TƏ́DA 30:12 - Bibəl ta Sar̄

¹² ba ngaan oō ō, mbātə́ gōn tə́ aĺ anī, i gáŕ kadə̄ a rāā yá̰á̰ ní.

Bible sar

¹² ba ngaan oō ō, mbātə́ gōn tə́ aĺ anī, i gáŕ kadə̄ a rāā yá̰á̰ ní.

TƏ́DA 30:12 Referans Kwoze

TƏ́DA 30:8

ba ngaan oō ō mbātə́ gōn tə́ aĺ ō anī, dəyá̰ ní a rāā yá̰á̰ ní.

1 KORḚNTƏ 11:3

Banī m̄-gḛy kadə̄ ī-gerī yá̰á̰ ń toō: Kərist i de kə́ dɔ dəngam tə́ ō, dəngam i de kə́ dɔ dəyá̰ tə́ ō, Nə́ɓā i de kə́ dɔ Kərist tə́ ō.

TƏ́DA 30:5

ba bɔbə̄n ger̄ gō ō, əda yá̰a̰ aĺ ō anī, ngōn̄ kə́ dəyá̰ ní a rāā yá̰á̰ ní.

TƏ́DA 15:28

Nge tun̄ yá̰a̰ a rāā yá̰á̰ kə́ yā kutə̄ń dɔ majaĺ kə́ rāā kə gō kem ndigií aĺ ní dɔ deē ní tə́ ta kum Kɔ́ɔ̄ɓē tə́ ō, Kɔ́ɔ̄ɓē a mā̰ȳ rɔ̄n dɔn tə́ ō,

TƏ́DA 15:25

Nge tun̄ yá̰a̰ a rāā yá̰á̰ kə́ yā kutə̄ń dɔ majaĺ ní dɔ ngán Israel gə̄ tə́. Loo ń noō tə́ Nə́ɓā a mā̰ȳ rɔ̄n dɔdə́ tə́. Tām̄ majaĺ ní i kə́ rāā kə gō kem ndigə yādə́ alé ba nin̄ róōn̄ yá̰a̰ horoó ō, tunə̄n̄ yá̰a̰ ō, ndējə̄n̄ Kɔ́ɔ̄ɓē najə̄n tə́.

TƏ́DA 30:11

Ba ré dəyá̰ ndi i jī ngaan tə́ n ədań rī rāā yá̰a̰, aláa ənīń ndūn yā rāā yá̰a̰

TƏ́DA 30:13

Ba ré ngaan mbātə́ gōn tə́ ndɔ̄ nəkɔ́ ń oōń tə́ noō anī, kəda rī rāā yá̰a̰ gə̄gē, kənī ndū gə̄gē a tél a ton̄ i yá̰á̰ kə́ karī tə́. Kɔ́ɔ̄ɓē a mā̰ȳ rɔ̄n dɔn tə́ tām̄ i ngaan n ɔgə̄n rāā yá̰á̰ ní.

JEREMI 44:17

J-a jə-rāā yá̰a̰ malang ń j-ənī ndūjí yā rāā ní, adə̄ i róō yá̰a̰ ndējə̄ gə̄ yā kadə̄ Mban̄g kə́ dəyá̰ kə́ dɔ rā̰ tə́ ō, i tə́te kasə nang tə́ kadə̄n ō, tītə̄ ń jḭḭ kɔ́ gə̄ ō, kaají gə̄ ō, mban̄g yājí gə̄ ō, de kə́ bo yājí gə̄ ō jə-rāań kem ɓē gə̄ kə́ Juda tə́ ō, dɔ kə̄lá róbə gə̄ kə́ Jerusalem tə́ ō, j-əsań yá̰a̰ adə̄ ndān̄ kemjí ō, jə-ndi majə kanjə̄ kadə̄ yá̰á̰ kə́ to kum kaȳ aĺ rāājí ō.

1 SAMUEL 1:23

Ngaan Elkana tél ədan na yá̰á̰ ń a̰a̰ ta kumən tə́ kadə̄ i yá̰á̰ kə́ majə ní kə rāā. Kə ndi kə ngōn̄ ní bátə́ kadə̄ ɔrə̄n ta mba tə́, ba kadə̄ Kɔ́ɔ̄ɓē rāā yá̰á̰ ń ənī ndūn yā rāā ní. Adə̄ Ana tél ndi gogə́ Rama adə̄ń ngōn̄ mba bátə́ ɔrə̄nneé ta mba tə́.

JEREMI 44:19

Dəyá̰ gə̄ ədan̄ ɓáý to̰ na: Dan ń jə-róō yá̰á̰ ndējə̄ gə̄ j-adə̄ Mban̄g kə́ dəyá̰ kə́ dɔ rā̰ tə́ ō, jə-tə́te kasə nang tə́ j-adə̄n ō ní, ré ngaají gə̄ ndigən̄ gōjí tə́ aĺ anī, j-asə rāā makəla kə́ ɔsə kum gotən yā kadən̄ ō, j-asə tə́te kasə nang tə́ yā kadən ō a?