TƏ́DA 28:4 - Bibəl ta Sar̄

⁴ A ndējə̄n̄ kógə̄ḿ kə ndɔ̄ý ō, kə́ noō loo sɔlí ō.

Bible sar

⁴ A ndējə̄n̄ kógə̄ḿ kə ndɔ̄ý ō, kə́ noō loo sɔlí ō.

TƏ́DA 28:4 Referans Kwoze

DANIEL 9:21

Dan ń m-ā m-ɔ̄r̄ najə̄ ɓáý anī Gabəriyel, deē ń m-á̰a̰ n dan ń yá̰a̰ ndɔ̄bə̄m̄neé tə́ kété ní, ḭḭ bɔ̄gə̄ reē rɔ̄ḿ tə́ láẃ kum mbang ndə̄jə̄ Nə́ɓā yá̰a̰ tun̄ kə́ loo tíbí tə́.

1 MBAN̄G GƏ̄ 18:36

Dan ń kum mbang tun̄ yá̰á̰ kə́ loo sɔlí asə anī, Eli ndɔ́tə̄ kə̄ ta loo tun̄ yá̰á̰ tə́ ba əda na: Kɔ́ɔ̄ɓē, Nə́ɓā yā Abəraham ō, yā Isaak ō, yā Jakob ō, ɔ́jə kə̄ ndágá ɓōólaā ādə̄ de gə̄ gerə̄n̄ kadə̄ i ḭ̄ n i Nə́ɓā dɔ nang kə́ Israel tə́ ō, mā i nge kəla yāí ō, m̄-rāā yá̰a̰ gə̄ ń toō malang i kə gō najə̄ kə́ taí tə́ ō.

1 MBAN̄G GƏ̄ 18:29

Ba dan ń mbang əja rɔ̄n sḛ́ý ní a, ndewn̄ ngangan loo ɓāŕ Baal tə́. Nin̄-ɓāŕnən̄ kə rɔ̄ ndebeé bátə́ ugə̄ kum mbang ndējə̄ yá̰á̰ kə́ loo sɔlí. Banī deē oō ndū deē aĺ ō, deē ndigə ɓār̄ ní aĺ ō, yá̰á̰ kə́ rāā yá̰á̰ sḛ́ý gətóo ō.

TƏ́DA 9:3

Ā ī-rāāī nāā i ta loo tíbə́ tə́, kə ndɔ̄ kə́ nge ko̰ kutə gidə i sɔ́ yā nāā ń toō. Ā ī-rāāī i kə gō ń ndū najə̄ ō, yá̰a̰ kāgə̄ ɓē ō ɔjəń ní.

Teē Ngán Israel gə̄ 12:6

Ā ī-ngɔ̄mīdə́ bátə́ ndɔ̄ kə́ nge ko̰ kutə gidə i sɔ́ yā nāā ń toō tə́. Ngán Israel gə̄ malang a tɔ̄lə̄n̄ dā̰ gə̄ ní i ta loo tíbə́ tə́.

PĀ GƏ̄ 141:2

Ādə̄ ndɔ̄ȳ yāḿ ḭḭ kum kə̄ dɔɔ́ rɔ̄í tə́ tītə̄ sa hor kajaja beé ō, ādə̄ jīḿ ń m-ɔ́y kə̄ dɔɔ́ ní i tītə̄ yá̰a̰ ndējə̄ kə́ loo sɔlí beé ō.

LEBI GƏ̄ 3:7

Ré i batə̄ anī, a aw̄ń ta kum Kɔ́ɔ̄ɓē tə́.

TƏ́DA 28:3

Ā ī-ndējī Kɔ́ɔ̄ɓē ngán batə̄ kə́ ɓāl̄ kógə̄ḿ gə̄ kə́ loodə́ kógə̄ḿ nujə aĺ gə̄ jōó jōó kə dɔ ndɔ̄ gə̄. Nge ń noō i dā̰ kə́ róō horoó ngándáńg kadə̄ Kɔ́ɔ̄ɓē.

TƏ́DA 28:5

A ndējə̄n̄ Kɔ́ɔ̄ɓē ngán batə̄ gə̄ ní i naā tə́ kə ndujə̄ kə́ asə lāngá mətá, kə́ ló̰ȳ kə yibə̄ olibə kə́ kásə̄ kə́ asə lāngá kógə̄ḿ kə núsə.

1 YÁ̰A̰ GƏ̄ 16:40

kadə̄ ndējə̄n̄ Kɔ́ɔ̄ɓē yá̰a̰ tun̄ kə́ róō horoó gə̄ loo tun̄ yá̰á̰ tə́ dəloí ō, loo sɔlí ō, kə dɔ ndɔ̄ gə̄ kanjə̄ kəya̰ ta ō, kadə̄ rāān̄ yá̰a̰ malang kə́ ndang tū ndū najə̄ ń Kɔ́ɔ̄ɓē adə̄ Israel gə̄ tə́ ní ō.

JOEL 1:13

Ngé tun̄ yá̰a̰ gə̄ ī-dō̰ō̰ī ɓōdə̄sí ō, ī-nōōī rɔ̄sí ō. Sḭḭ̄ ngé rāā kəla tun̄ yá̰a̰ ī-gāngī kɔŕ. Sḭḭ̄ de kə́ bo gə̄ yā Nə́ɓā yāḿ, ī-reēī, ō̰ō̰ī kūbə̄ kəhɔ ndoō ī-ɓīīneé. Tɔdɔ̄ ndəjə̄ yá̰a̰ aláa tə́te kasə nduú kem kújə yā Nə́ɓā yāsí tə́ kɔ̄ɔ́.