TƏ́DA 32:29 - Bibəl ta Sar̄

²⁹ Ni-ədadə́ na: Ré de gə̄ kə́ gír ɓē yā Gad tə́ ō, yā Ruben tə́ ō, ɔyn̄ yá̰a̰ rɔ̄ɔ̄ yādə́ gə̄ ba teēn̄ bā Jurdḛ sesí ō, mānə̄n̄ kété no Kɔ́ɔ̄ɓē tə́ aw̄n̄ rɔ̄ɔ̄ tə́ ō, rāān̄ sesí adə̄ ə́laī ɓē gír tɔ́gə yāsí tə́ ō anī, ādīdə́ dɔ nang kə́ Galaad kə́ yādə́ tə́.

Bible sar

²⁹ Ni-ədadə́ na: Ré de gə̄ kə́ gír ɓē yā Gad tə́ ō, yā Ruben tə́ ō, ɔyn̄ yá̰a̰ rɔ̄ɔ̄ yādə́ gə̄ ba teēn̄ bā Jurdḛ sesí ō, mānə̄n̄ kété no Kɔ́ɔ̄ɓē tə́ aw̄n̄ rɔ̄ɔ̄ tə́ ō, rāān̄ sesí adə̄ ə́laī ɓē gír tɔ́gə yāsí tə́ ō anī, ādīdə́ dɔ nang kə́ Galaad kə́ yādə́ tə́.

TƏ́DA 32:29 Referans Kwoze

TƏ́DA 32:28

Moijə adə̄ Eleajar nge tun̄ yá̰a̰ ō, Jojue ngōn̄ Nun ō, ngār gə̄ kə́ dɔ gír ɓē gə̄ yā ngán Israel gə̄ tə́ ō, gō míndən gə̄ kə́ tām̄ yā de gə̄ kə́ gír ɓē yā Ruben tə́ ō, Gad tə́ ō.

TƏ́DA 32:30

Ba ré ɔyn̄ yá̰a̰ rɔ̄ɔ̄ yādə́ gə̄ teēnəń bā Jurdḛ sesí aĺ anī a əngen̄ loo i dɔ dáńsí tə́ dɔ nang kə́ Kanaan tə́.

JOJUE 13:11

Gō nja loo yādə́ ní un nang kə́ Galaad ō, nang yā Gesur gə̄ ō, yā Maaka gə̄ ō, mbal̄ Hermon malang ō, gō, nang kə́ Basan malang ō, kemeé, bátə́ ugə̄ń Salka.

TƏ́DA 32:17

Gō tə́ anī j-a j-ɔy yá̰a̰ rɔ̄ɔ̄ gə̄ láẃ yā njə̄rań kété no ngán Israel gə̄ tə́ yā kaw̄ń sedə́ bátə́ kaw̄ kəndādə́ ɓē yādə́ gə̄ tə́. Ba ngáńjí gə̄ a ndin̄ laā kem ɓē bo gə̄ kə́ ndogə̄ mbal̄ kə́ ngan̄g gə̄ gīrə̄n̄ gidə tə́ najə̄ yā de kə́ dɔ nang ń toō gə̄ tə́ tə́.

JOJUE 12:6

Moijə nin̄ kə ngán Israel gēé tetən̄ mban̄g kə́ jōó gə̄ ń noō rɔ̄ɔ̄, ba Moijə ń i nge kəla yā Kɔ́ɔ̄ɓē ní tél kə dɔ nang yādə́ adə̄ de gə̄ gír ɓē yā Ruben tə́ gə̄ ō, yā Gad tə́ gə̄ ō, núsə de kə́ gír ɓē yā Manase tə́ gə̄ ō.

JOJUE 14:3

Moijə gán̄g dɔ nang kə gidə bā Jurdḛ kə́ dām̄ ké gír ɓē tə́ adə̄ gír ɓē kə́ jōó kə núsə kɔ̄ɔ́ ɓá, ba i de kə́ gír ɓē yā Lebi tə́ gə̄ n adə̄də́ alé ní.

JOJUE 18:7

Ngán Lebi gə̄ əngen̄ dɔ nang dɔ dáńsí tə́ alé, tɔdɔ̄ yá̰a̰ kənge yādə́ i kəla tun̄ yá̰a̰ tām̄ yā Kɔ́ɔ̄ɓē tə́. Ba kə́ tām̄ yā Gad gə̄ tə́ ō, Ruben gə̄ tə́ ō, núsə de gə̄ ké gír ɓē yā Manase tə́ gə̄ ō ní, əngen̄ dɔ nang yādə́ gidə bā Jurdḛ kə́ dām̄ kə́ gír ɓē tə́ kɔ̄ɔ́ ɓá. I Moijə kə́ nge kəla yā Kɔ́ɔ̄ɓē nəkɔ́ n adə̄də́ ní.

JOJUE 22:9

Adə̄ ngán Ruben gə̄ ō, ngán Gad gə̄ ō, de kə́ gír ɓē yā Manase tə́ kə́ dām̄ kə́ gír ɓē tə́ gə̄ ō, əyan gotə ngán Israel gə̄ Silo dɔ nang kə́ Kanaan tə́, ba tél aw̄n̄ gogə́ ɓēé dɔ nang kə́ Galaad tə́. Nin̄ əngen̄ dɔ nang kə́ Galaad ní i kə gō ndū Kɔ́ɔ̄ɓē ń ədań Moijə ní.

NGÉ SARYA 10:3

De kə́ utə̄ gō Tola i Yair. Ni i de kə́ gō nang kə́ Galaad tə́. Ɔr no ngán Israel gə̄ ɓāl̄ kutə jōó gidə i jōó.

1 SAMUEL 18:17

Saul əda Dabid na: Ngōnə̄ḿ kə́ dəyá̰ kə́ ngatɔ́gə́ ń toō rīn na i Merab. I ni n m-ā m-ādī seneé kadə̄ ī-taān ní. Banī ə́hɔ rɔ̄í tɔgə loo rāā kəla yāḿ tə́ ba ī-rɔ̄ɔ̄ rɔ̄ɔ̄ gə̄ yā Kɔ́ɔ̄ɓē. Saul gír̄ kemən tə́ kété na: Jə-lōōī tɔ̄lən kə jījí ba ādə̄ i Pilistin gə̄ tá tɔ̄l̄nən̄.