TƏ́DA 33:1 - Bibəl ta Sar̄

¹ Loo gə̄ ń ngán Israel gə̄ dəban̄ tū tə́ dan ń Moijə nin̄ kə Aaro̰ teēnəń sedə́ kɔ̄ɔ́ kem ɓē kə́ Ejiptə tə́ kə gō naá ní n toó.

Bible sar

¹ Loo gə̄ ń ngán *Israel gə̄ dəban̄ tū tə́ dan ń Moijə nin̄ kə *Aaro̰ teēnəń sedə́ kɔ̄ɔ́ kem ɓē kə́ Ejiptə tə́ kə gō naá ní n toó.

TƏ́DA 33:1 Referans Kwoze

MISE 6:4

m̄-rāā adə̄ ī-teēī kɔ̄ɔ́ kem ɓē kə́ Ejiptə tə́. M-ɔ̄r̄sí ɓəloó kɔ̄ɔ́. Ngār gə̄ ń m-ādə̄sí ní, i Moijə ō, Aaro̰ ō, Miriam ń i ngōkó̰ó̰də́ kə́ dəyá̰ ní ō. I yá̰á̰ ń noō n ā ī-gɔŕyɔ̄m̄ najə̄n tə́ ní a?

PĀ GƏ̄ 77:20

Ḭ̄ ī-njar róbə yāí kum bā bo tə́, ī-rāā loo kə́ yā mānəń dan ɓūl̄ man̄ tə́ ō, de kə́ a̰a̰ gō tóo njaí gətóo ō.

1 SAMUEL 12:8

Dan ń Jakob ugə̄ dɔ nang kə́ Ejiptə tə́ ní, kaasí gə̄ nōōn̄ kə̄ dɔ Kɔ́ɔ̄ɓē tə́ adə̄ Kɔ́ɔ̄ɓē əla Moijə nin̄ kə Aaro̰ adə̄ aw̄ teēn̄ sedə́ kɔ̄ɔ́ kem ɓē kə́ Ejiptə tə́, ba reēn̄ sedə́ əndān̄də́ i loo ń toō tə́ laā.

JOJUE 24:5

Gō tə́ anī m-ə́la Moijə nin̄ kə Aaro̰, ba m-ādə̄ yá̰á̰ kə́ tōr̄ kə́ tayā tayā gə̄ rāān̄ de kə́ Ejiptə gə̄ pá tá m̄-teē sesí kɔ̄ɔ́ kem ɓē kə́ Ejiptə tə́ ɓáý.

Teē Ngán Israel gə̄ 13:18

Nə́ɓā tūr̄ ta ngán Israel gə̄ adə̄ unən̄ róbə́ kə́ mángá ń teē bā tə̄ɓā gə̄ tə́ ní. Ngán Israel gə̄ njə̄rān̄ i kə gō naá majə n teēn̄neé kem ɓē kə́ Ejiptə tə́ kɔ̄ɔ́ ní.

Teē Ngán Israel gə̄ 12:51

I ndɔ̄ ń noō tə́ bang n Kɔ́ɔ̄ɓē teēń kə ngán Israel gēé kem ɓē kə́ Ejiptə tə́ kɔ̄ɔ́ ní.

Teē Ngán Israel gə̄ 12:37

Ngán Israel gə̄ ḭḭn̄ Ramses ta kaw̄ kə̄ Sukot. De kə́ dəngam gə̄ asən̄ deē dūbú ɓú mehḛ́ ń noō kanjə̄ tə́dá ngán gə̄.

TƏ́DA 33:2

Loo gə̄ ń nin̄ dəban̄ tū tə́ kə gō ndū Kɔ́ɔ̄ɓēé ō, ɔrə̄n̄ dɔɔ́ tū tə́ kə gō ndū Kɔ́ɔ̄ɓēé ō ní Moijə ndang makətūbūú. Rī loo gə̄ ní n toó.

PĀ GƏ̄ 105:26

Loo ń noō tə́ ni-əla nge kəla yān Moijə ō, Aaro̰ ń ni gə̄rān ní ō.

Teē Ngán Israel gə̄ 6:26

Aaro̰ nin̄ kə Moijə i de gə̄ ń Kɔ́ɔ̄ɓē ədadə́ na kə əndān̄ ngán Israel gə̄ kə gō naá, kə teēn̄neé sedə́ dɔ nang kə́ Ejiptə tə́ kɔ̄ɔ́ ní.

Teē Ngán Israel gə̄ 12:41

Dan ń ɓāl̄ kə́ ɓú sɔ́ kə kutə mətá gə̄ ní mānə̄n̄ anī, asə dɔ ndɔ̄ ń ngán Israel gə̄ teēn̄neé kem ɓē kə́ Ejiptə tə́ kɔ̄ɔ́ ní.