TƏ́DA 28:1 - Bibəl ta Sar̄

^1-2 Kɔ́ɔ̄ɓē mēr̄ Moijə kəda ngán Israel gə̄ yá̰a̰ gə̄ ń toō kadə̄ rāān̄: Yá̰a̰ ndējə̄ kə́ tām̄ yā Kɔ́ɔ̄ɓē tə́ gə̄ ń rāān̄ rɔ̄də́ i yá̰a̰ kəsa kə́ róō horoó kə́ sēēdə́ nel̄ Kɔ́ɔ̄ɓē tə́ ní, ā ə̄ndāī kumsí gíŕdə́ tə́ yā ndējə̄ kə kum mbangdə́ gēé.

Bible sar

^1-2 Kɔ́ɔ̄ɓē mēr̄ Moijə kəda ngán *Israel gə̄ yá̰a̰ gə̄ ń toō kadə̄ rāān̄: Yá̰a̰ ndējə̄ kə́ tām̄ yā Kɔ́ɔ̄ɓē tə́ gə̄ ń rāān̄ rɔ̄də́ i yá̰a̰ kəsa kə́ róō horoó kə́ sēēdə́ nel̄ Kɔ́ɔ̄ɓē tə́ ní, ā ə̄ndāī kumsí gíŕdə́ tə́ yā ndējə̄ kə kum mbangdə́ gēé.

TƏ́DA 28:1 Referans Kwoze

TƏ́DA 27:23

ba əndā jīn dɔn tə́ əndānəń kem kəla yān tə́ tītə̄ ń Kɔ́ɔ̄ɓē ədań ní.

LEBI GƏ̄ 9:15

Gō tə́ anī Aaro̰ ndējə̄ Kɔ́ɔ̄ɓē yá̰a̰ yā ngán Israel gə̄. Ni-əhɔ bal bə̄yā̰ kə́ tām̄ yā majaĺ yādə́ tə́ ní əja kɔ́ɔ ba tun̄ tītə̄ ń tunə̄ń duĺ man̄g ní.

1 YÁ̰A̰ GƏ̄ 23:31

a rāān̄ beé tām̄ yá̰a̰ tun̄ kə́ róō horoó kadə̄ Kɔ́ɔ̄ɓē tə́ ō, a rāān̄ beé ndɔ̄ sabat gə̄ tə́ ō, ndɔ̄ rāā nāā kə́ teē kijə tə́ ō, ndɔ̄ rɔ̄nel̄ kə́ rang gə̄ tə́ ō, kə dɔ kutə yá̰a̰ tun̄ gə̄ ń ndang adə̄n̄də́ kadə̄ to ngándáńg ta kum Kɔ́ɔ̄ɓē tə́ ní.

2 YÁ̰A̰ GƏ̄ 2:4

Tá kújə́ ń m̄-sāā rāā ní i kújə́ kə́ bo, tɔdɔ̄ Nə́ɓā yājí i Nə́ɓā kə́ bo tɔȳ nə́ɓā gə̄ malang.

2 YÁ̰A̰ GƏ̄ 8:13

Ni ndējə̄ Kɔ́ɔ̄ɓē yá̰a̰ tun̄ gə̄ ndɔ̄ sabat tə́ ō, ndɔ̄ teē nāā tə́ ō, ndɔ̄ nāā kə́ bo gə̄ ń a rāān̄ nja mətá kem ɓāl̄ kógə̄ḿ tə́ ní ō, adə̄ i ndɔ̄ nāā yā mápa gə̄ kə́ kanjə̄ kaa mápa tə́ ō, ndɔ̄ nāā sāā kōō gə̄ tə́ ō, ndɔ̄ nāā yā kújə kámbə gə̄ tə́ ō. Ni ndējə̄ yá̰a̰ tun̄ gə̄ ní i kə jī bēl̄ loo rāā yá̰a̰ gə̄ ń Moijə ɔjəń kadə̄ ndējə̄n̄ kə dɔ ndɔ̄ gə̄ ń noō ní.

2 YÁ̰A̰ GƏ̄ 23:18

Gō tə́ anī Yoyada adə̄ ngé tun̄ yá̰á̰ kə́ ngán Lebi gə̄ kəla ngɔ̄m̄ kújə yā Kɔ́ɔ̄ɓē. Kété ní Dabid əndādə́ i kə gō ɓūtə̄ yādə́ gēé kadə̄ ndējə̄n̄ yá̰a̰ tun̄ kə́ róō horoó kə taá malang gə̄ kem kújə yā Kɔ́ɔ̄ɓē tə́ kə gō ń ndangən̄neé kem ndū najə̄ yā Moijə tə́ ní. Ni ədadə́ kadə̄ rāān̄ kəla ní i kə rɔ̄nelēé ō, kə pā gēé tadə́ tə́ ō.

2 YÁ̰A̰ GƏ̄ 31:3

Mban̄g ɔr̄ núsə yá̰a̰ kənge yān tām̄ yā yá̰á̰ kə́ yā tun̄ kə taá gə̄ tə́, adə̄ i kə́ yā tun̄ dəloí ō, loo sɔlí ō, ndɔ̄ sabat gə̄ tə́ ō, ndɔ̄ teē nāā gə̄ tə́ ō, ndɔ̄ rāā nāā gə̄ tə́ ō, tītə̄ ń ndangən̄neé kem makətūbə̄ ndū najə̄ yā Kɔ́ɔ̄ɓē tə́ ní.

ESDRAS 6:9

Yá̰a̰ gə̄ ń ngé tun̄ yá̰á̰ kə́ Jerusalem gə̄ a gḛyn̄ á nin̄ a dəjen̄sí ní, ādīdə́ kə dɔ ndɔ̄ gə̄. Yá̰a̰ gə̄ ní n toó: Man̄g kə́ bəra gə̄ ō, bal batə̄ gə̄ ō, ngán batə̄ gə̄ ō, kə́ yā róō horoó kadə̄ Nə́ɓā kə́ dɔ rā̰ tə́ ō, kōō gémē ō, katə̄ ō, kasə nduú ō yibə̄ ō.

NEHEMI 10:33

J-əndā ndū najə̄ kógə̄ḿ dɔjí jḭḭ kɔ́ gə̄ tə́ kadə̄ j-adə̄ kəlōo gə̄ sɔ́ kə dɔ ɓāl̄ gēé yā rāań kəla kə́ kem kújə yā Nə́ɓā yājí tə́.

IJAI 1:13

Ī-dəbaī ta reē kə yá̰a̰ ndējə̄ gə̄ kə́ kanjə̄ kumən gēé kadəm̄! Sa, i yá̰á̰ kə́ nelə̄m̄ aĺ ngá̰ý. Sḭḭ̄ ī-rāāī nāā kə́ teē kijə ō, nāā ndɔ̄ sabat ō, ə̄ndāī kán̄ naā kə́ bo gə̄ ō, kum mbang nəkɔ́ ń noō tə́ ɓáa sḭḭ̄ ī-rāāī yá̰á̰ kə́ majaĺ gə̄ ō. M-ásə́ tə́gā taḿ dɔ tə́ to̰ alé.

EJEKIEL 44:24

Ré najə̄ to anī, nin̄ a gāngə̄n̄ sarya kə́ gōtə́ ō, a ran̄ i dɔ ndū najə̄ yāḿ gə̄ tə́ n a rāānəń sarya ní ō. Nin̄ a ɓōlə́n̄ gidə jī bēl̄ loo rāā yá̰a̰ gə̄ kə́ ndɔ̄ rāā nāā yāḿ gə̄ tə́ ō, a ɓōlə́n̄ gidə yá̰a̰ gə̄ ń m̄-ndang kadə̄ yā rāādə́ ní ndɔ̄ rāā nāā yāḿ gə̄ tə́ ní ō. I gáŕ kadə̄ nin̄ a ɔrə̄n̄ ndɔ̄ sabat tām̄ yāḿ tə́.

EJEKIEL 45:17

Tām̄ dan yā rāā nāā gə̄ tə́ ō, ndɔ̄ teē nāā gə̄ tə́ ō, ndɔ̄ sabat gə̄ tə́ ō, ndɔ̄ rāā pétə́ gə̄ malang yā ngán Israel gə̄ tə́ ō ní, i ngār n i nge kadə̄ yá̰á̰ kə́ tām̄ yā yá̰a̰ tun̄ kə́ kə taá malang tə́ ō, ndujə̄ kə́ yā ndējə̄ ō, kasə nduú kə́ yā ndējə̄ ō ní. Ngār a adə̄ yá̰á̰ kə́ yā tun̄ tām̄ yā yá̰a̰ rāā kə́ gōtə́ aĺ gə̄ tə́ ō, yá̰á̰ kə́ yā ndējə̄ gə̄ ō, yá̰á̰ kə́ yā tun̄ kə taá malang gə̄ ō, yá̰á̰ kə́ yā tun̄ tām̄ yā kem kógə̄ḿ tə́ ō. Loo ń noō tə́ ni a ənge mā̰ȳ rɔ̄ kə́ tām̄ yā mān̄ dɔ ndū najə̄ gə̄ yā ngán Israel gə̄ tə́.

EJEKIEL 46:11

Ndɔ̄ rāā nāā gə̄ tə́ ō, kum mbang kán̄ naā kə́ bo gə̄ tə́ ō ní, de gə̄ adə̄n̄ kōō gémē kə́ kɔȳn asə kəlōo kutə mətá dɔ man̄g kə́ bəra ní tə́ aláa dɔ bal batə̄ kə́ tun̄ ní tə́. Ba kə́ tām̄ yā ngán batə̄ gə̄ tə́ ɓáa, náā nəkɔ a mbɔ̄jə́ kōō gémē kə gō kem ndigə̄ yānneé. De gə̄ a ɓōkə́n̄ lítər yibə̄ mehḛ́ dɔ kōō gémē ń kəlōon asə kutə mətá ní tə́.

GALATƏ 4:10

Sḭḭ̄ ə̄ndāī kumsí majə gír ndɔ̄ gə̄ tə́ ō, nāā gə̄ tə́ ō, ɓar gə̄ kə ɓāl̄ gə̄ tə́ ō, ī-rɔyīneédə́.

KOLOSƏ 2:16

I beé ní, ādə̄ deē kógə̄ḿ gān̄g sarya dɔsí tə́ najə̄ yā yá̰a̰ kəsa tə́ aĺ ō, yá̰a̰ ka̰ȳ tə́ aĺ ō, najə̄ yā rāā nāā tə́ aĺ ō, ndɔ̄ teē nāā tə́ aĺ ō, ndɔ̄ sabat tə́ aĺ ō.