TƏ́DA 3:38 - Bibəl ta Sar̄

³⁸ Moijə ō, Aaro̰ ō, ngán Aaro̰ gə̄ ō, ndin̄ ɓē i ta kújə kənge naā tə́, dām̄ kə́ gír ɓē tə́. Nin̄ i ngé rāā kəla kem loo kə́ táĺ tə́ tām̄ yā ngán Israel gə̄ tə́. De kə́ karī ń a aw̄ loo kəla ń noō tə́ ní a tɔ̄lnən̄ kɔ̄ɔ́.

Bible sar

³⁸ Moijə ō, *Aaro̰ ō, ngán Aaro̰ gə̄ ō, ndin̄ ɓē i ta *kújə kənge naā tə́, dām̄ kə́ gír ɓē tə́. Nin̄ i ngé rāā kəla kem *loo kə́ táĺ tə́ tām̄ yā ngán *Israel gə̄ tə́. De kə́ karī ń a aw̄ loo kəla ń noō tə́ ní a tɔ̄lnən̄ kɔ̄ɔ́.

TƏ́DA 3:38 Referans Kwoze

TƏ́DA 3:10

Ā ə̄ndā Aaro̰ nin̄ kə ngánən gēé kem kəla tun̄ yá̰á̰ tə́. Ré de kə́ karī tun̄ yá̰á̰ ní, ɓáa a tɔ̄lnən̄ kɔ̄ɔ́.

TƏ́DA 1:53

Banī ngán Lebi gə̄ a ndin̄ ɓē i kə gō gidə kújə́ ń ndū najə̄ yā Nə́ɓā i kemeé tə́ ní, yā rāań kəla. Loo ń noō tə́ wōn̄g a rāām̄ kə ngán Israel gēé alé.

TƏ́DA 2:3

Juda a ndi ɓē i kə̄ kété, dām̄ kə́ dūn̄ tə́, kə dərapóo yānneé ō, kə ɓūtə̄ ngé rɔ̄ɔ̄ yān gēé ō. De kə́ dəngam gə̄ malang ń tə́dan̄də́ á nin̄ i ngé rɔ̄ɔ̄ gə̄ ní, ngoldə́ gə̄ i kógə̄ḿ kógə̄ḿ kə dɔ gír ɓē yādə́ gēé. Ngol ngé rɔ̄ɔ̄ gə̄ kə́ gír ɓē yā Juda tə́ i Nason ngōn̄ Aminadab. De gə̄ yān gə̄ i 74 600. Ngol ngé rɔ̄ɔ̄ gə̄ kə́ gír ɓē yā Isakar tə́ i Netanel ngōn̄ Suar. De gə̄ yān gə̄ i 54 400. Ngol ngé rɔ̄ɔ̄ gə̄ kə́ gír ɓē yā Jabulo̰ tə́ i Eliab ngōn̄ Helon. De gə̄ yān gə̄ i 57 400.

TƏ́DA 3:35

De kə́ bo n əndānən̄ ngār dɔ gír kaa gə̄ yā Merari tə́ ní i Suriel ngōn̄ Abihail. Ndin̄ ɓē i kadə kújə yā Nə́ɓā tə́, dām̄ mbɔ́r ɓē kə́ ko̰ó̰ tə́.

TƏ́DA 3:29

Gír kaa gə̄ yā Kehat gə̄ ndin̄ ɓē i kadə kújə yā Nə́ɓā tə́, dām̄ mbɔ́r ɓē kə́ geleé tə́.

TƏ́DA 3:23

De gə̄ kə́ gír kaa yā Gerson tə́ ndin̄ ɓē i gidə kújə yā Nə́ɓā tə́, dām̄ kə́ no ɓē tə́.

TƏ́DA 1:51

Ta ndɔ́tə̄ kə kújə yā Nə́ɓāá anī i ngán Lebi gə̄ n a tútən̄ ní ō, ta dəba anī i nin̄ n a udən̄ ní ō. De kə́ karī ń a aw̄ rɔ̄ɔ̄ tə́ ní a tɔ̄l̄nən̄ kɔ̄ɔ́.

TƏ́DA 3:37

kāgə̄ ndogə̄ kūbə̄ ń gīr̄ gidə ndágə loo kə́ gīr̄ gidə kújə yā Kɔ́ɔ̄ɓē ní ō, bir̄ njadə́ gə̄ ō, bēl̄ gə̄ kə́ tū tə́ ō, kəlā gə̄ ō.

1 YÁ̰A̰ GƏ̄ 23:32

Nin̄ a a̰a̰n̄ gō kújə kənge naā ō, loo kə́ táĺ ō, a a̰a̰n̄ de kə́ gír kojə yā Aaro̰ tə́ gə̄ ń i ngákó̰ó̰də́ gə̄ ní ō, yā kadə̄ kəla njə̄rań kem kújə yā Kɔ́ɔ̄ɓē tə́.