḭ kə̄ dɔɔ́ kə́ Akrabim kə̄ dām̄ mbɔ́r ɓē kə́ geleé tə́ ba a aw̄ bátə́ yā kugə̄ Təsin. A əya̰ Kades Barnea kə̄ dām̄ mbɔ́r ɓē kə́ geleé tə́, ba a teē Hasar Adar yā kaw̄ Asmon.

TƏ́DA 34:4 Referans Kwoze

TƏ́DA 32:8

Dan ń jə-ndiī Kades Barnea á m-ə́la bɔbə̄sí gə̄ kəndā ma̰ȳ dɔ nang kə́ Kanaan tə́ ní, i yá̰á̰ ń noō n nin̄ rāān̄ ní.

NGÉ SARYA 1:36

Dɔ nin̄ dɔ nang yā Amor gə̄ əla gír i mbal̄ ń ra loo kə́ kḭḭ kə̄ dɔɔ́ kə́ Akrabim tə́ ní, ba əta tan kum kə̄ dām̄ mbɔ́r ɓē kə́ ko̰ó̰ tə́.

TƏ́DA 34:3

Loo kə́ mángá kə́ Təsin ō, dɔ nang kə́ Edom ō n i dɔ nin̄ dɔ nang yāsí kə́ dām̄ mbɔ́r ɓē kə́ geleé tə́ ní. Dɔ nin̄ dɔ nang yāsí kə́ dām̄ kə́ gír ɓē tə́ a əla gír i ta ngóy bā katə̄ tə́, a əla gír i ta ngóyn kə́ dām̄ mbɔ́r ɓē kə́ geleé tə́.

TƏ́DA 20:1

Ngán Israel gə̄ malang reē ugə̄n̄ kem dəla loo kə́ Sin tə́ kə nāā kə́ ta kəga dɔ ba ndin̄ Kades. Miriam oy i loo ń noō tə́ ō, dubə̄nən̄ i loo ń noō tə́ ō.

TƏ́DA 13:26

Nin̄ reē əngen̄ Moijə ō, Aaro̰ ō, ngán Israel gə̄ ō, Kades kem dəla loo kə́ Paran tə́. Nin̄-ənīn̄də́ gotə yá̰a̰ malang ń a̰a̰n̄ ní ō, ɔjən̄də́ kan̄ kāgə̄ gə̄ kə́ kem ɓē ní tə́ ō.

TƏ́DA 13:21

De gə̄ ní aw̄ əndān̄ ma̰ȳ dɔ nang kə́ Kanaan, əlan̄ gír kem dəla loo kə́ Sin tə́ bátə́ ugə̄nəń Rehob, kadə Lebo Hamat tə́

JOJUE 15:1

Dɔ nang ń adə̄n̄ de gə̄ kə́ gír ɓē yā Juda tə́ gə̄ kə gō gír kaadə́ gēé ní, to ta kaw̄ kə̄ dɔ nin̄ dɔ nang kə́ Edom tə́, dəla loo kə́ Təsin tə́, gō nang kə́ Negeb tə́, ta ngóý mbɔ́r ɓē ké geleé tə́.