TƏ́DA 32:14 - Bibəl ta Sar̄

¹⁴ Ba sḭḭ̄ gír de kə́ ngé rāā majaĺ gə̄, ī-ndigiī kun gō bɔbə̄sí gə̄ yā rāā Kɔ́ɔ̄ɓē kadə̄ wōn̄g rāān kə ngán Israel gēé a?

Bible sar

¹⁴ Ba sḭḭ̄ gír de kə́ ngé rāā majaĺ gə̄, ī-ndigiī kun gō bɔbə̄sí gə̄ yā rāā Kɔ́ɔ̄ɓē kadə̄ wōn̄g rāān kə ngán Israel gēé a?

TƏ́DA 32:14 Referans Kwoze

Najə̄ kə́ Majə yā Jeju ń Luk ndang ní 11:48

Dan ń ī-rāāī tītə̄ ń noō ní ɔ́jiī i kə̄ ndágá kadə̄ sḭḭ̄ ī-ndigiī yá̰á̰ ń kaasí gə̄ rāān̄ ní. Tɔdɔ̄ nin̄ i ngé tɔ̄l̄ ngé koō ta gə̄, ba sḭḭ̄ i ngé rāā dɔ ɓádə́də́ gə̄!

EJEKIEL 20:21

Banī ngáńdə́ gə̄ rāān̄ dɔ ngan̄g seḿ. Nin̄ rāān̄ yá̰a̰ gə̄ ń ndū najə̄ yāḿ əda ní aĺ ō, unən̄ gō jī bēl̄ loo rāā yá̰a̰ yāḿ gə̄ aĺ ō. Tá i nin̄ n a rāān̄ ngé kundə́ rāań kəla gə̄ kadə̄ ndin̄ kə kumdə́ ní. Nin̄ kídə̄n̄ ndɔ̄ sabat. Loo ń noō tə́ m̄-gír̄ bə̄gā wōn̄g yāḿ kə́ ngá̰ý dɔdə́ tə́ kem dəla loo tə́, kadə̄ wōn̄g yāḿ ní rāā kəla bátə́ ta tɔ̄l̄ ta tə́.

IJAI 57:4

Ā ī-mbóōī i kə náā? Ī-tə́laī ndo̰sí lim lim i gíŕ náā tə́? A̰á̰ā̰, sḭḭ̄ i ngáń kə́ dum̄ naā gə̄, sḭḭ̄ i ɓūtə̄ de kə́ ngé sor̄ gə̄.

IJAI 1:4

I yá̰á̰ kə́ to kum kaȳ aĺ kə́ ba̰ý beē! Sḭḭ̄ nápar de gə̄ kə́ najə̄ i dɔdə́ tə́ gə̄, gír de gə̄ kə́ najə̄ tɔ̄l̄ deē i ngá̰ý dɔdə́ tə́ gə̄! Sḭḭ̄ i gír de kə́ ngé ngān̄g róbə gə̄, ngáń kə́ nujə kɔ̄ɔ́ gə̄! Sḭḭ̄ ə́ya̰ī Kɔ́ɔ̄ɓē kɔ̄ɔ́, usəsí dɔ Nə́ɓā kə́ táĺ yā Israel tə́ alé. Sḭḭ̄ ī-tūrī gidəsí tan tə́ kɔ̄ɔ́.

PĀ GƏ̄ 78:57

Télən̄ kɔ̄ɔ́ gō róbə yā Nə́ɓā tə́ ō, gólə̄n̄ loo tītə̄ yā kaadə́ gə̄ ō. Tūrə̄n̄ kumdə́ kə̄ gogə́ tītə̄ ga̰ gərā kə́ majaĺ beē.

Makətūbə̄ yā Job 14:4

I náā n asə rāā kadə̄ yá̰á̰ kə́ unjə̄ njáý njáý teē tū yá̰á̰ kə́ majaĺ tákə̄ tə́ ní? De kə́ asə rāā nge ń noō gətóo.

NEHEMI 13:18

Kaasí gə̄ rāān̄ i tītə̄ ń noō ō aĺ a? I tām̄ najə̄ ń noō tə́ n Nə́ɓā yājí rāā adə̄ yá̰á̰ kə́ to kum kaȳ aĺ gə̄ malang ń toō reēn̄neé dɔjí tə́ ō, dɔ ɓē ń toō tə́ ō ní. Ba sḭḭ̄, ndɔ̄ sabat ń ī-rāāī i ndɔ̄ kə́ karī tə́ ní, ī-rāāī i kadə̄ wōn̄g tél rāā Nə́ɓā kə ngán Israel gēé gogə́ ɓáý to̰!

ESDRAS 10:10

Esdras nge tun̄ yá̰a̰ ḭḭ dɔɔ́ ba ədadə́ na: Sḭḭ̄ ī-rāāī yá̰a̰ gōtə́ aĺ bátə́ ō, dəyá̰ tə̄rā gə̄ ń ī-táaī ní rāān̄ adə̄ majaĺ yā Israel i ngá̰ý tɔȳ kə́ kété gə̄ ō.

TA KƏLA 8:21

Sēēn nel̄ Kɔ́ɔ̄ɓē, anī Kɔ́ɔ̄ɓē əda kə̄ kemən tə́ na n-a n-ndɔ̄ĺ dɔ nang tām̄ yā deē tə́ to̰ alé, tɔdɔ̄ gír̄ kə́ kem deē tə́ majaĺ i kə dūúneé. Adə̄ yá̰a̰ malang ń ndi kə kumuú ní, n-a n-tɔ̄l̄ kɔ̄ɔ́ tītə̄ ń na n-tɔ̄ləń noō i kə́ bátə́ gə̄ tə́.

TA KƏLA 5:3

Adam rāā ɓāl̄ ɓú kə kutə mətá anī, ojə ngōn̄ kə́ dəngam kə́ to tītə̄n. Ni əndā rīn na i Set.

TƏ́DA 32:15

Tɔdɔ̄ ré sḭḭ̄ ī-rāāī háĺ kə́ sew aĺ kə Kɔ́ɔ̄ɓēé anī ni a rāā kadə̄ ndɔ̄ ń ngán Israel gə̄ a rāān̄ kem dəla loo tə́ ní a ngāl̄ ɓáý to̰ yā kadə̄ ta kósə de gə̄ ń toō malang a tḭ̄ḭ̄ sɔɔ̄ńsí.

NDŪ NAJƏ̄ 9:24

Jóo nəkɔ́ ń m̄-gerə̄ńsí toó ní sḭḭ̄ ī-rāāī i kəla mbātə́ najə̄ ta Kɔ́ɔ̄ɓē tə́.

2 YÁ̰A̰ GƏ̄ 28:13

ədan̄də́ na: De gə̄ ń ə́hɔīdə́ ɓəlo tə́ ní ī-lōōī reē sedə́ laā, tɔdɔ̄ ré ī-reēī sedə́ anī, jə-rāāī i yá̰á̰ kə́ gōtə́ aĺ kə Kɔ́ɔ̄ɓēé, adə̄ najə̄ a əsō dɔjí tə́. Yá̰á̰ kə́ gōtə́ aĺ ń jə-rāāī ní ɔȳjí ngá̰ý ō, wōn̄g rāā Kɔ́ɔ̄ɓē ngá̰ý kə Israel gēé ō anī ī-sāāī rāā yá̰á̰ kə́ majaĺ kə́ rang gə̄ ō, yá̰á̰ kə́ gōtə́ aĺ kə́ rang gə̄ ō, kə̄ dɔ tə́ ɓáý a?