TƏ́DA 3:8 - Bibəl ta Sar̄

⁸ Nin̄ a a̰a̰n̄ gō yá̰a̰ rāā kəla gə̄ malang kə́ kem kújə kənge naā tə́ ō, a rāān̄ kəla yā ngán Israel gə̄ ō. I tītə̄ ń noō a rāānəń kəla kújə yā Nə́ɓā ní.

Bible sar

⁸ Nin̄ a a̰a̰n̄ gō yá̰a̰ rāā kəla gə̄ malang kə́ kem *kújə kənge naā tə́ ō, a rāān̄ kəla yā ngán Israel gə̄ ō. I tītə̄ ń noō a rāānəń kəla kújə yā Nə́ɓā ní.

TƏ́DA 3:8 Referans Kwoze

IJAI 52:11

Ngáń gájə́ yá̰a̰ rāā kəla gə̄ ń ngɔ̄mə̄n̄ kə rī rāā kəla yā Kɔ́ɔ̄ɓēé ní, sḭḭ̄ gə̄ ń ī-tél ā āwīneé kə̄ gogə́ ní, āwī, āwī! Ī-teēī kɔ̄ɔ́ Babilon! Ī-lōōī kɔdə yá̰á̰ kógə̄ḿ kə́ yḛr. Dan ń ā ī-teēī kɔ̄ɔ́ kem ɓē ń toō tə́ ní, ādī rɔ̄sí unjə̄ njáý njáý.

TƏ́DA 10:21

Ngán kaa Kehat gə̄ ń a ətōn̄ yá̰á̰ kə́ táĺ gə̄ ní utə̄n̄ gōdə́. A rāān̄ kújə́ kə́ táĺ yā Nə́ɓā kadə̄ oy kété pá tá nin̄ a ugə̄n̄.

TƏ́DA 10:17

Ró̰ȳn̄ kújə yā Nə́ɓā ta naā tə́ adə̄n̄ ngán Gerson gə̄ ō, ngán Merari gə̄ ō, adə̄ ətōn̄ aw̄nəń.

TƏ́DA 4:33

Kəla yā kújə kənge naā ń kadə̄ ngán Merari gə̄ rāān̄ ní n noó. Itamar ngōn̄ Aaro̰ nge tun̄ yá̰a̰ a əndā kumən gírí.

TƏ́DA 4:28

Kəla yá̰á̰ kújə yā Nə́ɓā ń adə̄n̄ ngán Gerson gə̄ kadə̄ rāān̄ ní n noó. I Itamar ngōn̄ Aaro̰ nge tun̄ yá̰a̰ n i nge kəndā kumən gír kəla yādə́ gə̄ tə́ ní.

TƏ́DA 4:15

Dan ń ngán Israel gə̄ a ndɔ́tə̄n̄ ɓē anī, Aaro̰ nin̄ kə ngánən gēé a tɔ̄lə̄n̄ ta ɓír̄ gidə yá̰á̰ kə́ táĺ gə̄ ō, yá̰a̰ rāā kəla gə̄ kə́ kem loo kə́ táĺ tə́ ō, pá tá ngán Kehat gə̄ a reēn̄ yā kɔy kətō ɓáý. Ngán Kehat gə̄ a ɔdən̄ rɔ̄ɔ̄ yá̰á̰ kə́ táĺ gə̄ alé na sōgə́ oyn̄. Kəla kətō yá̰á̰ kə́ kem kújə kənge naā tə́ ń əndān̄ dɔ ngán Kehat gə̄ tə́ kadə̄ rāān̄ ni n noó.

TƏ́DA 3:7

Nin̄ a rāān̄ kəla yān ō, a rāān̄ kəla yā ngán Israel gə̄ malang ō, ta kújə kənge naā tə́. I tītə̄ ń noō n a rāānəń kəla kújə yā Nə́ɓā ní.

TƏ́DA 3:9

Ngán Lebi gə̄ ní ā ādə̄də́ kə Aaro̰ nin̄ kə ngánən gēé. Ngán Israel gə̄ a adə̄n̄də́ sedə́ ō, a ɔrə̄n̄ kemdə́ dɔdə́ tə́ ō.

TƏ́DA 31:30

Ba núsə́ yá̰a̰ kənge kə́ tām̄ yā gotə ngán Israel gə̄ tə́ ní, ré ɓəlo gə̄, aké man̄g gə̄ aké kərō gə̄, aké batə̄ gə̄, aké bə̄yā̰ gə̄, aké gotə dā̰ kə́ rang gə̄ i kutə mí anī, ā ɔ̄r̄ kógə̄ḿ kógə̄ḿ danaá tām̄ yā Kɔ́ɔ̄ɓē tə́, ba ā ī-téləń yā kadə̄ ngán Lebi gə̄ ń a rāān̄ kəla tām̄ yā kújə yā Kɔ́ɔ̄ɓē tə́ ní.

1 YÁ̰A̰ GƏ̄ 23:27

Ba ngán Lebi gə̄ ń ɓāl̄də́ ḭḭ dɔ kutə jōó tə́ kum kə̄ dɔɔ́ ní, ndangən̄ rīdə́ makətūbūú i kə gō ndū Dabid kə́ ta tɔ̄l̄ ta tə́.

2 YÁ̰A̰ GƏ̄ 29:11

Ní ngánə́ḿ gə̄, ī-lōōī rāā yá̰a̰ jingəling, tɔdɔ̄ i sḭḭ̄ n Kɔ́ɔ̄ɓē gə̄rāsí kadə̄ ī-raī non tə́ ī-rāāī kəla ādə̄niī ō, kadə̄ sḭḭ̄ i de kə́ bo yān gə̄ ō, kadə̄ ī-róōī ndujə̄ yá̰á̰ kə́ kotə majə ādə̄niī ō ní.