TƏ́DA 28:9 - Bibəl ta Sar̄

⁹ Ndɔ̄ sabat tə́ anī, a ndējə̄n̄ Kɔ́ɔ̄ɓē ngán batə̄ kə́ ɓāl̄ kógə̄ḿ gə̄ jōó, kə́ loodə́ kógə̄ḿ nujə alé, naā tə́ kə ndujə̄ kə́ asə lāngá mehḛ́, kə́ ló̰ȳ kə yibīí ō, kə yá̰á̰ kə́ yā tə́te dɔ tə́ ō.

Bible sar

⁹ Ndɔ̄ *sabat tə́ anī, a ndējə̄n̄ Kɔ́ɔ̄ɓē ngán batə̄ kə́ ɓāl̄ kógə̄ḿ gə̄ jōó, kə́ loodə́ kógə̄ḿ nujə alé, naā tə́ kə ndujə̄ kə́ asə lāngá mehḛ́, kə́ ló̰ȳ kə yibīí ō, kə yá̰á̰ kə́ yā tə́te dɔ tə́ ō.

TƏ́DA 28:9 Referans Kwoze

IJAI 58:13

Tītə̄ ń toō: Ī-mbātə́ rāā kəla ndɔ̄ sabat tə́, ndɔ̄ ń noō ń i ndɔ̄ kə́ kɔr̄ kam̄ tām̄ yān tə́ ní, ə̄ndā kumií gíŕ yá̰a̰ yāí gə̄ tə́ ndɔ̄ ń noō tə́ alé. Ī-ɓāŕ ndɔ̄ sabat na i ndɔ̄ rɔ̄nel̄. Ī-ɓāŕ ndɔ̄ yā Kɔ́ɔ̄ɓē na i ndɔ̄ kə́ yā ɓōĺ gidə ō, ī-ɓōĺ gidə ndɔ̄ ní kə mbātə́ rāā kəlaá ō, kə mbātə́ kəndā kumií gíŕ yá̰a̰ gə̄ tə́ ō, kə mbātə́ kɔr̄ najə̄ kə́ dan gān̄g aĺ ō.

JEJU TEĒ KUM JA̰A̰ 1:10

Ndíĺ Nə́ɓā reē dɔḿ tə́ ndɔ̄ yā Kɔ́ɔ̄ɓē tə́, əhɔm̄ adə̄ m̄-ger̄ gōn, anī m-ōō ndū deē kógə̄ḿ ɓār̄ ngá̰ý tītə̄ kōō bərúnjə beé gōḿ tə́,

EJEKIEL 20:12

M-ādə̄də́ ndɔ̄ sabat ō. Nge ń noō i yá̰á̰ kə́ to dɔ dáńjí tə́ kadə̄ əgań kemdə́ dɔ tə́ kadə̄ mā Kɔ́ɔ̄ɓē m-ə̄ndādə́ kə rī kəla yāḿ.

TƏ́DA 28:8

Ngōn̄ batə̄ kə́ nge ko̰ jōó ní a ndējə̄n̄ Kɔ́ɔ̄ɓē i loo sɔlí. A ndējə̄n̄ ndujə̄ ō, a tə́ten̄ kasə kə́ ngan̄g ō dɔ tə́ tītə̄ kə́ kə ndɔ̄ý. I yá̰a̰ kəsa kə́ sēēn sɔl̄ kem Kɔ́ɔ̄ɓē.

TƏ́DA 28:10

Nge ń noō i dā̰ kə́ róō horoó ndɔ̄ sabat tə́. Kə dɔ ndɔ̄ sabat gə̄ malang ní a róōn̄ yā kərōń dā̰ kə́ róō kə dɔ ndɔ̄ gə̄ kadə̄ Kɔ́ɔ̄ɓē ō, kasə kə́ yā tə́te dɔ tə́ ō.

2 YÁ̰A̰ GƏ̄ 2:4

Tá kújə́ ń m̄-sāā rāā ní i kújə́ kə́ bo, tɔdɔ̄ Nə́ɓā yājí i Nə́ɓā kə́ bo tɔȳ nə́ɓā gə̄ malang.

2 YÁ̰A̰ GƏ̄ 8:13

Ni ndējə̄ Kɔ́ɔ̄ɓē yá̰a̰ tun̄ gə̄ ndɔ̄ sabat tə́ ō, ndɔ̄ teē nāā tə́ ō, ndɔ̄ nāā kə́ bo gə̄ ń a rāān̄ nja mətá kem ɓāl̄ kógə̄ḿ tə́ ní ō, adə̄ i ndɔ̄ nāā yā mápa gə̄ kə́ kanjə̄ kaa mápa tə́ ō, ndɔ̄ nāā sāā kōō gə̄ tə́ ō, ndɔ̄ nāā yā kújə kámbə gə̄ tə́ ō. Ni ndējə̄ yá̰a̰ tun̄ gə̄ ní i kə jī bēl̄ loo rāā yá̰a̰ gə̄ ń Moijə ɔjəń kadə̄ ndējə̄n̄ kə dɔ ndɔ̄ gə̄ ń noō ní.

EJEKIEL 46:4

Ndɔ̄ sabat tə́ anī, ngār a ndējə̄m̄ ngán batə̄ gə̄ mehḛ́ ō, bal batə̄ kógə̄ḿ kə́ loon kə́ nujə gətóo ō, kadə̄ i yá̰a̰ tun̄ kə́ yā róō kə taá malang tə́.

2 MBAN̄G 4:23

Ngaan əda na: Ɓōólaā i ndɔ̄ nāā kə́ kijə aĺ ō, i ndɔ̄ sabat aĺ ō, ba i ba̰ý á ā āw̄ kə̄ ɓēé looneé ní? Dəyá̰ ní tél əda ngaan na: Ī-lōō sōl̄!

2 YÁ̰A̰ GƏ̄ 2:3

Ba mā m̄-gḛy i rāā kújə́ kə́ tām̄ yā rī Kɔ́ɔ̄ɓē Nə́ɓā yāḿ tə́, kadə̄ ra tām̄ yān tə́. A róōn̄ ndujə̄ yá̰á̰ kə́ kotə majə gə̄ tām̄ yā Kɔ́ɔ̄ɓē tə́ kem kújə́ ní tə́ ō, a ɓōkə́n̄ mápá kə́ ndējə̄ gə̄ ta kum Kɔ́ɔ̄ɓē tə́ kem kújə́ ní tə́ ngándáńg ō, a ndējə̄n̄ Kɔ́ɔ̄ɓē yá̰a̰ tun̄ kə́ róō horoó dəloí ō, loo sɔlí ō, yá̰a̰ tun̄ gə̄ kə́ róō horoó ndɔ̄ sabat gə̄ tə́ ō, ndɔ̄ teē nāā gə̄ tə́ ō, ndɔ̄ rāā nāā gə̄ yā Kɔ́ɔ̄ɓē Nə́ɓā yājí tə́ ō, kem kújə́ ní tə́. A tunə̄n̄ yá̰a̰ gə̄ ń noō dɔ nang kə́ Israel tə́ i ngáńdáńg.