TƏ́DA 32:7 - Bibəl ta Sar̄

⁷ I tām̄ rí tə́ á ī-gḛyiī kɔr̄ tɔ́gə́ ngán Israel gə̄ yā kogə̄ńdə́ kaw̄ dɔ nang ń Kɔ́ɔ̄ɓē adə̄də́ tə́ ní?

Bible sar

⁷ I tām̄ rí tə́ á ī-gḛyiī kɔr̄ tɔ́gə́ ngán *Israel gə̄ yā kogə̄ńdə́ kaw̄ dɔ nang ń Kɔ́ɔ̄ɓē adə̄də́ tə́ ní?

TƏ́DA 32:7 Referans Kwoze

KƏLA RĀĀ 21:13

Anī ni-tél ədají na: Ī-nōōī ō, ī-sāāī kadə̄ kemḿ gān̄g man̄ ō i tām̄ rí tə́? Mā m-ə̄ndā dɔ rɔ̄ḿ danaá kɔ̄ɔ́ i yā kadə̄ do̰ō̰mə̄n̄ kə kəlaá ngóy alé, ba i yā kadə̄ m-óy Jerusalem gə̄gē ɓáý tām̄ yā rī Kɔ́ɔ̄ɓē Jeju tə́.

NDŪ NAJƏ̄ 1:28

Ní ké kə ə́laī dɔsí i rá ta wa. Tɔ́gə́sí kə́ kadə̄ āwīneé na gətóo, tām̄ ngákó̰ó̰sí gə̄ na ədan̄sí adə̄ gān̄g na tɔ́gə de kə́ dɔ nang ní tə́ gə̄ na tɔȳ yāsí ō, de gə̄ ní na ngālən tɔȳn̄sí ō, ɓē yādə́ gə̄ na i ɓē kə́ bo ngá̰ý gə̄ ō, ndogə̄ mbal̄ kə́ gidə ɓē yādə́ gə̄ tə́ na i kə́ ngāl̄ ngá̰ý kum kə̄ dɔɔ́ gə̄ ō, na n-a̰a̰n̄ ngán Anak gə̄ dɔ nang ní tə́ ō.

TƏ́DA 32:9

Nin̄ aw̄n̄ bátə́ teēn̄ wól loo kə́ Esəkol tə́. Dan ń əndān̄ ma̰ȳ dɔ nang kə́ Kanaan oy ba tél reēn̄ anī ɔrə̄n̄ tɔ́gə́ ngán Israel gə̄ kɔ̄ɔ́. Nin̄ sə̄lān̄də́ kadə̄ aw̄n̄ dɔ nang ń Kɔ́ɔ̄ɓē adə̄də́ tə́ ní alé.

TƏ́DA 21:4

Ngán Israel gə̄ ḭḭn̄ mbal̄ Hor tə́, gōngə̄n̄ gō nang kə́ Edom, ba unən̄ róbə kumdə́ sɔɔ̄ bā tə̄ɓā gə̄. Banī kósə de gə̄ əhɔn̄ rɔ̄də́ tɔgə dɔ róbə́ tə́ to̰ alé,

TƏ́DA 13:27

Najə̄ ń ədan̄ Moijə ní n toó: J-aw̄ j-ugə dɔ nang ń ə́lájí tū tə́ ní. I dɔ nang kə́ mba ō, yibə̄ tejə ō, i ngá̰ý tū tə́ rɔ̄kum. Á̰a̰ā̰ kan̄ kāgə̄ kə́ tū tə́ gə̄ n toó.

TƏ́DA 13:4

Rīdə́ n toō: Samua ngōn̄ Jakur, tām̄ yā gír ɓē yā Ruben tə́.

TƏ́DA 32:6

Banī Moijə tél ədadə́ na: Ədaī na i rí? Kə ngákó̰ó̰sí gə̄ aw̄n̄ ta rɔ̄ɔ̄ tə́ ba sḭḭ̄ kə ī-ndiī laā jəke a?

TƏ́DA 13:31

Banī de gə̄ ń aw̄n̄ seneé kəndā ma̰ȳ looó ní ədan̄ na: J-asiī rɔ̄ɔ̄ de gə̄ ń noō alé, tɔdɔ̄ tɔ́gə́də́ tɔȳ yājí.