TƏ́DA 3:40 - Bibəl ta Sar̄

⁴⁰ Kɔ́ɔ̄ɓē əda Moijə na: Ī-tə́dá hágə́ ngán Israel gə̄ malang kə́ dəngam gə̄, ə́lá gír dɔ ngáń kə́ nāā kógə̄ḿ gə̄ tə́ kum kə̄ dɔɔ́, ba ə́da kutədə́.

Bible sar

⁴⁰ Kɔ́ɔ̄ɓē əda Moijə na: Ī-tə́dá hágə́ ngán *Israel gə̄ malang kə́ dəngam gə̄, ə́lá gír dɔ ngáń kə́ nāā kógə̄ḿ gə̄ tə́ kum kə̄ dɔɔ́, ba ə́da kutədə́.

TƏ́DA 3:40 Referans Kwoze

TƏ́DA 3:15

Ī-tə́da kutə ngán Lebi gə̄ kə gō gír kojə yādə́ gēé ō, gír kaadə́ gēé ō. Ā ī-tə́da dəngam gə̄ malang. Əla gír dɔ ngáń kə́ nāā kógə̄ḿ gə̄ tə́ kum kə̄ dɔɔ́.

JEJU TEĒ KUM JA̰A̰ 14:4

Nin̄ i ngé gə̄ ń yḛrən̄ rɔ̄də́ kə dəyá̰ gēé aĺ ní, tɔdɔ̄ nin̄-unjə̄n̄ njáý njáý. Nin̄-unən̄ gō Ngōn̄ batə̄ loo malang ń ni-aw̄ tū tə́ ní tə́. I nin̄ n gāngə̄n̄ dɔdə́ dan de gə̄ tə́ tām̄ yā Nə́ɓā tə́ ō, Ngōn̄ batə̄ tə́ ō ní.

JEJU TEĒ KUM JA̰A̰ 3:5

Adə̄ deē ń tetə rɔ̄ɔ̄ ní, a əlan̄ kūbə̄ kə́ ndaa rɔ̄n tə́ ō, m-ā m̄-kūsə́ rīn kɔ̄ɔ́ kem makətūbə̄ ndi kə kumuú tə́ aĺ ō, m-ā m-ə́da ta kum Bɔbə́ḿ nin̄ kə deē yān gə̄ kə́ dɔ rā̰ tə́ gə̄ tə́ na ni i deē yāḿ ō.

HEBƏRO 12:23

Sḭḭ̄ ī-ndɔ́tī i kə̄ rɔ̄ ngé kán̄ naā gə̄ ń i ngáń hágə gə̄ yā Nə́ɓā, kə́ ndangən̄ rīdə́ dɔ rā̰ tə́. Sḭḭ̄ ī-ndɔ́tī i kə̄ rɔ̄ Nə́ɓā nge ngān̄g sarya yā de gə̄ malang tə́ ō, kə̄ rɔ̄ ndíl de kə́ súmūú gə̄ n télən̄ kə́ majə ɔtə̄ kə taá gə̄ tə́ ō.

2 TIMOTE 2:19

Ba gíŕ kújə́ ń Nə́ɓā əndā adə̄ ndi ngan̄g ní, to gotoó. Ndangən̄ najə̄ gə̄ ń toō tū tə́ ədan̄ na: Kɔ́ɔ̄ɓē ger̄ ngé gə̄ ń nin̄ i yān gə̄ ní ō, ādə̄ náā nəkɔ́ ń ɓāŕ rī Kɔ́ɔ̄ɓē ní, əya̰ yá̰á̰ kə́ gō tə́ aĺ gə̄ kɔ̄ɔ́ ō.

PILIPƏ 4:3

Ba ḭ̄ madə́ḿ kə́ rɔ̄kum, m̄-dəjeī kadə̄ ī-rāā sedə́, tɔdɔ̄ nin̄-rɔ̄ɔ̄n̄ naā tə́ seḿ dɔ Najə̄ kə́ Majə tə́, naā tə́ kə Kəlema ō, madə̄ kəlaḿ kə́ rang gə̄ ō, nin̄ ń rīdə́ i kə́ ndang kem makətūbə̄ ndi kə kumuú tə́ ní.

Najə̄ kə́ Majə yā Jeju ń Luk ndang ní 10:20

Ī-lōōī rāā rɔ̄nel̄ tām̄ koō kə́ ndíĺ kə́ majaĺ gə̄ oōn̄ tasí tə́, banī ī-rāāī rɔ̄nel̄ tām̄ yā rīsí gə̄ ń i kə́ ndang kɔ̄ɔ́ dɔ rā̰ tə́ ní.

IJAI 4:3

Loo ń noō tə́ ngé gə̄ ń a ndin̄ Jerusalem ní, ngé gə̄ ń a ndin̄ kə kumdə́ ɓáý kem ɓē kə́ Siyo̰ tə́ ní, a ɓārə́n̄də́ na i ngé kə́ ɔrə̄n̄ kam̄də́ tām̄ yā Kɔ́ɔ̄ɓē tə́ gə̄. Kem ɓē kə́ Jerusalem tə́ ɓáa i de gə̄ malang ń Kɔ́ɔ̄ɓē ndang rīdə́ kem makətūbə̄ yān tə́ kadə̄ əngen̄ ndi kə kumuú ní.

PĀ GƏ̄ 87:6

Kɔ́ɔ̄ɓē ndang kem makətūbə̄ yā gír de gə̄ tə́ na: Deē ń toō ojənən̄ i loo ń toō tə́,

TƏ́DA 3:45

Ī-taā ngán Lebi gə̄ ādə̄m̄ mā Kɔ́ɔ̄ɓē kum gotə hágə́ ngán Israel gə̄ malang ō, ī-taā yá̰a̰ kul̄ gə̄ yā ngán Lebi gə̄ ādə̄m̄ kum gotə hágə́ yá̰a̰ kul̄ gə̄ malang yā ngán Israel gə̄ ō.

TƏ́DA 3:12

I mə̄kɔ́ n m̄-gə̄rā ngán Lebi gə̄ dan ngán Israel gə̄ tə́ kum gotə hágə́ ngán Israel gə̄ ní. Ngán Lebi gə̄ i yá̰a̰ yāḿ,

TƏ́DA 3:41

Ā ī-taā ngán Lebi gə̄ tām̄ yāḿ mā Kɔ́ɔ̄ɓē tə́ kum gotə hágə́ ngán Israel gə̄ malang ō, ā ī-taā yá̰a̰ kul̄ gə̄ malang yā ngán Lebi gə̄ yā kadə̄m̄ kum gotə hágə́ yá̰a̰ kul̄ gə̄ malang yā ngán Israel gə̄ ō.