TƏ́DA 29:17 - Bibəl ta Sar̄

¹⁷ Kə ndɔ̄ kə́ nge ko̰ jōó anī dā̰ kə́ loodə́ kógə̄ḿ nujə aĺ gə̄ ń ā ī-tunīdə́ ní n toó: Man̄g kə́ bəra gə̄ kutə gidə i jōó ō, bal batə̄ gə̄ jōó ō, ngán batə̄ kə́ ɓāl̄ kógə̄ḿ gə̄ kutə gidə i sɔ́ ō.

Bible sar

¹⁷ Kə ndɔ̄ kə́ nge ko̰ jōó anī dā̰ kə́ loodə́ kógə̄ḿ nujə aĺ gə̄ ń ā ī-tunīdə́ ní n toó: Man̄g kə́ bəra gə̄ kutə gidə i jōó ō, bal batə̄ gə̄ jōó ō, ngán batə̄ kə́ ɓāl̄ kógə̄ḿ gə̄ kutə gidə i sɔ́ ō.

TƏ́DA 29:17 Referans Kwoze

HEBƏRO 8:13

Dan ń Nə́ɓā ɔr̄ najə̄ yā madə̄ naā kə́ kijə ní, ni-əhɔ madə̄ naā kə́ ta kəga dɔ i madə̄ naā kə́ jóó tə́. Ba yá̰á̰ kə́ jóo i yá̰á̰ kə́ a tɔgə ɓə́gá ō i yá̰á̰ kə́ a gətóo kɔ̄ɔ́ ngɔr ō.

Makətūbə̄ ń Pol ndang adə̄ Rom gə̄ ní 12:1

Ngákó̰ó̰ḿ gə̄, i tām̄ ko̰o̰ kə́ kum Nə́ɓā o̰o̰n sesí ngá̰ý tə́ n m-ā m̄-dəjeńsí yá̰á̰ ń toō ní: Ī-ndējī Nə́ɓā rɔ̄sí tītə̄ yá̰a̰ tun̄ kə́ kə kumuú, kə́ kɔr̄ kam̄ tām̄ yā Nə́ɓā tə́ ō, kə́ nelə̄n ō. I nge ń noō n i rāā kəla kadə̄ Nə́ɓā kə́ gōtə́ yāsí ní.

OJEE 6:6

A̰á̰ā̰, m̄-gḛy i tár, ba i dā̰ kə́ tɔ̄l̄ ba tun̄ alé. m̄-sāā i kadə̄ deē a̰a̰ gerə̄m̄ kadə̄ mā i Nə́ɓā, ba i kadə̄ deē róō dā̰ dɔ loo tun̄ yá̰á̰ tə́ alé.

IJAI 1:11

Kɔ́ɔ̄ɓē əda na: Yá̰a̰ tun̄ yāsí kə́ ngá̰ý gə̄ ní, m-ā m̄-rāań i rí? Sḭḭ̄ ī-róōī batə̄ gə̄ kə taá ādə̄mī ō, ī-ndējə̄mī yibə̄ ngán man̄g gə̄ ō. Ba yá̰a̰ gə̄ ń noō malang ní, asəm̄ kɔ̄ɔ́. Mósə man̄g kə́ bəra gə̄ ō, mósə́ ngán batə̄ gə̄ ō, mósə bal bə̄yā̰ gə̄ ō ní, m̄-ndigə to̰ alé.

PĀ GƏ̄ 69:31

M-ā m-ásə kənī pā yā tɔ̄yń rī Nə́ɓā. M-ā m̄-ɓōkə́n tɔ̄ȳ yā kɔsəń gɔnən.

PĀ GƏ̄ 40:6

Kɔ́ɔ̄ɓē Nə́ɓā yāḿ, yá̰á̰ ń ī-nóm̄ ō, yá̰á̰ kə́ to kɔr kum gə̄ ń ī-rāā tām̄ yājí tə́ ō ní, i yá̰á̰ kə́ bo ngá̰ý gə̄! De kə́ tītīí gətóo. m̄-gḛy kəda najə̄ yá̰a̰ gə̄ ní ō, tél kəda kə̄ nja naā tə́ ō, tā ba yá̰á̰ kə́ yā kəda gə̄ ní alə̄n̄ naā ngá̰ý.

TƏ́DA 29:13

Ā ī-róōī dā̰ gə̄ horoó kadə̄ sedə́ sɔl̄ kem Kɔ́ɔ̄ɓē. Dā̰ kə́ loodə́ kógə̄ḿ nujə aĺ gə̄ ń ā ī-róōīdə́ ní n toó: Man̄g kə́ bəra gə̄ kutə gidə i mətá ō, bal batə̄ gə̄ jōó ō, ngán batə̄ kə́ ɓāl̄ kógə̄ḿ gə̄ kutə gidə i sɔ́ ō.

LEBI GƏ̄ 23:36

Ā ī-ndējī Kɔ́ɔ̄ɓē yá̰a̰ tun̄ kə́ róō horoó ndɔ̄ sīrí. Kə ndɔ̄ kə́ nge ko̰ sɔ́sɔ́ anī ā ī-kánī naā yā rɔȳm̄ ō, ā ī-ndējə̄mī yá̰a̰ tun̄ kə́ róō horoó ō. Ndɔ̄ kán̄ naā kə́ ta tɔ̄l̄ ta tə́ ngeé ń toō ní, ā ī-rāāī kəla kə́ kə tɔ́gɔ́ gə̄ alé.

Teē Ngán Israel gə̄ 12:5

Ngōn̄ bal batə̄ aláa ngōn̄ bal bə̄yā̰ ń ā ə́hɔī ní, ādə̄ i kə́ ɓāl̄ kógə̄ḿ ō, kə́ loon kógə̄ḿ nujə aĺ ō.