TƏ́DA 29:12 - Bibəl ta Sar̄

¹² Kə ndɔ̄ kə́ nge ko̰ kutə gidə i mí yā nāā kə́ nge ko̰ sīrí anī, ā ī-kánī naā yā rɔȳ Kɔ́ɔ̄ɓē ō, ā ī-rāāī kəla kə́ kə tɔ́gɔ́ gə̄ aĺ ō. Ā ī-rāāī nāā ndɔ̄ sīrí yā rɔȳń Kɔ́ɔ̄ɓē.

Bible sar

¹² Kə ndɔ̄ kə́ nge ko̰ kutə gidə i mí yā nāā kə́ nge ko̰ sīrí anī, ā ī-kánī naā yā rɔȳ Kɔ́ɔ̄ɓē ō, ā ī-rāāī kəla kə́ kə tɔ́gɔ́ gə̄ aĺ ō. Ā ī-rāāī nāā ndɔ̄ sīrí yā rɔȳń Kɔ́ɔ̄ɓē.

TƏ́DA 29:12 Referans Kwoze

JA̰A̰ 1:14

Najə̄ ní tél deē ō, ndi danjí tə́ ō. J-a̰a̰ kɔsə gɔn yān. I kɔsə gɔn yā Ngōn̄ kə́ kal kógə̄ḿ beē kə́ ḭḭ rɔ̄ Bɔbə̄n tə́. Ngōn̄ ní kemən majə ngá̰ý ō, najə̄ kə́ rɔ̄kum i ngá̰ý kemən tə́ ō.

EJEKIEL 45:25

Kə́ tām̄ yā nāā kújə́ kámbə gə̄ ń a əla gír i kem nāā kə́ nge ko̰ sīrí tə́, kə ndɔ̄ nāā kə́ nge ko̰ kutə gidə i mí ní, ngār a rāā yá̰á̰ kə́ kógə̄ḿ beē nəkɔ́ ń ni rāā tām̄ yā Pákə́ tə́ ní ɓáý: Kə dɔ ndɔ̄ gə̄, bátə́ ndɔ̄ sīrí ní, ni a ndējə̄ yá̰a̰ tun̄ gə̄ kə́ kógə̄ḿ beē nəkɔ́ ń noō kadə̄ Nə́ɓā mā̰yń rɔ̄n dɔ majaĺ tə́ ō, yá̰a̰ tun̄ gə̄ kə́ kə taá malang kə́ kógə̄ḿ beē nəkɔ́ ń noō ō, kōō gémē kə́ ndējə̄ kə́ kógə̄ḿ beē nəkɔ́ noō ō, yibə̄ kə́ ndējə̄ kə́ kógə̄ḿ beē nəkɔ́ ń noō ō.

NEHEMI 8:18

Tə́dan̄ najə̄ kə́ kem makətūbə̄ ndū najə̄ yā Nə́ɓā tə́ kə dɔ ndɔ̄ gə̄. Əlan̄ gír i ndɔ̄ ń əlan̄neé gír rāā nāā tə́ ní bátə́ ndɔ̄ kə́ ta tɔ̄l̄ ta tə́. Rāān̄ nāā ní i ndɔ̄ sīrí, ba ndɔ̄ kə́ nge ko̰ sɔ́sɔ́ anī tɔ̄lə̄n̄ ta rāā nāā ní i kə kán̄ naā kə́ bo ngá̰ý tītə̄ ń ndū najə̄ ədań ní.

NEHEMI 8:14

Kumdə́ teē dɔ ndū najə̄ ń Kɔ́ɔ̄ɓē adə̄ Moijə ndang ní tə́ adə̄ gerə̄n̄ na ré ngán Israel gə̄ a rāān̄ nāā kə́ kem nāā kə́ nge ko̰ sīrí tə́ anī, a ndin̄ i kem kújə́ kámbə gə̄ tə́ ō,

Teē Ngán Israel gə̄ 34:22

Ā ī-rāāī nāā sāā kōō dan yā sāā kōō gémē gə̄ kə́ ta kəga dɔ tə́ ō, ré ɓāl̄ ndɔ̄ anī, ā ī-rāāī nāā sāā kōō kə́ ta tɔ̄l̄ ta tə́ ō.

Teē Ngán Israel gə̄ 23:16

Gō tə́ anī ā ī-rāāī nāā sāā kōō ń i nāā kəja kōō yāsí kə́ ta kəga dɔ ō, i nāā yá̰a̰ gə̄ ń ī-dubī kem ndɔrɔ́ ní ō. Ré ɓāl̄ ndɔ̄ adə̄ ī-kánī nja kōō yāsí kə́ ndɔrɔ́ gə̄ malang kɔ̄ɔ́ anī, ī-rāāī nāā kán̄ nja kōō.

TƏ́DA 29:1

Kə ndɔ̄ nāā kə́ ta kəga dɔ yā nāā kə́ nge ko̰ sīrí anī, ā ī-kánī naā yā rɔȳ Kɔ́ɔ̄ɓē. Ā ī-rāāī kəla kə́ kə tɔ́gɔ́ gə̄ alé, tɔdɔ̄ i ndɔ̄ kəga kɔŕ rɔ̄nel̄ dɔ Kɔ́ɔ̄ɓē tə́.

TƏ́DA 29:13

Ā ī-róōī dā̰ gə̄ horoó kadə̄ sedə́ sɔl̄ kem Kɔ́ɔ̄ɓē. Dā̰ kə́ loodə́ kógə̄ḿ nujə aĺ gə̄ ń ā ī-róōīdə́ ní n toó: Man̄g kə́ bəra gə̄ kutə gidə i mətá ō, bal batə̄ gə̄ jōó ō, ngán batə̄ kə́ ɓāl̄ kógə̄ḿ gə̄ kutə gidə i sɔ́ ō.

1 MBAN̄G GƏ̄ 12:32

Jeroboam rāā nāā kógə̄ḿ kə́ to tītə̄ nge ń a rāān̄ Juda ní kem nāā kə́ nge ko̰ sɔ́sɔ́ tə́, kə ndɔ̄ nāā kə́ nge ko̰ kutə gidə i mí, ba nəkɔ́ aĺ aw̄ tun̄ yá̰a̰ dɔ loo tun̄ yá̰á̰ tə́. Ni-rāā tītə̄ ń noō Betel ō, tun̄ yá̰a̰ adə̄ duĺ man̄g gə̄ ń ni rāādə́ ní ō. Ngé tun̄ yá̰a̰ gə̄ kə́ loo ndɔ̄ȳ gə̄ tə́ ń ni əndādə́ kem kəla tun̄ yá̰á̰ tə́ ní, əndādə́ Betel ō.

ESDRAS 3:4

Gō tə́ anī rāān̄ nāā kújə́ kámbə gə̄ tītə̄ ń ndangən̄neé ní: Ndējə̄n̄ Kɔ́ɔ̄ɓē yá̰a̰ tun̄ kə́ róō horoó gə̄ kə dɔ ndɔ̄ gə̄. Kutə dā̰ gə̄ ń a tɔ̄lə̄n̄ kə dɔ ndɔ̄ gə̄ a tunə̄n̄ ní asə naā i kə nge ń yá̰a̰ kāgə̄ ɓē ɔjə ní.

LEBI GƏ̄ 23:7

Ā ī-kánī naā kə́ ndɔ̄ kə́ ta kəga dɔɔ́ yā rɔȳm̄. Ā ī-rāāī kəla kə́ kə tɔ́gɔ́ gə̄ alé.

TƏ́DA 29:35

Ndɔ̄ kə́ nge ko̰ sɔ́sɔ́ i ndɔ̄ tɔ̄l̄ ta nāā yāsí, ā ī-rāāī kəla kə́ kə tɔ́gɔ́ gə̄ alé.