TƏ́DA 29:6 - Bibəl ta Sar̄

⁶ Ā ī-róōī dā̰ gə̄ ń noō horoó yā kərōń dā̰ kə́ róō ndɔ̄ nāā kə́ ta kəga dɔ tə́ kə ndujə̄ kə́ dɔ tə́ ō, dā̰ kə́ róō kə dɔ ndɔ̄ gə̄ kə ndujə̄ kə́ dɔ tə́ ō, kasə nduú kə́ yā tə́te dɔdə́ tə́ gə̄ ō. Ā ī-rāāī i kə gō looneé. Nge ń noō i yá̰a̰ kəsa kə́ sēēn sɔl̄ kem Kɔ́ɔ̄ɓē.

Bible sar

⁶ Ā ī-róōī dā̰ gə̄ ń noō horoó yā kərōń dā̰ kə́ róō ndɔ̄ nāā kə́ ta kəga dɔ tə́ kə ndujə̄ kə́ dɔ tə́ ō, dā̰ kə́ róō kə dɔ ndɔ̄ gə̄ kə ndujə̄ kə́ dɔ tə́ ō, kasə *nduú kə́ yā tə́te dɔdə́ tə́ gə̄ ō. Ā ī-rāāī i kə gō looneé. Nge ń noō i yá̰a̰ kəsa kə́ sēēn sɔl̄ kem Kɔ́ɔ̄ɓē.

TƏ́DA 29:6 Referans Kwoze

ESDRAS 3:4

Gō tə́ anī rāān̄ nāā kújə́ kámbə gə̄ tītə̄ ń ndangən̄neé ní: Ndējə̄n̄ Kɔ́ɔ̄ɓē yá̰a̰ tun̄ kə́ róō horoó gə̄ kə dɔ ndɔ̄ gə̄. Kutə dā̰ gə̄ ń a tɔ̄lə̄n̄ kə dɔ ndɔ̄ gə̄ a tunə̄n̄ ní asə naā i kə nge ń yá̰a̰ kāgə̄ ɓē ɔjə ní.

TƏ́DA 29:21

Ā ī-ndējī Kɔ́ɔ̄ɓē ndujə̄ ō, kasə nduú kə́ yā tə́te ō, kə dɔ dā̰ gə̄ ń noō kə gō looneé.

TƏ́DA 29:18

Ā ī-ndējī Kɔ́ɔ̄ɓē ndujə̄ ō, kasə nduú kə́ yā tə́te ō, kə dɔ dā̰ gə̄ ń noō kə gō looneé.

TƏ́DA 15:24

ré yá̰á̰ kə́ majaĺ ní ngán Israel gə̄ gerə̄n̄ gō aĺ ō anī, i nin̄ malang n a adə̄n̄ man̄g kə́ bəra kə́ yā róō horoó kadə̄ sēēn nel̄ Kɔ́ɔ̄ɓē ní. Nin̄ a ndējə̄n̄ ndujə̄ ō, a tə́ten̄ kasə nduú ō dɔ tə́. A tunə̄n̄ bal bə̄yā̰ tām̄ yā majaĺ tə́ ō.

TƏ́DA 9:14

Ré tə̄rā ń ndi ɓē sesí ní ndigə rāā nāā Pákə yā kɔsəń gɔn Kɔ́ɔ̄ɓē anī, a rāā i kə gō ndū najá ō, yá̰a̰ kāgə̄ ɓē ō kə́ dɔ tə́. Ndū najə̄ ní i tām̄ yā ngán Israel gə̄ tə́ ō, tə̄rā gə̄ tə́ ō.

LEBI GƏ̄ 6:9

Gotə yá̰a̰ ndējə̄ ń a nay ní, Aaro̰ nin̄ kə ngánən gēé a əsan̄, ba a əsan̄ i kanjə̄ kaa mápa kem loo kə́ táĺ kógə̄ḿ tə́, adə̄ i kem ndogə̄ kūbə̄ kə́ kəga dɔ kújə kənga naā tə́.

TƏ́DA 28:27

Ā ī-róōī dā̰ horoó kadə̄ sēēn sɔl̄ kem Kɔ́ɔ̄ɓē. I man̄g kə́ bəra gə̄ jōó ō, bal batə̄ kógə̄ḿ ō, ngán batə̄ kə́ ɓāl̄ kógə̄ḿ gə̄ sīrí ō.

TƏ́DA 29:5

Ā ī-tunī bal bə̄yā̰ kógə̄ḿ tām̄ yā majaĺ tə́ kadə̄ rāānəń yá̰á̰ kə́ yā kutə̄ń dɔ majaĺ yāsí.

TƏ́DA 15:4

Ba nge ndejə̄ dā̰ ní a əndā ndujə̄ kə́ ló̰ȳ kə yibīí kem lāngá mətá dɔ tə́. A ló̰ȳ ndujə̄ ní i kə yibə̄ kə́ asə kem lāngá kógə̄ḿ kə núsə.