TƏ́DA 29:1 - Bibəl ta Sar̄

¹ Kə ndɔ̄ nāā kə́ ta kəga dɔ yā nāā kə́ nge ko̰ sīrí anī, ā ī-kánī naā yā rɔȳ Kɔ́ɔ̄ɓē. Ā ī-rāāī kəla kə́ kə tɔ́gɔ́ gə̄ alé, tɔdɔ̄ i ndɔ̄ kəga kɔŕ rɔ̄nel̄ dɔ Kɔ́ɔ̄ɓē tə́.

Bible sar

¹ Kə ndɔ̄ nāā kə́ ta kəga dɔ yā nāā kə́ nge ko̰ sīrí anī, ā ī-kánī naā yā rɔȳ Kɔ́ɔ̄ɓē. Ā ī-rāāī kəla kə́ kə tɔ́gɔ́ gə̄ alé, tɔdɔ̄ i ndɔ̄ kəga kɔŕ rɔ̄nel̄ dɔ Kɔ́ɔ̄ɓē tə́.

TƏ́DA 29:1 Referans Kwoze

JAKARI 9:14

Loo ń noō tə́ Kɔ́ɔ̄ɓē a teē hɔy dɔdə́ tə́ dɔɔ́ ō, kum gərā yān a teē tītə̄ tel̄ man̄ beé ō. Kɔ́ɔ̄ɓē Nə́ɓā a kɔ̄ŕ bərúnjə. Man̄ kə́ a edə kə néĺ kə́ əla kə ngangá ngá̰ý ń a ḭḭ dām̄ mbɔ́r ɓē kə́ geleé tə́ yā reē ní, ni a reēń.

IJAI 27:13

Ndɔ̄ ngeé ń noō tə́ ní, a kɔ̄rə́n̄ tōw̄ gajə batə̄ kə́ bo kadə̄ de gə̄ oōn̄. Loo ń noō tə́ ngé gə̄ ń tadə́ tḭ̄ḭ̄ kɔ̄ɔ́ dɔ nang kə́ Asiri tə́ ní, ngé gə̄ ń tə̄ɓān̄də́ kɔ̄ɔ́ adə̄ aw̄n̄ dɔ nang kə́ Ejiptə tə́ ní, a reēn̄ malang. Nin̄ a reēn̄ yā kɔsə kejədə́ nang tə́ no Kɔ́ɔ̄ɓē tə́, dɔ mbal̄ bo kə́ táĺ tə́, kem ɓē kə́ Jerusalem tə́.

PĀ GƏ̄ 89:15

Ko̰o̰ ɓē yāí ndi i dɔ yá̰á̰ kə́ gōtə́ tə́ ō, yá̰á̰ kə́ súmūú tə́ ō. Kem majə ō najə̄ kə́ rɔ̄kum ō njə̄rān̄ kété noí tə́.

ESDRAS 3:6

Kə ndɔ̄ kə́ ta kəga dɔ yā nāā kə́ nge ko̰ sīrí ní, nin̄ əlan̄ gír ndējə̄ Kɔ́ɔ̄ɓē yá̰a̰ tun̄ kə́ róō horoó gə̄ kɔ̄ɔ́. Tá kújə yā Kɔ́ɔ̄ɓē i kə́ kəndā ngəran aĺ ɓáý.

1 YÁ̰A̰ GƏ̄ 15:28

Ngán Israel gə̄ malang unən̄ sandúkə madə̄ naā yā Kɔ́ɔ̄ɓē aw̄n̄neé Jerusalem. Nin̄ əgan̄ kɔŕ rɔ̄nel̄ dɔ tə́ ō, kɔ̄rə́n̄ tōw̄ ō, bərúnjə ō, əndan̄ gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, ugən̄ kənde gə̄ kə́ kəlādə́ i ngá̰ý gə̄ ō, kə́ kəlādə́ i ngá̰ý aĺ gə̄ ō.

PĀ GƏ̄ 81:3

Əndaī yá̰a̰ gō pā tə́, ə́ndaī kɔdə ādī ɓār̄, úgiī kənde kə́ kəlān i ngá̰ý kə́ ɓār̄ majə ō, úgiī kənde kə́ kəlān i ngá̰ý aĺ ō.

Teē Ngán Israel gə̄ 23:16

Gō tə́ anī ā ī-rāāī nāā sāā kōō ń i nāā kəja kōō yāsí kə́ ta kəga dɔ ō, i nāā yá̰a̰ gə̄ ń ī-dubī kem ndɔrɔ́ ní ō. Ré ɓāl̄ ndɔ̄ adə̄ ī-kánī nja kōō yāsí kə́ ndɔrɔ́ gə̄ malang kɔ̄ɔ́ anī, ī-rāāī nāā kán̄ nja kōō.

Teē Ngán Israel gə̄ 34:22

Ā ī-rāāī nāā sāā kōō dan yā sāā kōō gémē gə̄ kə́ ta kəga dɔ tə́ ō, ré ɓāl̄ ndɔ̄ anī, ā ī-rāāī nāā sāā kōō kə́ ta tɔ̄l̄ ta tə́ ō.

LEBI GƏ̄ 23:23

Kɔ́ɔ̄ɓē mēr̄ Moijə

TƏ́DA 28:26

Dan ń ā ī-ndējī Kɔ́ɔ̄ɓē dɔ kōō yāsí kə́ kijə gə̄ ndɔ̄ nāā sāā kōō kə́ ta kəga dɔ tə́ yā rāań nāā yā dəmásə gə̄ anī, ā ī-kánī naā yā rɔȳ Kɔ́ɔ̄ɓē ō, ā ī-rāāī kəla kə́ kə tɔ́gɔ́ gə̄ aĺ ō.

TƏ́DA 29:2

Ā ī-róōī dā̰ horoó yā kadə̄ Kɔ́ɔ̄ɓē kadə̄ sēēn sɔl̄ kemən. Dā̰ kə́ loodə́ kógə̄ḿ nujə aĺ gə̄ ń ā ī-tunīdə́ ní n toó: Man̄g kə bəra ō, bal batə̄ ō, ngán batə̄ kə́ ɓāl̄ kógə̄ḿ gə̄ sīrí ō.

TƏ́DA 29:12

Kə ndɔ̄ kə́ nge ko̰ kutə gidə i mí yā nāā kə́ nge ko̰ sīrí anī, ā ī-kánī naā yā rɔȳ Kɔ́ɔ̄ɓē ō, ā ī-rāāī kəla kə́ kə tɔ́gɔ́ gə̄ aĺ ō. Ā ī-rāāī nāā ndɔ̄ sīrí yā rɔȳń Kɔ́ɔ̄ɓē.

LEBI GƏ̄ 23:7

Ā ī-kánī naā kə́ ndɔ̄ kə́ ta kəga dɔɔ́ yā rɔȳm̄. Ā ī-rāāī kəla kə́ kə tɔ́gɔ́ gə̄ alé.

TƏ́DA 29:35

Ndɔ̄ kə́ nge ko̰ sɔ́sɔ́ i ndɔ̄ tɔ̄l̄ ta nāā yāsí, ā ī-rāāī kəla kə́ kə tɔ́gɔ́ gə̄ alé.