TƏ́DA 3:3 - Bibəl ta Sar̄

³ Ngán Aaro̰ gə̄ ń urən̄ yibə̄ dɔdə́ tə́ əndānəńdə́ kem kəla tun̄ yá̰á̰ tə́ ní n noó.

Bible sar

³ Ngán Aaro̰ gə̄ ń urən̄ yibə̄ dɔdə́ tə́ əndānəńdə́ kem kəla tun̄ yá̰á̰ tə́ ní n noó.

TƏ́DA 3:3 Referans Kwoze

Teē Ngán Israel gə̄ 28:41

Ā ī-tə́la kūbə̄ gə̄ ń noō rɔ̄ ngōkó̰ó̰í Aaro̰ tə́ ō, rɔ̄ ngánən gə̄ tə́ ō. Ā úr yibə̄ dɔdə́ tə́ ō, ā ə̄ndādə́ dɔ kəla tun̄ yá̰á̰ tə́ ō. Ā ɔ̄r̄ kam̄də́ tayā i tītə̄ ń noō kadə̄ rāān̄neé kəla tun̄ yá̰a̰ yāḿ.

LEBI GƏ̄ 8:30

Moijə ɔdə yibə̄ kə́ táĺ ō, ɔdə mósə́ kə́ dɔ loo tun̄ yá̰á̰ tə́ ō, sə̄kā dɔ Aaro̰ tə́ ō, tū kūbə̄ kə́ rɔ̄n tə́ ō. Ni-sə̄kā dɔ ngán Aaro̰ gə̄ tə́ ō, tū kūbə̄ yādə́ gə̄ tə́ ō. I tītə̄ ń noō n ni ɔrə̄ń kam̄ Aaro̰ nin̄ kə ngánən gēé ō, ɔrə̄ń kam̄ kūbə̄ yādə́ gə̄ ō ní.

LEBI GƏ̄ 8:12

Ni-ur yibə̄ ní dɔ Aaro̰ tə́ ɔrə̄ń kamə̄n tām̄ yā Kɔ́ɔ̄ɓē tə́.

HEBƏRO 7:28

Ndū najə̄ yā Moijə əndā de kə́ majə ɔtə̄ kə taá aĺ gə̄ ngol ngé tun̄ yá̰a̰ gə̄ tə́. Banī túbə̄ ń Nə́ɓā túbə ənīń ndūn ní, reē i gō ndū najə̄ tə́. Adə̄ Ngōn̄ ń rāānən̄ adə̄ ni-tél de kə́ majə ɔtə kə taá kə́ njɔ́ḿ tə́ ní, túbə́ ngeé ń toō əndān ngol ngé tun̄ yá̰a̰ gə̄ tə́.

Teē Ngán Israel gə̄ 40:15

Ā úr yibə̄ ní dɔdə́ tə́ tītə̄ ń úrəń dɔ bɔbə̄də́ tə́ ní yā kəndāńdə́ kem kəla tun̄ yá̰a̰ yāḿ tə́. Yibə̄ ń ā úr dɔdə́ tə́ noō a rāā kadə̄ nin̄ gə̄gē, ngáńdə́ gə̄gē, a ndin̄ i kem kəla tun̄ yá̰a̰ yāḿ tə́ ngándáńg.

Teē Ngán Israel gə̄ 40:13

Gō tə́ anī ā ī-tə́la kūbə̄ kə́ yā ɓōĺ gidə gə̄ yā Aaro̰ rɔ̄n tə́ ō, ā úr yibə̄ ní dɔn tə́ yā kəndānneé kem kəla tun̄ yá̰a̰ yāḿ tə́ ō.

TƏ́DA 3:4

Nadab nin̄ kə Abihu oyn̄ ta kum Kɔ́ɔ̄ɓē tə́ kanjə̄ kojə ngán gə̄. Nin̄ oyn̄ i tām̄ hor kə́ karī ń aw̄nəń ta kumən tə́ kem dəla loo kə́ Sinai tə́ ní. I Eleajar ō, Itamar ō n rāān̄ kəla tun̄ yá̰a̰ ta kum bɔbə̄də́ Aaro̰ tə́ ní.

1 YÁ̰A̰ GƏ̄ 23:6

Dabid tə́ndā ɓūtə̄də́ kə gō gír kaa ngán Lebi gə̄ ń i Gerson ō, Kehat ō, Merari ō ní.