TƏ́DA 28:11 - Bibəl ta Sar̄

¹¹ Kə ndɔ̄ kə́ ta kəga dɔ yā nāā gə̄ malang ní, ā ī-ndējī Kɔ́ɔ̄ɓē dā̰ kə́ loodə́ kógə̄ḿ nujə aĺ gə̄, adə̄ i man̄g kə́ bəra gə̄ jōó ō, bal batə̄ kógə̄ḿ ō, ngán batə̄ kə́ ɓāl̄ kógə̄ḿ gə̄ sīrí ō. Ā ī-róōīdə́ horoó.

Bible sar

¹¹ Kə ndɔ̄ kə́ ta kəga dɔ yā nāā gə̄ malang ní, ā ī-ndējī Kɔ́ɔ̄ɓē dā̰ kə́ loodə́ kógə̄ḿ nujə aĺ gə̄, adə̄ i man̄g kə́ bəra gə̄ jōó ō, bal batə̄ kógə̄ḿ ō, ngán batə̄ kə́ ɓāl̄ kógə̄ḿ gə̄ sīrí ō. Ā ī-róōīdə́ horoó.

TƏ́DA 28:11 Referans Kwoze

TƏ́DA 10:10

Ā ī-kɔ̄ríī bərúnjə ndɔ̄ rɔ̄nel̄ tə́ ō, ndɔ̄ pété tə́ ō, ndɔ̄ nāā kə́ kijə tə́ ō, dan ń ā ī-róōiń dā̰ horoó yā kadə̄ Kɔ́ɔ̄ɓē ní ō, ā ī-tunīiń yá̰a̰ tām̄ yā kem kógə̄ḿ tə́ ní ō. Ā ī-kɔ̄ríī bərúnjə kadə̄ əgań kem Nə́ɓā yāsí dɔsí tə́. Mā i Kɔ́ɔ̄ɓē Nə́ɓā yāsí.

EJEKIEL 46:6

Ndɔ̄ rāā nāā kə́ kijə tə́ anī, ni a ndējə̄ man̄g kə́ bəra kógə̄ḿ kə́ rɔ̄n kə taá malang i kə́ majə ō, ngán batə̄ gə̄ mehḛ́ ō, bal batə̄ kógə̄ḿ ō kə́ rɔ̄də́ kə taá malang i kə́ majə ō.

KOLOSƏ 2:16

I beé ní, ādə̄ deē kógə̄ḿ gān̄g sarya dɔsí tə́ najə̄ yā yá̰a̰ kəsa tə́ aĺ ō, yá̰a̰ ka̰ȳ tə́ aĺ ō, najə̄ yā rāā nāā tə́ aĺ ō, ndɔ̄ teē nāā tə́ aĺ ō, ndɔ̄ sabat tə́ aĺ ō.

OJEE 2:11

I tām̄ najə̄ ń toō tə́ n dan yā sāā kōō gémē gə̄ tə́ anī, m-ā m̄-tél yā reē taā gémē yāḿ ní ō, m-ā m̄-tél yā reē taā kasə nduú yāḿ kə́ kijə dan yā mbə́rē kan̄ nduú gə̄ tə́ ní ō. M-ā m̄-taā kūbə̄ bḭḭ̄ batə̄ yāḿ kɔ̄ɔ́ ō, m-ā m̄-taā kūbə̄ lḛ́ḛ yāḿ kɔ̄ɔ́ ō, yá̰a̰ gə̄ ń noō ń majə kadə̄ ni utə̄ń gidə rɔ̄n ní.

ESDRAS 3:5

Əla gír ndɔ̄ ń noō tə́ ní nin̄ a ndējə̄n̄ Kɔ́ɔ̄ɓē i yá̰a̰ tun̄ kə́ róō horoó kə dɔ ndɔ̄ gə̄ kanjə̄ kəya̰ ta ō, yá̰a̰ tun̄ kə́ kə dɔ ndɔ̄ nāā kə́ ta kəga dɔ gə̄ malang ō, yá̰a̰ tun̄ kə́ ndɔ̄ nāā yā Kɔ́ɔ̄ɓē tə́ gə̄ ō, yá̰a̰ tun̄ kə́ ndējə̄ Kɔ́ɔ̄ɓē kə gō kem ndigií gə̄ ō.

2 YÁ̰A̰ GƏ̄ 2:4

Tá kújə́ ń m̄-sāā rāā ní i kújə́ kə́ bo, tɔdɔ̄ Nə́ɓā yājí i Nə́ɓā kə́ bo tɔȳ nə́ɓā gə̄ malang.

1 YÁ̰A̰ GƏ̄ 23:31

a rāān̄ beé tām̄ yá̰a̰ tun̄ kə́ róō horoó kadə̄ Kɔ́ɔ̄ɓē tə́ ō, a rāān̄ beé ndɔ̄ sabat gə̄ tə́ ō, ndɔ̄ rāā nāā kə́ teē kijə tə́ ō, ndɔ̄ rɔ̄nel̄ kə́ rang gə̄ tə́ ō, kə dɔ kutə yá̰a̰ tun̄ gə̄ ń ndang adə̄n̄də́ kadə̄ to ngándáńg ta kum Kɔ́ɔ̄ɓē tə́ ní.

1 SAMUEL 20:5

Anī Dabid əda Jonatan na: Bírí i ndɔ̄ rāā nāā kə́ teē kijə ō, i mā n m-ā m̄-ndi kadə mban̄g tə́ loo kəsa yá̰á̰ tə́ ō ní. Ba ādə̄m̄ ta róbə ādə̄ m-āw̄ m̄-ɓɔ̄ɔ̄ rɔ̄ḿ bembeé bátə́ kadə̄ teē loo tīī loo sɔlí.

KOLOSƏ 2:6

Dan ń ī-ndigiī kadə̄ Kərist Jeju i Kɔ́ɔ̄ɓē yāsí ní, ī-njə̄rāī seneé.

GALATƏ 4:10

Sḭḭ̄ ə̄ndāī kumsí majə gír ndɔ̄ gə̄ tə́ ō, nāā gə̄ tə́ ō, ɓar gə̄ kə ɓāl̄ gə̄ tə́ ō, ī-rɔyīneédə́.

AMOS 3:5

Ngōn̄ yel̄ a əsō kum gūmbə̄ tə́ kanjə̄ kadə̄ i yá̰á̰ kógə̄ḿ n ndɔ́rə̄n aw̄ seneé tū tə́ a? Gūmbə̄ a kāl̄yā kanjə̄ kadə̄ əhɔ i yá̰á̰ kógə̄ḿ a?

EJEKIEL 46:1

Najə̄ ń Kɔ́ɔ̄ɓē Nə́ɓā əda ní n toó: Kem ndɔ̄ kə́ mehḛ́ gə̄ ń de gə̄ a rāānəń kəla tə́ ní, ta róbə́ ndágə loo kə́ gīr̄ gidə kújə yā Kɔ́ɔ̄ɓē kə́ kemeé ń ra kə̄ dām̄ kə́ gír ɓē tə́ noō, a ra i kə kutú. Ba a teēn̄ ta i ndɔ̄ sabat tə́ ō, ndɔ̄ teē nāā tə́ ō.

IJAI 66:23

Adə̄ kə dɔ rāā nāā gə̄ kə́ ndɔ̄ teē naā kə́ kijə tə́ gə̄ malang ní, kə dɔ ndɔ̄ sabat gə̄ malang ní, de kə́ dɔ nang tə́ gə̄ malang a reēn̄ yā kɔsə kejədə́ nang tə́ noḿ mā Kɔ́ɔ̄ɓē tə́.

PĀ GƏ̄ 81:3

Əndaī yá̰a̰ gō pā tə́, ə́ndaī kɔdə ādī ɓār̄, úgiī kənde kə́ kəlān i ngá̰ý kə́ ɓār̄ majə ō, úgiī kənde kə́ kəlān i ngá̰ý aĺ ō.

PĀ GƏ̄ 40:8

Tā anī m-ə́da na: Á̰a̰ā̰, mə̄kɔ́ m̄-reē rɔ̄í tə́. M-ə́ngé yá̰á̰ ń kadə̄ m̄-rāā ní kem ndāŕ ndang najə̄ kógə̄ḿ kə́ ɓír̄ gidə naā tə́.

PĀ GƏ̄ 40:6

Kɔ́ɔ̄ɓē Nə́ɓā yāḿ, yá̰á̰ ń ī-nóm̄ ō, yá̰á̰ kə́ to kɔr kum gə̄ ń ī-rāā tām̄ yājí tə́ ō ní, i yá̰á̰ kə́ bo ngá̰ý gə̄! De kə́ tītīí gətóo. m̄-gḛy kəda najə̄ yá̰a̰ gə̄ ní ō, tél kəda kə̄ nja naā tə́ ō, tā ba yá̰á̰ kə́ yā kəda gə̄ ní alə̄n̄ naā ngá̰ý.

NEHEMI 10:33

J-əndā ndū najə̄ kógə̄ḿ dɔjí jḭḭ kɔ́ gə̄ tə́ kadə̄ j-adə̄ kəlōo gə̄ sɔ́ kə dɔ ɓāl̄ gēé yā rāań kəla kə́ kem kújə yā Nə́ɓā yājí tə́.

2 MBAN̄G 4:23

Ngaan əda na: Ɓōólaā i ndɔ̄ nāā kə́ kijə aĺ ō, i ndɔ̄ sabat aĺ ō, ba i ba̰ý á ā āw̄ kə̄ ɓēé looneé ní? Dəyá̰ ní tél əda ngaan na: Ī-lōō sōl̄!

TƏ́DA 28:19

Ā ī-ndējī Kɔ́ɔ̄ɓē yá̰a̰ kəsa kə́ róō horoó, adə̄ i man̄g kə́ bəra gə̄ jōó ō, bal batə̄ kógə̄ḿ ō, ngán batə̄ kə́ ɓāl̄ kógə̄ḿ gə̄ sīrí ō. Ā ə́hɔī dā̰ kə́ loodə́ kógə̄ḿ nujə aĺ gə̄.

LEBI GƏ̄ 1:3

Ré yá̰a̰ ndējə̄ yā deē ní i man̄g kə́ yā róō horoó, adə̄ i man̄g kə́ bəra kə́ loon kógə̄ḿ nujə alé. Ni a aw̄ seneé ta kújə kənge naā tə́ kadə̄ Kɔ́ɔ̄ɓē ndigə dā̰ ní pá tá,

LEBI GƏ̄ 1:9

Nge ndējə̄ yá̰á̰ ní a tə́go tiīn gə̄ njan gə̄ ō kə maná. Go tə́ anī nge tun̄ yá̰á̰ kógə̄ḿ a róō yá̰a̰ gə̄ ń noō malang horoó dɔ loo tun̄ yá̰á̰ tə́. I yá̰á̰ kə́ róō horoó kadə̄ Kɔ́ɔ̄ɓē kə́ sēēn nelə̄n.

LEBI GƏ̄ 1:13

Nge ndējə̄ yá̰á̰ ní a tə́go tiīn gə̄ ō, njan gə̄ ō kə maná. Gō tə́ anī nge tun̄ yá̰a̰ a ɔjə Kɔ́ɔ̄ɓē pá tá a róō yá̰a̰ gə̄ ń noō malang horoó dɔ loo tun̄ yá̰á̰ tə́. I yá̰á̰ kə́ róō horoó kadə̄ Kɔ́ɔ̄ɓē kə́ sēēn nelə̄n.

1 SAMUEL 9:12

Anī ngámandə gə̄ ní tél ədan̄də́ na: A̰á̰ā̰, ugə̄ i ngɔr ɓáý. Reē kem ɓē yājí tə́ ɓōólaā. Tɔdɔ̄ ɓōólaā i ndɔ̄ ń de kə́ kem ɓēé gə̄ a tunə̄n̄neé yá̰a̰ dɔ loo kə́ kḭḭ kə̄ dɔɔ́ tə́ ní, adə̄ āwī láẃ.

2 YÁ̰A̰ GƏ̄ 8:13

Ni ndējə̄ Kɔ́ɔ̄ɓē yá̰a̰ tun̄ gə̄ ndɔ̄ sabat tə́ ō, ndɔ̄ teē nāā tə́ ō, ndɔ̄ nāā kə́ bo gə̄ ń a rāān̄ nja mətá kem ɓāl̄ kógə̄ḿ tə́ ní ō, adə̄ i ndɔ̄ nāā yā mápa gə̄ kə́ kanjə̄ kaa mápa tə́ ō, ndɔ̄ nāā sāā kōō gə̄ tə́ ō, ndɔ̄ nāā yā kújə kámbə gə̄ tə́ ō. Ni ndējə̄ yá̰a̰ tun̄ gə̄ ní i kə jī bēl̄ loo rāā yá̰a̰ gə̄ ń Moijə ɔjəń kadə̄ ndējə̄n̄ kə dɔ ndɔ̄ gə̄ ń noō ní.

EJEKIEL 46:7

Ni a adə̄ kōō gémē kə́ kɔȳn asə kəlōo kutə mətá dɔ man̄g kə́ bəra ní tə́ ō, dɔ bal batə̄ ní tə́ ō yā ndējə̄, ba kə́ tām̄ yā ngán batə̄ gə̄ tə́ ɓáa, ni a mbɔ̄jə́ kōō gémē kə gō kem ndigə̄ yānneé. Ni a ɓōkə́ lítər yibə̄ mehḛ́ dɔ kōō gémē ń kəlōon asə kutə mətá ní tə́.

AMOS 8:5

Sḭḭ̄ ə́daī na: Kadə̄ gír ndɔ̄ rāā nāā kə́ teē kíjə kə gān̄g láẃ! Loo ń noō tə́ j-a j-asiī gātə̄ kōō yājí. Kadə̄ gír sabat kə gān̄g láẃ! Loo ń noō tə́ j-a j-asiī teē ta mō̰ȳ yājí gə̄. J-a jə-ndégī ta yá̰a̰ gātə̄ gə̄ kɔ̄ɔ́ ō, j-a j-ənī gātə̄ dɔ madə̄ tə́ ō, j-a jə-rāāī kadə̄ yá̰a̰ mbɔ̄jə́ kɔȳ yá̰a̰ i gōtə́ aĺ ō.

2 YÁ̰A̰ GƏ̄ 2:3

Ba mā m̄-gḛy i rāā kújə́ kə́ tām̄ yā rī Kɔ́ɔ̄ɓē Nə́ɓā yāḿ tə́, kadə̄ ra tām̄ yān tə́. A róōn̄ ndujə̄ yá̰á̰ kə́ kotə majə gə̄ tām̄ yā Kɔ́ɔ̄ɓē tə́ kem kújə́ ní tə́ ō, a ɓōkə́n̄ mápá kə́ ndējə̄ gə̄ ta kum Kɔ́ɔ̄ɓē tə́ kem kújə́ ní tə́ ngándáńg ō, a ndējə̄n̄ Kɔ́ɔ̄ɓē yá̰a̰ tun̄ kə́ róō horoó dəloí ō, loo sɔlí ō, yá̰a̰ tun̄ gə̄ kə́ róō horoó ndɔ̄ sabat gə̄ tə́ ō, ndɔ̄ teē nāā gə̄ tə́ ō, ndɔ̄ rāā nāā gə̄ yā Kɔ́ɔ̄ɓē Nə́ɓā yājí tə́ ō, kem kújə́ ní tə́. A tunə̄n̄ yá̰a̰ gə̄ ń noō dɔ nang kə́ Israel tə́ i ngáńdáńg.

PĀ GƏ̄ 81:4

Ī-kɔlíī tōw̄ ndɔ̄ teē nāā tə́ ō, ndɔ̄ ń nāā a gōrəń gong ō, a ndaań ō ní tə́, yā rāań nāā yājí.