TƏ́DA 29:25 - Bibəl ta Sar̄

²⁵ Ā ī-tunī bal bə̄yā̰ kógə̄ḿ tām̄ yā majaĺ tə́ yā kərōń dā̰ ń ā ī-róōī kə dɔ ndɔ̄ gə̄ ní ō, ndujə̄ kə́ dɔ tə́ ō, kasə nduú kə́ yā tə́te dɔ tə́ ō.

Bible sar

²⁵ Ā ī-tunī bal bə̄yā̰ kógə̄ḿ tām̄ yā majaĺ tə́ yā kərōń dā̰ ń ā ī-róōī kə dɔ ndɔ̄ gə̄ ní ō, ndujə̄ kə́ dɔ tə́ ō, kasə nduú kə́ yā tə́te dɔ tə́ ō.

TƏ́DA 29:25 Referans Kwoze

HEBƏRO 13:15

I beé ní, jə-ndējī Nə́ɓā tɔȳ yājí tītə̄ yá̰a̰ tun̄ beé kə ndɔ̄ gə̄ ndɔ̄ gə̄, kə ta kūl̄ Jeju. Kumən na ādə̄ jə-tɔ̄yī rīn kə tam tají kə ndɔ̄ gə̄ ndɔ̄ gə̄.

HEBƏRO 10:39

Jḭḭ̄ i de gə̄ kə́ yā kɔr̄ rɔ̄jí kə̄ gogə́ yā kudə kɔ̄ɔ́ alé. Jḭḭ̄ i de kə́ ngé taā kem gə̄ ō, jə-ra i dɔ róbə kajə tə́ ō.

HEBƏRO 3:14

Tɔdɔ̄ jḭḭ̄ i madə̄ Kərist gə̄, ba i loo ń ré jə-ngɔ̄mī yá̰á̰ ń j-əndāī kemjí dɔ tə́ ní kə ngangāá ta kəla gíŕ tə́ bátə́ ta ngóý tə́ tá.

2 TESALONIK 3:13

Ba sḭḭ̄ ngákó̰ó̰jí gə̄, ī-lōōī kadə̄ tɔ́gə́sí ur̄ wak loo rāā yá̰á̰ kə́ majə tə́.

GALATƏ 6:9

Jə-rāāī yá̰á̰ kə́ majə kanjə̄ kɔr loon tə́. Ré j-ɔriī ta kəla yājí tə́ aĺ anī, j-a j-əjaī kanə̄n loo ń ndɔ̄ a asə ní.

GALATƏ 2:5

Ba jḭḭ j-adə̄də́ kum mbang kógə̄ḿ gə̄gē aĺ bátə́, yā kadə̄ rɔ̄kum yā Najə̄ kə́ Majə toń gotoó beē tām̄ yāsí tə́.

Makətūbə̄ ń Pol ndang adə̄ Rom gə̄ ní 2:7

Ngé gə̄ ń əhɔn̄ ngan̄g ba a sāān̄ kɔsə gɔnən ō kɔr tan ō, a sāān̄ yá̰á̰ kə́ a ndumən̄ aĺ gə̄ ō ní, ni a adə̄də́ ndi kə kumuú kə́ ngándáńg.

KƏLA RĀĀ 13:43

Dan ń ngé kán̄ naā gə̄ tḭ̄ḭ̄n̄ naā anī, Jipə gə̄ ngá̰ý ō, Jipə tél gə̄ kə́ ngé rɔȳ Nə́ɓā gə̄ ō, unən̄ gō Pol nin̄ kə Barnabas. Nin̄-ɔrə̄n̄ najə̄ sedə́ ō, ɔjə̄n̄də́ kadə̄ əhɔn̄ gō majə ń Nə́ɓā rāā sedə́ ní adə̄ ngan̄g ō.

JA̰A̰ 8:31

Jeju ɔr̄ najə̄ kə Jipə gə̄ ń taān̄ kemən ní, ədadə́ na: Ré ī-ngɔ̄mī najə̄ yāḿ anī, sḭḭ̄ i ngé ndóō yá̰a̰ yāḿ kə́ rɔ̄kum gə̄.

TƏ́DA 29:11

Ā ī-tunī bal batə̄ kógə̄ḿ tām̄ yā majaĺ tə́ yā kərōń dā̰ ń ī-tunī tām̄ yā majaĺ tə́ ndɔ̄ mā̰ȳ rɔ̄ kə́ bo tə́ ní ō, dā̰ kə́ róō kə dɔ ndɔ̄ gə̄ kə ndujə̄ kə́ dɔ tə́ ō, kasə nduú kə́ yā tə́te dɔdə́ tə́ gə̄ ō.

TA KƏLA 37:31

Tɔ̄lə̄n̄ bal bə̄yā̰ kógə̄ḿ loo ń noō tə́, əlan̄ kūbə̄ kə́ majə ngá̰ý yā Jəjep ní kum mósən tə́,

TƏ́DA 29:24

Ā ī-ndējī Kɔ́ɔ̄ɓē ndujə̄ ō, kasə nduú kə́ yā tə́te ō, kə dɔ dā̰ gə̄ ń noō kə gō looneé.

TƏ́DA 29:26

Kə ndɔ̄ kə́ nge ko̰ mí anī, dā̰ kə́ loodə́ kógə̄ḿ nujə aĺ gə̄ ń ā ī-tunīdə́ ní n toó: Man̄g kə́ bəra gə̄ ndōhó ō, bal batə̄ gə̄ jōó ō, ngán batə̄ kə́ ɓāl̄ kógə̄ḿ gə̄ kutə gidə i sɔ́ ō.