TƏ́DA 32:33 - Bibəl ta Sar̄

³³ Moijə adə̄ de gə̄ kə́ gír ɓē yā Gad tə́ ō, yā Ruben tə́ ō, núsə de gə̄ kə́ gír ɓē yā Manase ngōn̄ Jəjep tə́ ō, dɔ nang yā mban̄g Sihon ń i mban̄g yā Amor gə̄ ní ō, dɔ nang yā mban̄g kə́ Basan ń rīn na i Og ní ō. Ni-adə̄də́ dɔ nang gə̄ ní kə ɓē bo gə̄ kə́ tū tə́ ō, kə dɔ nang gə̄ kə́ kadə ɓē bo gə̄ ní tə́ ō.

Bible sar

³³ Moijə adə̄ de gə̄ kə́ gír ɓē yā Gad tə́ ō, yā Ruben tə́ ō, núsə de gə̄ kə́ gír ɓē yā Manase ngōn̄ Jəjep tə́ ō, dɔ nang yā mban̄g Sihon ń i mban̄g yā *Amor gə̄ ní ō, dɔ nang yā mban̄g kə́ Basan ń rīn na i Og ní ō. Ni-adə̄də́ dɔ nang gə̄ ní kə ɓē bo gə̄ kə́ tū tə́ ō, kə dɔ nang gə̄ kə́ kadə ɓē bo gə̄ ní tə́ ō.

TƏ́DA 32:33 Referans Kwoze

JOJUE 12:6

Moijə nin̄ kə ngán Israel gēé tetən̄ mban̄g kə́ jōó gə̄ ń noō rɔ̄ɔ̄, ba Moijə ń i nge kəla yā Kɔ́ɔ̄ɓē ní tél kə dɔ nang yādə́ adə̄ de gə̄ gír ɓē yā Ruben tə́ gə̄ ō, yā Gad tə́ gə̄ ō, núsə de kə́ gír ɓē yā Manase tə́ gə̄ ō.

JOJUE 22:4

Ngɔlaā ní Kɔ́ɔ̄ɓē Nə́ɓā yāsí adə̄ ngákó̰ó̰sí gə̄ ta róbə adə̄ ndin̄ lɔm dɔ nang yādə́ tə́ kɔ̄ɔ́ ɓá tītə̄ ń ni-ənīń ndūn adə̄də́ ní, ī-tél āwī gogə́ ɓēé loosí tā, āw̄ ī-ndiī dɔ nang ń Moijə kə́ nge kəla yā Kɔ́ɔ̄ɓē adə̄sí gidə bā Jurdḛ tə́ dām̄ ké gír ɓē tə́ ní.

NDŪ NAJƏ̄ 29:8

Adə̄ ī-ngɔ̄mī najə̄ gə̄ ń Nə́ɓā əhɔń madə̄ naā ń toō sesí ní ō, ī-rāāī yá̰a̰ gə̄ ń ni-əda ní ō. Loo ń noō tə́ yá̰a̰ malang ń ā ī-rāāī ní a majə.

1 YÁ̰A̰ GƏ̄ 26:32

Yeria nin̄ kə ngákó̰o̰n gēé ní nin̄ malang i deē dūbú jōó kə ɓú sīrí. I de kə́ ngáā gə̄ malang. Nin̄ i de kə́ dɔ gír kojə yādə́ gə̄ tə́. Mban̄g Dabid əndādə́ dɔ Ruben gə̄ tə́ ō, Gad gə̄ tə́ ō, núsə de kə́ gír ɓē yā Manase tə́ ō, kadə̄ əndān̄ kumdə́ gír kəla gə̄ malang yā Nə́ɓā tə́ ō, yā mban̄g tə́ ō.

1 YÁ̰A̰ GƏ̄ 12:31

De kə́ gír ɓē yā Benjamḛ tə́ gə̄ i deē 20 800. Nin̄ malang i go̰ rɔ̄ɔ̄ gə̄ ō, i de gə̄ kə́ rīdə́ ɓār̄ ngá̰ý dan kojə yādə́ gə̄ tə́ ō.

1 YÁ̰A̰ GƏ̄ 5:18

Ngán Ruben gə̄ ō, ngán Gad gə̄ ō, núsə de gə̄ kə́ gír ɓē yā Manase tə́ gə̄ ō ní, nin̄ i go̰ rɔ̄ɔ̄ gə̄ ō. Nin̄ i deē dūbú kutə̄ sɔ́ gidə i sɔ́ kə dɔn kə́ ɓú sīrí kə kutə mehḛ́. Nin̄ asən̄ kaw̄ ta rɔ̄ɔ̄ tə́.

TƏ́DA 34:14

Tɔdɔ̄ de gə̄ kə́ gír ɓē yā Ruben tə́ ō, yā Gad tə́ ō, núsə de gə̄ kə́ gír ɓē yā Manase tə́ ō, əngen̄ dɔ nang yādə́ kɔ̄ɔ́ ɓá.

TƏ́DA 32:1

Yá̰a̰ kul̄ yā de gə̄ kə́ gír ɓē yā Ruben tə́ ō, kə́ gír ɓē yā Gad tə́ ō i ngá̰ý. Nin̄ a̰a̰n̄ kadə̄ dɔ nang kə́ Yajer ō, kə́ Galaad ō, majə tām̄ yā yá̰a̰ kul̄ gə̄ tə́,

TƏ́DA 32:32

Jə kɔ́ j-a jə-mān̄ kété no Kɔ́ɔ̄ɓē tə́ kə yá̰a̰ rɔ̄ɔ̄ gēé yā kudəń dɔ nang kə́ Kanaan tə́. Ba loo yājí i gidə bā Jurdḛ kə́ dām̄ kə́ laā tə́.

JOJUE 12:1

Ngán Israel gə̄ tetən̄ mban̄g gə̄ jōó rɔ̄ɔ̄ gidə bā Jurdḛ kə́ dām̄ kə́ gír ɓē tə́, ba taān̄ dɔ nang yādə́ ń ḭḭ man̄ Arnon tə́ bátə́ ugə̄ mbal̄ Hermon tə́ ní, nin̄ taān̄ gō nang kə́ Araba tə́ dām̄ kə́ gír ɓē tə́ malang ō.

JOJUE 14:3

Moijə gán̄g dɔ nang kə gidə bā Jurdḛ kə́ dām̄ ké gír ɓē tə́ adə̄ gír ɓē kə́ jōó kə núsə kɔ̄ɔ́ ɓá, ba i de kə́ gír ɓē yā Lebi tə́ gə̄ n adə̄də́ alé ní.

JOJUE 22:7

Ni ədadə́ na: Ī-tél āwī ɓēé kə yá̰a̰ kənge ngá̰ý gə̄ ń ə́neī ní adə̄ i yá̰a̰ kul̄ gə̄ ō, gində̄ arjā̰a̰ ō, lɔ́r ō, gində̄ nə̄ngá kasə ō, gində̄ kə́ karī ō, kūbə̄ gə̄ ngá̰ý ō. Yá̰a̰ kənge yā madə̄ ba̰ā̰sí gə̄ ń ɔ́yiī ní ī-kēgī naā kə ngákó̰ó̰sí gēé. Núsə de gə̄ kə́ ta kəga dɔ kə́ gír ɓē yā Manase tə́ ní, Moijə adə̄də́ loo dɔ nang ké Basan tə́, gidə bā Jurdḛ tə́, dām̄ kə́ gír ɓē tə́. Ba núsə de gə̄ kə́ nge ko̰ jōó kə́ gír ɓē yā Manase tə́ ní, Jojue adə̄də́ loo gidə bā Jurdḛ dām̄ kə́ no ɓē tə́ tītə̄ yā gotə gír ɓē kə́ rang gə̄.

1 SAMUEL 13:7

Ngé kə́rēý gə̄ gāngə̄n̄ bā Jurdḛ yā kaw̄ dɔ nang kə́ Gad tə́ ō, Galaad tə́ ō. Dan ń noō tə́ ní Saul na̰y Gilgal ɓáý ō, de kə́ gōn tə́ gə̄ malang a ndewn̄ i mbée ō.

TƏ́DA 34:15

Dɔ nang ń nin̄ əngen̄ ní i dɔ nang ń sɔɔ̄n̄ ta naā kə ɓē kə́ Jeriko gidə bā Jurdḛ tə́, dām̄ kə́ gír ɓē tə́ ní.