TƏ́DA 32:23 - Bibəl ta Sar̄

²³ Ba ré ī-rāāī tītə̄ ń noō aĺ anī ī-rāāī i yá̰á̰ kə́ majaĺ kə Kɔ́ɔ̄ɓē, ba majə kadə̄ ī-gerī majə na najə̄ a əsō dɔsí tə́.

Bible sar

²³ Ba ré ī-rāāī tītə̄ ń noō aĺ anī ī-rāāī i yá̰á̰ kə́ majaĺ kə Kɔ́ɔ̄ɓē, ba majə kadə̄ ī-gerī majə na najə̄ a əsō dɔsí tə́.

TƏ́DA 32:23 Referans Kwoze

IJAI 59:12

A̰á̰ā̰, Kɔ́ɔ̄ɓē, jə-mbātə́ taí ngándáńg. Majaĺ yājí gə̄ sekə́n̄jí. Jə-gír̄ dɔ kəsō wōn̄g yājí gə̄ tə́ kanjə̄ dəba, yá̰a̰ rāājí kə́ gōtə́ aĺ gə̄ ní jə-ger̄ majə.

Gōsə̄ najə̄ gə̄ 13:21

Yá̰á̰ kə́ majaĺ un gō ngé rāā yá̰a̰ majaĺ gə̄, banī yá̰á̰ kə́ majə i yá̰a̰ kəndā nja yā de kə́ súmūú gə̄.

TA KƏLA 44:16

Juda tél ədan na ké kə n-ədan̄ kɔ́ɔ̄də́ na i rí wa, ké kə n-ədanən̄ na i rí yā kɔjənəń kadə̄ nin̄ na i de kə́ sew gə̄ ní wa. Na i Nə́ɓā n teē kə gíŕdə́ dɔɔ́ ní nin̄ na i ɓəlo yān gə̄ naā tə́ kə deē ń əngen̄ kópə jīn tə́ ní.

PĀ GƏ̄ 90:8

Ḭ̄ ī-tə́ndā yá̰á̰ kə́ gōtə́ aĺ gə̄ ń jə-rāā ní ta kumií tə́. Loo kə́ unjə̄ kow yāí unjə̄ dɔ yá̰a̰ yājí gə̄ kə́ ton̄ loo mundə̄ tə́.

1 KORḚNTƏ 4:5

Adə̄ ī-lōōī gān̄g sarya kété no ndɔ̄ sarya tə́, ī-ngóōī ādə̄ Kɔ́ɔ̄ɓē reē tá. Yá̰á̰ ń i kə́ ɓɔ̄ɔ̄ kum til tə́ ní, ni a teēń kum loo kə́ unjə̄ kow tə́ ō, yá̰a̰ gə̄ ń de gə̄ númə̄n̄ kemdə́ tə́ ní, ni a ɔjə kə̄ ndágá ō. Loo ń noō tə́ Nə́ɓā a ɓōkə́ deē kógə̄ḿ kógə̄ḿ tɔ̄ȳ kadə̄ asə kə gō kəla yānneé.

TA KƏLA 4:7

Ré kemií ndi kə gōó majanī, ā ún kumií dɔɔ́. Ba ré kemií ndi majə alé anī, majaĺ a to ta róbí tə́. Ngur kəhɔī rāān, ba ásə dum̄ tan.

Makətūbə̄ ń Pol ndang adə̄ Rom gə̄ ní 2:9

Deē malang ń rāā yá̰á̰ kə́ majaĺ ní a a̰a̰ tápə̄ ō, a ndi i kə sōlōó kəkəre ō. I Jipə gə̄ kété pá tá i de gə̄ ń nin̄ i Jipə aĺ gə̄ ní ō.

IJAI 3:11

Banī i yá̰á̰ kə́ to kum kaȳ aĺ kə́ ba̰ý beē tām̄ yā ngé kem ndul gə̄ tə́! Yá̰a̰ malang a majaĺ tām̄ yādə́ tə́. I yá̰á̰ ń nin̄ rāān ní n a rāān̄ sedə́ ní.

PĀ GƏ̄ 140:11

Ādə̄ bə̄gān̄ yā̰l̄ hor dɔdə́ tə́. Ādə̄ Nə́ɓā mbə́rē tə́nīdə́ kum hor tə́, kem bəlo kə́ lú ngá̰ý kə́ asən̄ teē tū tə́ aĺ tə́!

PĀ GƏ̄ 139:11

Ré m-ə́da na kə loo kə́ risə til nding kə utə̄ dɔḿ, loo kə́ unjə̄ kow dɔḿ tə́ kə tél loo kə́ ndɔ̄ɔ́ anī,

TA KƏLA 13:13

De kə́ Sodom gə̄ i de kə́ kemdə́ ndul ngá̰ý gə̄. Nin̄-rāān̄ yá̰á̰ kə́ majaĺ ngá̰ý gə̄ ta kum Kɔ́ɔ̄ɓē tə́.

JOJUE 7:18

Jojue adə̄ de kə́ gír kojə yā Jabədi tə́ gə̄ reēn̄ kógə̄ḿ kógə̄ḿ, anī Kɔ́ɔ̄ɓē ɔjə dɔ Akan ń i deē ké gír ɓē yā Juda tə́ á, ni i ngōn̄ Karmi kə́ ngōn̄ Jabədi kə́ ngōn̄ kaa Jera ní.

Gōsə̄ najə̄ gə̄ 5:22

Yá̰á̰ kə́ gōtə́ aĺ gə̄ ń nge kem ndul rāā ní tél əhɔn nəkɔ́ gūmbə̄ tə́ ō, kəlā majaĺ yān gə̄ a do̰ō̰n ō.

JONAS 1:7

Gō tə́ anī, ngé rāā kəla kem to boó gə̄ ədan̄ naā dɔ dáńdə́ tə́ na: Ādə̄ jə-túgī wə̄lā yā gerə̄ń dɔ deē ń reē kə yá̰á̰ kə́ to kum kaȳ aĺ ń toō dɔjí tə́ ní. Nin̄ túgə̄n̄ wə̄lā anī, wə̄lā əhɔ i Jonas.

2 SAMUEL 3:39

Urən̄ yibə̄ ngār dɔḿ tə́ adə̄ mā i ngār ɓá tā, ba ɓōólaā ní tɔ́gə́ḿ gətóo adə̄ de gə̄ ń noō, ngán Seruya gə̄ ń noō, dɔ́nɔ yādə́ tɔȳ yāḿ mā. Banī ādə̄ Kɔ́ɔ̄ɓē əgā nge kem ndul sɔɔ̄ń kem ndul yān.

1 MBAN̄G GƏ̄ 2:32

Kɔ́ɔ̄ɓē tél kə mósəneé ənī i dɔn tə́. Ni tɔ̄l̄ de gə̄ jōó kə́ nin̄ i de kə́ súmūú tɔȳn gə̄ ō, kə majə tɔȳn gə̄ ō. Ni-tɔ̄l̄də́ kə kaskaraá i gidə bɔbə́ḿ tə́ jəke kanjə̄ kadə̄ bɔbə́ḿ ger̄ gō. De gə̄ ń ni-tɔ̄l̄də́ ní i Abner kə́ ngōn̄ Ner ń i ngol áskar gə̄ kə́ Israel tə́ ní ō, Amasa ngōn̄ Yeter ń i ngol áskar gə̄ kə́ Juda tə́ ní ō.

1 MBAN̄G GƏ̄ 2:33

Ādə̄ mósə́də́ tél əsō dɔ Joab nəkɔ́ tə́ ō, dɔ ngánən gə̄ tə́ ō, ngán kaan gə̄ tə́ ō, ta kaw̄ jóo. Ba ādə̄ Kɔ́ɔ̄ɓē rāā adə̄ Dabid ō ngánən gə̄ ō, ngán kaan gə̄ ō, gír kojə yān ō, mban̄g gə̄ ń a o̰o̰n̄ ɓē gotən tə́ ō ní, ndin̄ majə ngándáńg.

Gōsə̄ najə̄ gə̄ 24:16

Tɔdɔ̄ de kə́ súmūú asə əsō nja ngá̰ý gə̄gē a a ḭḭ dɔɔ́. Banī yá̰a̰ a əga nja ngé kem ndul gə̄ kadə̄ əsōn̄ kum yá̰á̰ kə́ to kum kaȳ aĺ tə́.