TƏ́DA 31:2 - Bibəl ta Sar̄

² Āw̄ ī-dal ba̰ā̰ yá̰á̰ kə́ majaĺ ń de kə́ Madian gə̄ rāān̄ kə ngán Israel gēé ní. Gō tə́ anī ā óy yā kaw̄ gō kaaí gə̄ tə́.

Bible sar

² Āw̄ ī-dal ba̰ā̰ yá̰á̰ kə́ majaĺ ń de kə́ Madian gə̄ rāān̄ kə ngán *Israel gēé ní. Gō tə́ anī ā óy yā kaw̄ gō kaaí gə̄ tə́.

TƏ́DA 31:2 Referans Kwoze

TƏ́DA 27:13

Ā á̰a̰ā̰ ba gō tə́ anī ā óy kɔ̄ɔ́ tītə̄ yā ngōkó̰ó̰í Aaro̰.

JEJU TEĒ KUM JA̰A̰ 6:10

Nin̄-əgan̄ kɔŕ ngá̰ý ədan̄ na: Ngoljí kə́ táĺ ō, kə́ rɔ̄kum ō, ā ɔ́r bā̰ā̰ loo gān̄g sarya tə́ ō, loo dal ba̰ā̰ mósə́jí, dɔ de kə́ dɔ nang tə́ gə̄ tə́ ō, i bátə́ rə́ngáý tə́?

NGÉ SARYA 2:10

Go tə́ anī de kə́ ɓāl̄ yān tə́ gə̄ oyn̄ ō. De gə̄ ń utə̄n̄ gīdə́ ní gerə̄n̄ Kɔ́ɔ̄ɓē aĺ ō, gerə̄n̄ kəla gə̄ ń Kɔ́ɔ̄ɓē rāā tām̄ yā ngán Israel gə̄ tə́ ní aĺ ō.

JEJU TEĒ KUM JA̰A̰ 19:2

Tɔdɔ̄ sarya gāngə̄n i rɔ̄kum ō, i kə́ gōtə́ ō. Ni-gān̄g sarya dɔ dəyá̰ ájə́ba kə́ bo ń nujə dɔ nang kə rāā ájə́ba yānneé ní ō, əndan najə̄ ɓōkə́ ń ni ɓōkə́ mósə́ ngé kəla yān gə̄ nang tə́ ní ō.

JEJU TEĒ KUM JA̰A̰ 18:20

Dɔ rā̰, ī-rāā rɔ̄nel̄ tām̄ nujə ń ni nujə sák sák kɔ̄ɔ́ tə́ ní! Ba sḭḭ̄ deē yā Nə́ɓā gə̄ ō, ngámbang kəla gə̄ ō, ngé koō ta gə̄ ō ní, ī-rāāī rɔ̄nel̄ ō. Tām̄ Nə́ɓā gān̄g sarya dɔn tə́ i najə̄ yá̰á̰ kə́ majaĺ ń ni-rāā sesí tə́ ní.

HEBƏRO 10:30

Tɔdɔ̄ jə-gerī nge ń əda na: I mā n i nge dal ba̰ā̰ ní, i mā n i nge kəndā nja de gə̄ tām̄ kəla rāādə́ gə̄ tə́ ní. Ni-əda ɓáý to̰ na: Kɔ́ɔ̄ɓē a gān̄g sarya dɔ deē yān gə̄ tə́.

1 TESALONIK 4:6

Tū najə̄ ń noō tə́ ní, ādə̄ deē kógə̄ḿ rāā ngōkó̰o̰n yá̰á̰ kə́ gō tə́ aĺ loon tə́ aĺ ō, əsa tətōn loon tə́ aĺ ō. Tɔdɔ̄ Kɔ́ɔ̄ɓē a rāā ba̰ā̰ yá̰a̰ gə̄ ń noō malang. J-ədasí najə̄ ń noō kété ō, j-ɔjəsí kadə̄ i rɔ̄kum ō.

Makətūbə̄ ń Pol ndang adə̄ Rom gə̄ ní 13:4

Tɔdɔ̄ ni i nge kəla yā Nə́ɓā tām̄ yāí tə́, yā rāań seí kadə̄ ī-rāā yá̰á̰ kə́ majə gə̄. Ba ré ī-rāā yá̰á̰ kə́ majaĺ tā anī, ādə̄ ɓōĺ rāāī, tɔdɔ̄ ré kaskar i jīn tə́ anī, i karī alé. Tɔdɔ̄ ni i nge kəla yā Nə́ɓā kə́ nge kɔjə wōn̄g yā Nə́ɓā kə̄ ndágá dɔ nge rāā yá̰á̰ kə́ majaĺ tə́.

Makətūbə̄ ń Pol ndang adə̄ Rom gə̄ ní 12:19

Kó tár yāḿ gə̄, ī-lōōī dal ba̰ā̰. Əya̰ī ba̰ā̰ ādī Nə́ɓā, tɔdɔ̄ Kɔ́ɔ̄ɓē əda tītə̄ ń toō beé kem makətūbūú na: Ī mə̄kɔ́ ń m-ā m̄-dal ba̰ā̰, i mə̄kɔ́ n m-ā m-ə̄ndā nja deē kógə̄ḿ kógə̄ḿ malang kə gō kəla rāādə́ gēé ní.

KƏLA RĀĀ 13:36

Dabid rāā yá̰á̰ ń kem Nə́ɓā ndigə ní ɓāl̄ yān tə́. Gō tə́ anī oy, adə̄ dubə̄nən̄ kadə kaan gə̄ tə́ ō, nīnə́n ndum ō.

Najə̄ kə́ Majə yā Jeju ń Luk ndang ní 21:22

Tɔdɔ̄ i ndɔ̄ dal ba̰ā̰ kə́ yā tɔ̄l̄ń ta yá̰a̰ malang ń i kə́ ndang kété ní.

NAHUM 1:2

Kɔ́ɔ̄ɓē i Nə́ɓā kə́ nge rāā jang. Ni ənda madə̄ ba̰ā̰n gə̄ tām̄ yá̰a̰ rāādə́ kə́ gōtə́ aĺ tə́. Wōn̄g yān to ɓōĺ ngá̰ý. Ni ənda ngé rɔ̄ɔ̄ seneé gə̄ tām̄ yá̰a̰ rāādə́ kə́ gōtə́ aĺ tə́ ō, yá̰á̰ kə́ majaĺ ń nin̄ rāān̄ ní, dɔn ndígə̄nal aĺ ō.

IJAI 1:24

I tām̄ najə̄ ń toō tə́ ń Kɔ́ɔ̄ɓē kə́ bo kə́ tɔ́gən i ngá̰ý ō, ni ń i ngol ō, Nə́ɓā yā Israel kə́ tɔ́gən to ō, əda najə̄ ń toó ní: Yá̰á̰ kə́ to kum kaȳ aĺ kə́ ba̰ý beē! M-ā m̄-dal ba̰ā̰ rɔ̄ḿ dɔ ngé rɔ̄ɔ̄ seḿ gə̄ tə́, yá̰á̰ kə́ majaĺ ń madə̄ ba̰ā̰ḿ gə̄ rāān̄ seḿ ní, m-ā m-ə̄gādə́ kə̄rān!

NGÉ SARYA 16:24

De gə̄ a̰a̰nən̄ anī tɔ̄yn̄ nə́ɓā yādə́ ədan̄ na: Madə̄ ba̰ā̰jí ń i nge nujə ɓē yājí ō, nge tɔ̄l̄ de gə̄ yājí gə̄ ngá̰ý ō ní, nə́ɓā yājí əlan kem jījí tə́.

NDŪ NAJƏ̄ 32:35

Dal ba̰ā̰ i yāḿ, m-ā m-ə̄gādə́ tām̄ kəla rāādə́ gə̄ tə́ ndɔ̄ ń nin̄ a əsōn̄neé tə́ ní. Tɔdɔ̄ ndɔ̄ yá̰á̰ kə́ to kum kaȳ aĺ yādə́ dɔ i ngɔr.

TƏ́DA 31:3

Moijə əda gír de gə̄ na: Ādī deē kógə̄ḿ gə̄ dansí tə́ ɔyn̄ yá̰a̰ rɔ̄ɔ̄ yādə́ gə̄ ba aw̄ ənīn̄ Madian gə̄ rɔ̄ɔ̄ dalnə̄ń ba̰ā̰ yā Kɔ́ɔ̄ɓē dɔdə́ tə́.

TƏ́DA 25:6

Kum mbang ngeé ń noō tə́ Israel kógə̄ḿ teē tū tə́ noō kə dəyá̰ kə́ Madian reē ugə̄ń dan ngákó̰o̰n gə̄ tə́. Moijə nin̄ kə ngán Israel gə̄ ń kánə̄n̄ naā ta kújə kənge naā tə́ ba ndi a nōōn̄ ní a̰a̰n̄də́.

TƏ́DA 20:26

Ā ī-ró̰ȳ kūbə̄ tun̄ yá̰a̰ gə̄ kə́ rɔ̄ Aaro̰ tə́ yā tə́la rɔ̄ Eleajar tə́. Gō tə́ anī Aaro̰ a oy loo ń noō tə́ yā kaw̄ gō kaan gə̄ tə́.

TƏ́DA 20:24

Aaro̰ a oy ngɔr yā kaw̄ gō kaan gə̄ tə́, tɔdɔ̄ dɔ nang ń m-ādə̄ ngán Israel gə̄ ní a ugə̄ tū tə́ alé, tām̄ sḭḭ̄ ī-mbātíī koō taḿ ta kəɓa man̄ kə́ Meriba tə́.

Teē Ngán Israel gə̄ 2:16

Nge tun̄ yá̰á̰ kə́ Madian ń rīn na i Jetəro ní ngánən kə́ dəyá̰ gə̄ i sīrí. Ngáń kə́ dəyá̰ gə̄ ní reēn̄ kuȳ maná kadə̄ rosə kem yá̰a̰ ka̰ȳ man̄ yā dā̰ gə̄ kadə̄ yá̰a̰ kul̄ yā bɔbə̄də́ gə̄ reē a̰ȳn̄.

TA KƏLA 25:17

Ismael rāā ɓāl̄ ɓú kə kutə mətá kə kalən kə́ sīrí anī, oy aw̄ gō kaan gə̄ tə́.

TA KƏLA 25:8

Ni-ndi kə rɔ̄nelēé dɔ ɓə́gan tə́ ngá̰ý pá tá kadə̄ oy aw̄ gō kaan gə̄ tə́ ɓáý.

TA KƏLA 15:15

Banī ḭ̄, ā ī-tɔgə ɓə́ga ō, ā ī-ndi kə rɔ̄nelēé bátə́ kadə̄ óy āwń ɓádá gō kaaí gə̄ tə́ ō.

TƏ́DA 25:1

Ngán Israel gə̄ ndin̄ Sitim anī əlan̄ gír rāā kaya kə ngáń kə́ dəyá̰ kə́ Moab gə̄.

TƏ́DA 31:1

Kɔ́ɔ̄ɓē əda Moijə na:

NDŪ NAJƏ̄ 4:22

Adə̄ m-ā m-óy dɔ nang ń toō tə́ kanjə̄ teē bā Jurdḛ. Banī sḭḭ̄ ā ī-teēī bā yā kaw̄ taā dɔ nang kə́ majə ní.