TƏ́DA 27:21 - Bibəl ta Sar̄

²¹ Jojue a aw̄ rɔ̄ Eleajar nge tun̄ yá̰á̰ tə́ kadə̄ túgə̄ wə̄lā urim tām̄ yān tə́ ta kum Kɔ́ɔ̄ɓē tə́. Ni ō, ngán Israel gə̄ malang ō ní a teēn̄ ō, tél a udən̄ gogə́ ō, i kə gō ndū ń wə̄lā a ɔjə ní.

Bible sar

²¹ Jojue a aw̄ rɔ̄ Eleajar nge tun̄ yá̰á̰ tə́ kadə̄ túgə̄ wə̄lā urim tām̄ yān tə́ ta kum Kɔ́ɔ̄ɓē tə́. Ni ō, ngán Israel gə̄ malang ō ní a teēn̄ ō, tél a udən̄ gogə́ ō, i kə gō ndū ń wə̄lā a ɔjə ní.

TƏ́DA 27:21 Referans Kwoze

1 SAMUEL 28:6

Saul dəje Kɔ́ɔ̄ɓē najə̄, banī Kɔ́ɔ̄ɓē dalən alé. Kɔ́ɔ̄ɓē ɔr̄ najə̄ seneé kə nīí aĺ ō kə wə̄lā kə́ táĺ gə̄ yā nge tun̄ yá̰a̰ yā Nə́ɓāá aĺ ō kə nge koō ta kógə̄ḿ aĺ ō.

JOJUE 9:14

Ngán Israel gə̄ taān̄ núsə́ sádə̄ yādə́ sḛ́ý əsan̄ kanjə̄ koō yā Kɔ́ɔ̄ɓē.

Teē Ngán Israel gə̄ 28:30

Ā ī-ɓōkə́ urim ō, tumim ō, kem pekətoral gān̄g sarya yā Nə́ɓā tə́ kadə̄ ré Aaro̰ a aw̄ kə̄ ta kum Kɔ́ɔ̄ɓē tə́ anī, ton̄ dɔ nganjən tə́, adə̄ Aaro̰ a ətō sarya yā ngán Israel gə̄ dɔ nganjən tə́ ta kum Kɔ́ɔ̄ɓē tə́ ngándáńg.

NEHEMI 7:65

Loo ń noō tə́ nge ko̰o̰ ɓē ɔgədə́ kəsa yá̰a̰ kə́ táĺ ngá̰ý gə̄ bátə́ kadə̄ ré nge tun̄ yá̰a̰ aw̄ sāā tə́ kə urim ō tumim ō pá tá.

ESDRAS 2:63

Nge ko̰o̰ ɓē ɔgə̄də́ kəsa yá̰á̰ kə́ táĺ ngá̰ý gə̄ bátə́ kadə̄ ré nge tun̄ yá̰á̰ kógə̄ḿ sāā kə urim ō tumim ō pá tá.

1 SAMUEL 30:7

Dabid əda nge tun̄ yá̰á̰ ń i Abiatar ngōn̄ Ahimelek ní na: m̄-rāāī ɓɔ́, ún epod ī-reēń ādə̄m̄. Anī Abiatar un epod reēń adə̄n.

1 SAMUEL 23:9

Dan ń Dabid ger̄ kadə̄ Saul a nómə̄n i ni anī əda Abiatar ń i nge tun̄ yá̰á̰ ní kadə̄ reē kə yá̰a̰ ndḛḛ̄ sāá.

NGÉ SARYA 20:18

Nin̄ aw̄n̄ Betel koō ta Nə́ɓāá yā gerə̄ń ké a ɔjə i dɔ náā dandə́ tə́ kadə̄ aw̄ kété kənī ngán Benjamḛ gə̄ rɔ̄ɔ̄ tə́ wa? Anī Kɔ́ɔ̄ɓē əda na: I Juda gə̄ n a aw̄n̄ kété ní.

NGÉ SARYA 1:1

Dan ń Jojue oy kɔ̄ɔ́ anī ngán Israel gə̄ aw̄n̄ koō najə̄ kə́ ta Kɔ́ɔ̄ɓē tə́ yā gerə̄ń ké i náā gə̄ dɔ dáńdə́ tə́ n a aw̄n̄ yā rɔ̄ɔ̄ Kanaan gə̄ kété ní wa.

NDŪ NAJƏ̄ 33:8

Yá̰á̰ ń Moijə əda dɔ Lebi tə́ ní n toó: Kɔ́ɔ̄ɓē, ngé kəla yāí kə́ ran̄ dɔ ndūdə́ tə́ gə̄ ń ī-nāādə́ Masa ō, ī-gān̄g sarya dɔdə́ tə́ tām̄ yā najə̄ kə́ Meriba tə́ ō ní, ī-ɓɔ̄də́ tumim yāí ō, urim yāí ō.

TƏ́DA 27:17

kadə̄ ɔr nodə́ ta kaw̄də́ tə́ ō, ta téldə́ ō, ɓáa anī de gə̄ a ton̄ tītə̄ batə̄ gə̄ kə́ nge kul̄də́ gətóo alé.

LEBI GƏ̄ 8:8

Əla pekətoral gɔgərɔn tə́ ba tə́la urim ō, tumim ō, kemeé.

TƏ́DA 27:5

Moijə ɔr̄ najə̄ kə Kɔ́ɔ̄ɓēé dɔdə́ tə́,

TƏ́DA 27:20

Ā ādə̄n tɔ́gə yāí sḛ́ý kadə̄ ngán Israel gə̄ malang oōn̄ tan.

TƏ́DA 27:22

Moijə rāā tītə̄ ń Kɔ́ɔ̄ɓē ədanəń ní. Reē kə Jojue no Eleajar nge tun̄ yá̰á̰ tə́ ō, no ngán Israel gə̄ tə́ malang ō,

1 SAMUEL 14:19

Dan ń Saul ra a ɔr̄ najə̄ kə nge tun̄ yá̰á̰ ní loo majaĺ kem gérger yā Pilistin gə̄ tə́ i kum kə̄ kété kété. Anī Saul əda Ahia na kə lōō gír sāā kem ndigə yā Nə́ɓā tə́.

2 SAMUEL 21:1

Dan ń Dabid a o̰o̰ń ɓē ní, ɓō kógə̄ḿ əsō kem ɓēé. Ɓō ní rāā de gə̄ ɓāl̄ mətá. Dabid aw̄ koō taá rɔ̄ Kɔ́ɔ̄ɓē tə́ anī, Kɔ́ɔ̄ɓē ədan na: I ɓōkə́ ń Saul nin̄ kə gír kojə yān gēé ɓōkə́n̄ mósə de gə̄ nang tə́ ní n ɓō əsōń kem ɓēé ní. I tɔ̄l̄ ń ni tɔ̄l̄ Gabaon gə̄ ní.

MALASI 2:7

A̰á̰ā̰, kəla yā nge tun̄ yá̰a̰ i ndóō de gə̄ kadə̄ gerə̄n̄ Nə́ɓā ō, i nge tun̄ yá̰a̰ n de gə̄ a oōn̄ najə̄ kə́ tan tə́, yā gerə̄ń ndū najə̄ ní ō. Tām̄ ni i ngōmbang kəla yā Kɔ́ɔ̄ɓē kə́ bo kə́ tɔ́gən i ngá̰ý.

TƏ́DA 27:2

Nin̄ aw̄ ran̄ no Moijə tə́ ō, Eleajar nge tun̄ yá̰á̰ tə́ ō, no ngán Israel gə̄ tə́ malang ō, no ngār yādə́ gə̄ tə́ ō, ta kújə kənge naā tə́ ba ədan̄ na:

NDŪ NAJƏ̄ 31:3

Adə̄ i Kɔ́ɔ̄ɓē Nə́ɓā yāí nəkɔ́ n a mān̄ kété noí tə́ ní. I ni n a nujə nápar de gə̄ ń ndin̄ gidə bā Jurdḛ kə́ dām̄ kə́ nú tə́ ní kɔ̄ɔ́ tá ā ásəń taā dɔ nang yādə́ ní. Ba tītə̄ ń Kɔ́ɔ̄ɓē ədań ní, nge njə̄rā kété noí tə́ i Jojue.