TƏ́DA 31:15 - Bibəl ta Sar̄

¹⁵ Ə́ya̰ī dəyá̰ gə̄ kə kumuú a?

Bible sar

¹⁵ Ə́ya̰ī dəyá̰ gə̄ kə kumuú a?

TƏ́DA 31:15 Referans Kwoze

1 SAMUEL 15:3

Ngɔlaā ní āw̄ ī-rɔ̄ɔ̄n. Ī-nujə yá̰a̰ yān gə̄ sák sák kɔ̄ɔ́ malang kanjə̄ kəya̰ yá̰á̰ kógə̄ḿ. Ī-tɔ̄l̄ yá̰a̰ malang ń ndi kə kumuú ní kɔ̄ɔ́, ī-tɔ̄l̄ dəngam gə̄ ō, dəyá̰ gə̄ ō, ngán gə̄ ō, ngán kə́ ta mba tə́ gə̄ ō, man̄g gə̄ ō, batə̄ gə̄ ō, jámbal gə̄ ō, kərō gə̄ ō.

JEREMI 48:10

Ndɔ̄ĺ i dɔ deē ń rāā kəla yā Kɔ́ɔ̄ɓē kə yayaá ní tə́. Ndɔ̄ĺ i dɔ deē ń ɔgə̄ kaskar yān ɓōkə́ mósə́ nang tə́ ní tə́.

NDŪ NAJƏ̄ 2:34

Jə-táāī ɓē yān gə̄ kɔ̄ɔ́ malang ba jə-bāāī dɔdə́ j-adī Kɔ́ɔ̄ɓē. Jə-tɔ̄lī de kə́ kemeé gə̄ kɔ̄ɔ́ malang, dəngam gə̄ ō, dəyá̰ gə̄ ō, ngán gə̄ ō. J-əya̰ī deē kógə̄ḿ adə̄ ndi kə kumneé alé.

EJEKIEL 9:6

Ī-tɔ̄lī ɓə́ga gə̄ ō, ngásáā gə̄ ō, ngámandə gə̄ ō, ngán gə̄ ō, dəyá̰ gə̄ ō! Ī-rāāī ādī nin̄ gətóon̄ kɔ̄ɔ́ malang! Banī de gə̄ malang ń əjan̄ yá̰a̰ nɔtə nodə́ tə́ ní, ī-lōōī kɔdə rɔ̄də́. Ə́laī gír kem loo kə́ táĺ yāḿ tə́ laā. Loo ń noō tə́ nin̄ əlan̄ gír tɔ̄l̄ kum kɔɔ̄ gə̄ ndin̄ ta kújə yā Kɔ́ɔ̄ɓē tə́ ní.

JOJUE 11:14

Yá̰a̰ kənge gə̄ kə́ kem ɓē gə̄ ní tə́ ō, yá̰a̰ kul̄ gə̄ kə́ kemeé ō ní, ngán Israel gə̄ ɔyn̄ tām̄ yādə́ tə́ ba tɔ̄lə̄n̄ de kə́ kemeé gə̄ malang. Nin̄ tɔ̄lə̄n̄ de kə́ kemeé gə̄malang kə kəyā kaskaraá ba əya̰n̄ deē kógə̄ḿ adə̄ ndi kə kumuú alé.

JOJUE 10:40

Jojue taā ɓē malang. Mban̄g gə̄ ń ndin̄ gō nang kə́ mbal̄ bo gə̄ i tū tə́ tə́ ní ō, gō nang kə́ Negeb tə́ ní ō, gō nang kə́ mbal̄ bo gə̄ gətóon̄ tū tə́ ní ō, gō nang kə kḭḭ kə̄ dɔɔ́ tə́ ní, ni tetədə́ rɔ̄ɔ̄. Ni-əya̰ deē kógə̄ḿ alé. Ni-bāā dɔ yá̰a̰ malang ń ndi kə kumuú ní, tām̄ yā Nə́ɓā tə́. Ni-rāā i tītə̄ ń Kɔ́ɔ̄ɓē Nə́ɓā yā Israel ədań ní.

JOJUE 8:25

De kə́ Ai gə̄ malang ń tɔ̄lə̄n̄də́ ndɔ̄ ń noō tə́ ní, dəngam gə̄ kə dəyá̰ gə̄ kutədə́ i dūbú kutə gidə i jōó.

JOJUE 6:21

Nin̄ bāān̄ dɔ de kə́ kemeé gə̄ malang tɔ̄ləndə́ kə kaskaraá dəngam gə̄, kə dəyá̰ gə̄, kə ngán gə̄, kə de kə́ tɔgə gə̄, tɔ̄lə̄n̄ man̄g kə́ bəra gə̄ ō, batə̄ gə̄ ō, kərō gə̄ ō.

NDŪ NAJƏ̄ 20:13

Ré Kɔ́ɔ̄ɓē Nə́ɓā yāí rāā adə̄ ɓē ní əsō jīí tə́ anī, ī-tɔ̄l̄ de kə́ dəngam gə̄ malang kə́ kemeé kɔ̄ɔ́ kə kaskaraá.

TƏ́DA 31:14

Wōn̄g rāā Moijə kə ngol áskar kə́ dūbú gə̄ ō, kə́ ɓú gə̄ ō, nin̄ ń unən̄ dɔ madə̄də́ gə̄ aw̄nəń ta rɔ̄ɔ̄ tə́ ba télən̄ ní, adə̄ ni ədadə́ na:

NDŪ NAJƏ̄ 20:14

Ā ə́ya̰ i dəyá̰ gə̄ ō, ngán gə̄ ō, yá̰a̰ kul̄ gə̄ ō, yá̰a̰ malang kə́ kem ɓē ní tə́ ō, ngóy tām̄ yāí tə́. Ā ə́sá yá̰a̰ kənge yā madə̄ ba̰ā̰í gə̄, tɔdɔ̄ i Kɔ́ɔ̄ɓē Nə́ɓā yāí n adī ní.