TƏ́DA 28:19 - Bibəl ta Sar̄

¹⁹ Ā ī-ndējī Kɔ́ɔ̄ɓē yá̰a̰ kəsa kə́ róō horoó, adə̄ i man̄g kə́ bəra gə̄ jōó ō, bal batə̄ kógə̄ḿ ō, ngán batə̄ kə́ ɓāl̄ kógə̄ḿ gə̄ sīrí ō. Ā ə́hɔī dā̰ kə́ loodə́ kógə̄ḿ nujə aĺ gə̄.

Bible sar

¹⁹ Ā ī-ndējī Kɔ́ɔ̄ɓē yá̰a̰ kəsa kə́ róō horoó, adə̄ i man̄g kə́ bəra gə̄ jōó ō, bal batə̄ kógə̄ḿ ō, ngán batə̄ kə́ ɓāl̄ kógə̄ḿ gə̄ sīrí ō. Ā ə́hɔī dā̰ kə́ loodə́ kógə̄ḿ nujə aĺ gə̄.

TƏ́DA 28:19 Referans Kwoze

NDŪ NAJƏ̄ 15:21

Ba ré dā̰ ní i dā̰ kə́ nujə, adə̄ a tə́sō motə, aké kumən a̰a̰ loo alé, aké yá̰á̰ kə́ rang kə́ majaĺ i rɔ̄n tə́ anī, ā ī-tun̄ yā kadə̄ Kɔ́ɔ̄ɓē Nə́ɓā yāí alé.

TƏ́DA 29:8

Ā ī-róōī dā̰ gə̄ horoó kadə̄ sedə́ sɔl̄ kem Kɔ́ɔ̄ɓē. Dā̰ kə́ loodə́ kógə̄ḿ nujə aĺ gə̄ ń ā ī-róōīdə́ horoó ní n toó: Man̄g kə́ bəra ō, bal batə̄ ō, ngán batə̄ kə́ ɓāl̄ kógə̄ḿ gə̄ sīrí ō.

TƏ́DA 28:31

Ā ī-ndējī Kɔ́ɔ̄ɓē dā̰ gə̄ ń noō ō, kasə nduú kə́ yā tə́te dɔ tə́ ō, yā kərōń dā̰ kə́ tun̄ kə dɔ ndɔ̄ gə̄ ō, yá̰a̰ ndējə̄ kə́ dɔ tə́ gə̄ ō. Ā ə́hɔī i dā̰ kə́ loodə́ kógə̄ḿ nujə aĺ gə̄.

LEBI GƏ̄ 22:20

Nge ń yá̰a̰ rāā ní, ī-ndējī alé, na a nel̄ Kɔ́ɔ̄ɓē sesí alé.

1 PIYER 1:19

I kə yá̰a̰ gə̄ ń noō alé, ba i kə mósə Kərist kə́ gātə̄n i ngá̰ý. Ni-to i tītə̄ ngōn̄ batə̄ kə́ loon kógə̄ḿ nujə aĺ ō, kə́ yá̰á̰ kə́ majaĺ tákə̄n aĺ ō, kə́ tɔ̄lə̄n̄ ba tun̄ adə̄n̄ Nə́ɓā beé.

TƏ́DA 28:20

Ā ī-ndējī Kɔ́ɔ̄ɓē ndujə̄ kə́ ló̰ȳ kə yibīí kə dɔ dā̰ gə̄ ń noō malang. Ndujə̄ kə́ dɔ man̄g kə́ bəra gə̄ tə́ a asə lāngá ndōhó kə dɔdə́ gēé ō, ndujə̄ kə́ dɔ bal batə̄ tə́ a asə lāngá mehḛ́ ō,

LEBI GƏ̄ 1:3

Ré yá̰a̰ ndējə̄ yā deē ní i man̄g kə́ yā róō horoó, adə̄ i man̄g kə́ bəra kə́ loon kógə̄ḿ nujə alé. Ni a aw̄ seneé ta kújə kənge naā tə́ kadə̄ Kɔ́ɔ̄ɓē ndigə dā̰ ní pá tá,

NDŪ NAJƏ̄ 16:2

Dā̰ gə̄ ń ā ī-ndējə̄ Kɔ́ɔ̄ɓē ndɔ̄ Pákə tə́ ní i batə̄ ō, bə̄yā̰ ō, man̄g ō. Ā ə́hɔ́də́ i dan yá̰a̰ kul̄ yāí gə̄ tə́. Ā ī-rāā Pákə ní i loo ń Kɔ́ɔ̄ɓē a gə̄rā yā kəndā rīn dɔ tə́ tə́ ní.

2 YÁ̰A̰ GƏ̄ 35:12

Dan ń a adə̄n̄ ngán Israel gə̄ dā̰ kə gō gír ɓūtə̄ yādə́ gə̄ ń əndān̄ kə dɔ gír kojə yādə́ gēé ní anī, ɔrə̄n̄ loon kə́ yā róō kə taā kadə̄ Kɔ́ɔ̄ɓē ənīn̄ tayā tītə̄ ń ndangən̄neé kem makətūbə̄ yā Moijə tə́ ní. Rāān̄ i tītə̄ ń noō kə man̄g gēé ō.