TƏ́DA 33:53 - Bibəl ta Sar̄

⁵³ Ī-taāī dɔ nang yādə́ ī-ndiī tū tə́, tɔdɔ̄ dɔ nang ní m-ādə̄sí i sḭḭ̄.

Bible sar

⁵³ Ī-taāī dɔ nang yādə́ ī-ndiī tū tə́, tɔdɔ̄ dɔ nang ní m-ādə̄sí i sḭḭ̄.

TƏ́DA 33:53 Referans Kwoze

NDŪ NAJƏ̄ 11:31

Tɔdɔ̄ ā ī-teēī bā Jurdḛ yā kaw̄ taā dɔ nang ń Kɔ́ɔ̄ɓē Nə́ɓā yāsí adə̄sí ní yā ndi tū tə́.

JOJUE 21:43

Kɔ́ɔ̄ɓē adə̄ ngán Israel gə̄ dɔ nang ń ni-ənī ndūn yā kadə̄ kaadə́ gə̄ ní malang. Nin̄ taān̄ dɔ nang ní ba ndin̄ tū tə́.

NDŪ NAJƏ̄ 32:8

Dan ń Nə́ɓā kə́ dɔɔ́ sa̰y ngá̰ý gán̄g dɔ nang adə̄ nápar de gə̄ ō, ɔr̄ kam̄ de gə̄ naā tə́ ō ní, əndā dɔ nin̄ loo yā gír de gə̄ i kə gō kutə ngán Israel gēé.

MATIYE 20:15

M-ásə rāā yá̰á̰ kə́ kemḿ gḛy kə yá̰a̰ yāḿ aĺ a? Aláa ə̄ndā madí gə̄ nii i tām̄ kem ndaa kə́ m̄-rāā tə́ a?

DANIEL 4:32

De kə́ dɔ nang tə́ gə̄ malang ká nin̄ i ngá̰ý tītə̄ rí gə̄gē, nin̄ i yá̰a̰ alé ta kumən tə́. Ni a rāā yá̰a̰ i kə gō kem ndigə yānneé kə de kə́ dɔ rā̰ tə́ gēé ō, kə de kə́ dɔ nang tə́ gēé ō. De kə́ asə kəhɔ jīn ba kədan na ké ā i rí n toó wa ní gətóo.

DANIEL 4:25

Yá̰a̰ gə̄ ń noō rāān̄ mban̄g Nabukodonosor malang.

DANIEL 4:17

Kāgə̄ ń á̰a̰ā̰ á tɔgə ō ngan̄g ō, ngāl̄ ugə̄ no rā̰ tə́ ō deē ra i rá dɔ nang tə́ gə̄gē a a̰a̰ ō,

PĀ GƏ̄ 115:16

Dɔ rā̰ i yā Kɔ́ɔ̄ɓē, banī ni-tél kə dɔ nangaá adə̄ deē ndul gə̄.

NDŪ NAJƏ̄ 7:17

Majanī ā ī-gírī kemsí tə́ ā ə́daī na: Nápar de gə̄ ń ngangə̄n̄ tɔȳsí ní ké ā ī-rāāī i ba̰ý n ā ī-taāīneé dɔ nang yādə́ ní wa?

NDŪ NAJƏ̄ 17:14

Loo ń ā ūgə̄ dɔ nang ń Kɔ́ɔ̄ɓē Nə́ɓā yāí a adī tə́ ō, ī-taā dɔ nang ní ī-ndi tū tə́ ō, ba ī-sāā kəndā mban̄g kógə̄ḿ dɔí tə́ tītə̄ yā nápar de kə́ rang gə̄ ń ndin̄ gīrə̄n̄ gidií ní anī,

JOJUE 23:5

Kɔ́ɔ̄ɓē Nə́ɓā yāsí nəkɔ́ a tə̄ɓādə́ kɔ̄ɔ́ kadə̄ a̰ȳn̄ naā nosí tə́, adə̄ ā ī-taāī dɔ nang yādə́ yā ndi tū tə́ tītə̄ ń Kɔ́ɔ̄ɓē Nə́ɓā yāsí ədańsí ní.

TA KƏLA 15:7

Kɔ́ɔ̄ɓē ədan na: Mā i Kɔ́ɔ̄ɓē, nge teē seí kɔ̄ɔ́ Ur, dɔ nang kə́ Kalde tə́ yā kadī dɔ nang ń toō.

NDŪ NAJƏ̄ 3:18

Tā anī m-ə́dásí najə̄ ń toō m-ə́da na: Dan ń Kɔ́ɔ̄ɓē Nə́ɓā yāsí adə̄sí dɔ nang kə́ gidə bā Jurdḛ kə́ dām̄ kə́ gír ɓē tə́ oy kɔ̄ɔ́ ɓá ní, majə kadə̄ ngé rɔ̄ɔ̄ gə̄ malang kə́ dɔ dáńsí tə́ ɔyn̄ yá̰a̰ rɔ̄ɔ̄ yādə́ gə̄ teēn̄neé bā Jurdḛ, ba njə̄rān̄ kété no ngákó̰ó̰sí gə̄ ń i gotə ngán Israel gə̄ ní tə́.

JOJUE 1:6

ə́hɔ rɔ̄í tɔgə ō, ī-ra dəngam ō. Tɔdɔ̄ i ḭ̄-n ā ādə̄ gír de gə̄ ń toō dɔ nang ń m-ə̄nī ndūḿ m-ādə̄ kaadə́ gə̄ yā kadə̄də́ ní.