TƏ́DA 28:7 - Bibəl ta Sar̄

⁷ A tə́ten̄ kasə kə́ ngan̄g kə́ asə lāngá kógə̄ḿ kə núsə tām̄ yā ngōn̄ batə̄ kə́ kə ndɔ̄ý tə́ yā ndējə̄ Kɔ́ɔ̄ɓē kem loo kə́ táĺ tə́.

Bible sar

⁷ A tə́ten̄ kasə kə́ ngan̄g kə́ asə lāngá kógə̄ḿ kə núsə tām̄ yā ngōn̄ batə̄ kə́ kə ndɔ̄ý tə́ yā ndējə̄ Kɔ́ɔ̄ɓē kem *loo kə́ táĺ tə́.

TƏ́DA 28:7 Referans Kwoze

Teē Ngán Israel gə̄ 29:42

I dā̰ kə́ yā tɔ̄l̄ róō horoó kadə̄ Nə́ɓā ta kújə kənge naā tə́ ngándáńg n noó. Tɔdɔ̄ j-a j-əngeī naā i loo ń noō tə́ ō, m-ā m-ɔ̄r̄ najə̄ seí i loo ń noō tə́ ō.

PILIPƏ 2:17

Ká ré i gáŕ kadə̄ tə́ten̄ mósə́ḿ dɔ yá̰á̰ kə́ tun̄ yāsí tə́ ō, dɔ kəla yāsí tə́ ō, tām̄ taā kə́ sḭḭ̄ ī-taāī kem tə́ anī, rɔ̄ḿ a nelə̄m̄ najə̄n tə́ ō, m̄-rāā rɔ̄nel̄ sesí malang ō.

JOEL 2:14

Majanī Nə́ɓā a tél yā tūr̄ ndūn ō, kemən a sɔl̄ ō, adə̄ a nujə sejí kɔ̄ɔ́ alé. Ni a adə̄jí yá̰a̰ kənge ngá̰ý ō. Adə̄ ā ī-tunī yá̰a̰ ō, ā ī-tə́teī kasə nduú ō, yā kadə̄ Kɔ́ɔ̄ɓē yāsí.

JOEL 1:13

Ngé tun̄ yá̰a̰ gə̄ ī-dō̰ō̰ī ɓōdə̄sí ō, ī-nōōī rɔ̄sí ō. Sḭḭ̄ ngé rāā kəla tun̄ yá̰a̰ ī-gāngī kɔŕ. Sḭḭ̄ de kə́ bo gə̄ yā Nə́ɓā yāḿ, ī-reēī, ō̰ō̰ī kūbə̄ kəhɔ ndoō ī-ɓīīneé. Tɔdɔ̄ ndəjə̄ yá̰a̰ aláa tə́te kasə nduú kem kújə yā Nə́ɓā yāsí tə́ kɔ̄ɔ́.

JOEL 1:9

De gə̄ ndējə̄n̄ yá̰á̰ aláa tə́tən̄ kasə nduú kem kújə yā Kɔ́ɔ̄ɓē tə́ to̰ alé. Ngé tun̄ yá̰a̰ gə̄ ń i de kə́ bo gə̄ yā Kɔ́ɔ̄ɓē ní əhɔn̄ ndoō.

IJAI 57:6

Israel, ngán mbal̄ kə́ gidə ndə́lē gə̄ kə́ kum ngōn̄ man̄ tə́ i tām̄ yāí tə́, i núsə́ yá̰á̰ kə́ tām̄ yāí tə́ n noó. Kasə nduú ń ī-tə́te nang tə́ ní, i nin̄ n ī-tun̄ ādə̄də́ ní. I nīn n ī-ndējə̄də́ kadə̄ karī gə̄ ní. Kɔ́ɔ̄ɓē dəje najə̄ əda na: Majə kadə̄ m̄-ndigə yá̰á̰ ń noō a?

TƏ́DA 28:31

Ā ī-ndējī Kɔ́ɔ̄ɓē dā̰ gə̄ ń noō ō, kasə nduú kə́ yā tə́te dɔ tə́ ō, yā kərōń dā̰ kə́ tun̄ kə dɔ ndɔ̄ gə̄ ō, yá̰a̰ ndējə̄ kə́ dɔ tə́ gə̄ ō. Ā ə́hɔī i dā̰ kə́ loodə́ kógə̄ḿ nujə aĺ gə̄.

TƏ́DA 28:14

Kasə nduú i lāngá mətá kə dɔ man̄g kə́ bəra gēé ō, lāngá jōó dɔ bal batə̄ tə́ ō, i lāngá kógə̄ḿ kə núsə kə dɔ ngán batə̄ gēé ō. Dā̰ gə̄ kə́ yā róōdə́ horoó kə ndɔ̄ kə́ ta kəga dɔ yā nāā tə́ kə dɔ ɓāl̄ gə̄ n noó.

TƏ́DA 15:10

a adə̄ kasə nduú kem lāngá mətá dɔ tə́ ō. Yá̰a̰ tun̄ kə́ sēēn nel̄ Kɔ́ɔ̄ɓē n noó.

TƏ́DA 15:7

A adə̄ kasə nduú dɔ tə́ i kem lāngá jōó ō. Ā ī-ndējə̄ Kɔ́ɔ̄ɓē yá̰á̰ kə́ sēēn nel̄ gə̄ ń noō.

TƏ́DA 15:5

A adə̄ kasə nduú kə́ yā tə́te kem lāngá kógə̄ḿ kə núsə dɔ ngōn̄ batə̄ kə́ yā róō horoó tə́ ní, aláa kə́ yā tun̄ karī tə́ ní.

LEBI GƏ̄ 23:13

Ā ī-ndējī Kɔ́ɔ̄ɓē ndujə̄ kə́ lándə̄ kə́ ló̰ȳ kə yibīí kem lāngá mehḛ́ dɔ ngōn̄ batə̄ ní tə́. Nge ń noō i yá̰a̰ tun̄ kə́ róō horoó kə́ sēēn nel̄ Kɔ́ɔ̄ɓē. Tá ā ī-tə́tē kasə nduú kə́ kem káĺ kə́ asə lāngá kógə̄ḿ kə núsən nang tə́ no Kɔ́ɔ̄ɓē tə́ ō.

Teē Ngán Israel gə̄ 30:9

Deē a róō ndujə̄ yá̰á̰ kə́ karī dɔ tə́ aĺ ō, yá̰a̰ ndējə̄ kə́ yā róō horoó dɔ tə́ aĺ ō, deē a ndējə̄ kōō dɔ tə́ aĺ ō, a tə́te kasə kə́ ndējə̄ dɔ tə́ aĺ ō.

Teē Ngán Israel gə̄ 29:40

A əndān̄ ndujə̄ kem lāngá mətá dɔ ngōn̄ batə̄ kə́ ta kəga dɔ ní tə́. A ló̰ȳn̄ kə yibə̄ olibə kə́ unjə̄ njáý njáý kə́ rosə lāngá kógə̄ḿ kə núsə. A əndān̄ kasə kan̄ kāgə̄ nduú kə́ rosə lāngá kógə̄ḿ kə núsə dɔ tə́ ō.

TƏ́DA 28:6

Róō dā̰ horoó kə dɔ ndɔ̄ gə̄ ngeé ń toō un i ta nge ń əlan̄ gír dɔ mbal̄ Sinai tə́ ní. I yá̰a̰ kəsa kə́ sēēn sɔl̄ kem Kɔ́ɔ̄ɓē.

TƏ́DA 28:8

Ngōn̄ batə̄ kə́ nge ko̰ jōó ní a ndējə̄n̄ Kɔ́ɔ̄ɓē i loo sɔlí. A ndējə̄n̄ ndujə̄ ō, a tə́ten̄ kasə kə́ ngan̄g ō dɔ tə́ tītə̄ kə́ kə ndɔ̄ý. I yá̰a̰ kəsa kə́ sēēn sɔl̄ kem Kɔ́ɔ̄ɓē.

LEBI GƏ̄ 1:9

Nge ndējə̄ yá̰á̰ ní a tə́go tiīn gə̄ njan gə̄ ō kə maná. Go tə́ anī nge tun̄ yá̰á̰ kógə̄ḿ a róō yá̰a̰ gə̄ ń noō malang horoó dɔ loo tun̄ yá̰á̰ tə́. I yá̰á̰ kə́ róō horoó kadə̄ Kɔ́ɔ̄ɓē kə́ sēēn nelə̄n.