TƏ́DA 3:13 - Bibəl ta Sar̄

¹³ tɔdɔ̄ ngōn̄ hágə i yá̰a̰ yāḿ. Tām̄ ndɔ̄ ń m̄-tɔ̄ləń hágə de gə̄ kə́ Ejiptə kɔ̄ɔ́ malang ní, m-ɔ̄r̄ kam̄ hágə́ ngán Israel gə̄ ō, hágə́ yá̰a̰ kul̄ yādə́ gē ō, tām̄ yāḿ tə́. Mā i Kɔ́ɔ̄ɓē.

Bible sar

¹³ tɔdɔ̄ ngōn̄ hágə i yá̰a̰ yāḿ. Tām̄ ndɔ̄ ń m̄-tɔ̄ləń hágə de gə̄ kə́ Ejiptə kɔ̄ɔ́ malang ní, m-ɔ̄r̄ kam̄ hágə́ ngán Israel gə̄ ō, hágə́ yá̰a̰ kul̄ yādə́ gē ō, tām̄ yāḿ tə́. Mā i Kɔ́ɔ̄ɓē.

TƏ́DA 3:13 Referans Kwoze

Najə̄ kə́ Majə yā Jeju ń Luk ndang ní 2:23

tītə̄ ń ndangən̄neé kem ndū najə̄ yā Kɔ́ɔ̄ɓē tə́ ní na: A ɔrə̄n̄ kam̄ ngáń hágə́ kə́ dəngam gə̄ malang tayā tām̄ yā Kɔ́ɔ̄ɓē tə́ ní.

Teē Ngán Israel gə̄ 13:12

ā ādīin̄ hágə́sí gə̄ malang ō, hágə́ yá̰a̰ kul̄ yāsí gə̄ malang ō. Ngáń hágə́ kə́ dəngam gə̄ i yá̰a̰ yā Kɔ́ɔ̄ɓē.

Teē Ngán Israel gə̄ 13:2

kə ɔr̄ kam̄ hágə́ ngán Israel gə̄ malang ō, hágə́ yá̰a̰ kul̄ yādə́ gə̄ ō, kə adə̄n. Tɔdɔ̄ hágə de kə́ dəngam ō, hágə dā̰ kə́ dəngam ō ní, na i yá̰a̰ yān.

LEBI GƏ̄ 27:26

Deē a ɔr̄ kam̄ hágə́ yá̰a̰ kul̄ tām̄ yā Kɔ́ɔ̄ɓē tə́ to̰ alé, tām̄ hágə́ yá̰a̰ kul̄ malang i yā Kɔ́ɔ̄ɓē kɔ̄ɔ́ ɓá. Ká i ngōn̄ man̄g, aké i ngōn̄ batə̄, aké i ngōn̄ bə̄yā̰ gə̄gē anī, i yā Kɔ́ɔ̄ɓē.

Teē Ngán Israel gə̄ 13:15

Tɔdɔ̄ dan ń Parao̰ mbātə́ kəya̰sí kadə̄ āwī ní, Kɔ́ɔ̄ɓē na rāā adə̄ ngáń hágə gə̄ kə́ Ejiptə tə́, hágə deē gə̄gē hágə dā̰ gə̄gē na oyn̄ malang. Adə̄ na i tām̄ najə̄ ń noō tə́ n ā ī-ndējīneé Kɔ́ɔ̄ɓē hágə́ yá̰a̰ kul̄ yāsí gə̄ malang, ba hágə́sí kə́ dəngam gə̄ malang tá na ā ī-gāngī dɔdə́ ní.

HEBƏRO 12:23

Sḭḭ̄ ī-ndɔ́tī i kə̄ rɔ̄ ngé kán̄ naā gə̄ ń i ngáń hágə gə̄ yā Nə́ɓā, kə́ ndangən̄ rīdə́ dɔ rā̰ tə́. Sḭḭ̄ ī-ndɔ́tī i kə̄ rɔ̄ Nə́ɓā nge ngān̄g sarya yā de gə̄ malang tə́ ō, kə̄ rɔ̄ ndíl de kə́ súmūú gə̄ n télən̄ kə́ majə ɔtə̄ kə taá gə̄ tə́ ō.

EJEKIEL 44:30

Núsə kōō kə́ ta kəga dɔ ní, i ngé tun̄ yá̰a̰ gə̄ n a taān̄ ō, yá̰a̰ malang kə́ kɔr̄ kam̄ tām̄ yāḿ tə́ dan yá̰a̰ kənge gə̄ yā ngán Israel gə̄ tə́ ní, nin̄ a taān̄ ō. De gə̄ a adə̄n̄də́ ndujə̄ yādə́ kə́ majə ngá̰ý gə̄ yā kadə̄ m̄-tɔ́rəń taḿ dɔ kem kújə yādə́ gə̄ tə́.

TƏ́DA 18:15

Hágə́ yá̰a̰ malang, adə̄ i hágə de gə̄ aláa hágə dā̰ gə̄ ń a ndējə̄n̄ Kɔ́ɔ̄ɓē ní, i tām̄ yāí tə́ ō. Banī hágə deē ō, hágə dā̰ kə́ yḛr ō ní, ādə̄ gāngə̄n̄ dɔdə́.

Teē Ngán Israel gə̄ 34:19

Ngōn̄ hágə i yá̰a̰ yāḿ. Hágə́ yá̰a̰ kul̄ yāsí gə̄ malang i yá̰a̰ yāḿ gə̄. Ā ī-ndējə̄mī hágə man̄g yāsí ō, hágə batə̄ yāsí ō, hágə bə̄yā̰ yāsí ō.

Teē Ngán Israel gə̄ 22:29

A ādə̄m̄ hágə man̄g yāí ō, hágə batə̄ yāí ō, hágə bə̄yā̰ yāí ō. Ā rāā ndɔ̄ sīrí gíŕ kó̰ó̰ tə́, ba ndɔ̄ kə́ nge ko̰ sɔ́sɔ́ anī ā ādə̄m̄ seneé.

NEHEMI 10:36

Kan̄ yá̰á̰ kə́ dɔ nang yājí tə́ kə́ ta kəga dɔ ō, kan̄ kāgə̄ yājí kə́ ta kəga dɔ gə̄ ō ní, i gáŕ kadə̄ jə-reēń kem kújə yā Kɔ́ɔ̄ɓē tə́ kə dɔ ɓāl̄ gə̄.

TƏ́DA 3:41

Ā ī-taā ngán Lebi gə̄ tām̄ yāḿ mā Kɔ́ɔ̄ɓē tə́ kum gotə hágə́ ngán Israel gə̄ malang ō, ā ī-taā yá̰a̰ kul̄ gə̄ malang yā ngán Lebi gə̄ yā kadə̄m̄ kum gotə hágə́ yá̰a̰ kul̄ gə̄ malang yā ngán Israel gə̄ ō.

TƏ́DA 18:6

Á̰a̰ā̰, ngákó̰ó̰sí kə́ ngán Lebi gə̄ ń adə̄mə̄n̄ sedə́ ní, m̄-tél sedə́ m-ādə̄sí kadə̄ rāān̄ kəla gə̄ kə́ tām̄ yā kújə kənge naā tə́.

TƏ́DA 33:4

Dan ń noō tə́ ní de kə́ Ejiptə gə̄ ra a dubə̄n̄ i hágə́də́ gə̄ ń Kɔ́ɔ̄ɓē tɔ̄l̄də́ malang ɔjəń tɔ́gən dɔ ɓesə̄ yādə́ gə̄ tə́ ní.