TƏ́DA 27:3 - Bibəl ta Sar̄

³ Bɔbə̄jí oy kɔ̄ɔ́ kem dəla loo tə́. Ni i dan de gə̄ yā Kore ń əndān̄ tadə́ naā tə́ ba ḭḭn̄ kə Kɔ́ɔ̄ɓēé kə najá ní tə́ alé. Ni-oy i tām̄ majaĺ yān nəkɔ́ tə́, ba ngōnə̄n kə́ dəngam gətóo.

Bible sar

³ Bɔbə̄jí oy kɔ̄ɔ́ kem dəla loo tə́. Ni i dan de gə̄ yā Kore ń əndān̄ tadə́ naā tə́ ba ḭḭn̄ kə Kɔ́ɔ̄ɓēé kə najá ní tə́ alé. Ni-oy i tām̄ majaĺ yān nəkɔ́ tə́, ba ngōnə̄n kə́ dəngam gətóo.

TƏ́DA 27:3 Referans Kwoze

EJEKIEL 18:4

Tām̄ ndi kə kumuú yā de gə̄ kógə̄ḿ kógə̄ḿ i yá̰a̰ yāḿ mā. Ndi kə kumuú yā ngé kojə ngán gə̄ ō, yā ngán gə̄ ō, i yá̰a̰ yāḿ mā. I deē ń rāā majaĺ ní n sɔɔ̄ kadə̄ oy ní.

TƏ́DA 14:35

Yá̰á̰ ń kadə̄ mā Kɔ́ɔ̄ɓē m-ə́dásí ní n noó. M-ə́dásí najə̄ kə́ rɔ̄kum, ngán Israel gə̄ kə́ ngé ta majaĺ gə̄ ń toō ń əndān̄ rɔ̄də́ naā tə́ ba mbātə́mə̄n̄ ní, yá̰á̰ ń m-ā m̄-rāā sedə́ ní n noó. A oyn̄ yā təgā kem dəla loo ń toō tə́.

Makətūbə̄ ń Pol ndang adə̄ Rom gə̄ ní 6:23

Tɔdɔ̄ yá̰a̰ kəndā nja kə́ loo rāā majaĺ tə́ i yo, ba yá̰á̰ ń Nə́ɓā adə̄ karī ɔjəń dɔ tár yān ní, i ndi kə kumuú kə́ ngándáńg, kə gō ɓoo naā yājí kə Jeju Kərist Kɔ́ɔ̄ɓē yājí.

Makətūbə̄ ń Pol ndang adə̄ Rom gə̄ ní 5:21

Adə̄ loo ń noō tə́ ní, tītə̄ ń majaĺ taā loo kə yoó ní, tītə̄ ń noō ɓáý to̰ rajə yā Nə́ɓā a o̰o̰ ɓē kə ta kūl̄ yá̰á̰ kə́ gōtə́ yā kaw̄ń sejí tū ndi kə kumuú kə́ ngáńdáńg tə́, kə ta kūl̄ Kɔ́ɔ̄ɓē yājí Jeju Kərist ō.

Makətūbə̄ ń Pol ndang adə̄ Rom gə̄ ní 5:12

I de kə́ kal kógə̄ḿ beē n rāā adə̄ majaĺ reē dɔ nang tə́ ní, ba majaĺ reē kə yoó, adə̄ de gə̄ malang oyn̄, tɔdɔ̄ nin̄ malang rāān̄ majaĺ.

JA̰A̰ 8:24

I tām̄ najə̄ ń noō tə́ n m-ə́dásí na ā óyiī kum majaĺ yāsí gə̄ tə́ ní. Ré ī-taāī kem kadə̄ Mā i Mā ń m̄-ndi noó ní aĺ anī, ā óyiī kum majaĺ yāsí gə̄ tə́.

JA̰A̰ 8:21

Jeju ɔr̄ najə̄ sedə́ ɓáý to̰, ədadə́ na: M-ā m-āw̄, ba ā ī-sāāmī, banī ā óyiī kum majaĺ yāsí tə́. Loo ń m-ā m-āw̄ kə̄ tū tə́ ní, sḭḭ̄ ásiī kugə̄ tū tə́ alé.

TƏ́DA 26:33

Selopad ngōn̄ Heper ojə ngōn̄ kə́ dəngam alé, ba ojə i ngáń kə́ dəyá̰ gə̄ ngóy. Ngán Selopad kə́ dəyá̰ gə̄ ní rīdə́ na i Mala ō, Noa ō, Hogəla ō, Milka ō, Tirsa ō.

TƏ́DA 16:19

Kore ɓāŕ de kə́ gōn tə́ gə̄ malang adə̄ reē ran̄ ta kújə́ ní tə́. Anī kɔsə gɔn yā Kɔ́ɔ̄ɓē teē ta kum ngán Israel gə̄ tə́ malang adə̄ a̰a̰n̄.

TƏ́DA 27:2

Nin̄ aw̄ ran̄ no Moijə tə́ ō, Eleajar nge tun̄ yá̰á̰ tə́ ō, no ngán Israel gə̄ tə́ malang ō, no ngār yādə́ gə̄ tə́ ō, ta kújə kənge naā tə́ ba ədan̄ na:

TƏ́DA 27:4

Ní kə rī bɔbə̄jí kə gətóo dan de gə̄ kə́ gīr kaa yān tə́ tām̄ ngōn̄ kə́ dəngam kə́ ojə aĺ tə́ a? Ādə̄jí dɔ nang tītə̄ ń ādəń ngákó̰o̰ bɔbə̄jí gə̄ ní ō.