TƏ́DA 27:11 - Bibəl ta Sar̄

¹¹ Ba ré ngákó̰o̰ bɔbə̄n gə̄ gətóon̄ anī, ā adī ngeen kə́ ngɔr ngá̰ý kə́ gír kaan tə́. I ni n a ənge yá̰a̰ ndəbān ní. Nge ń noō i ndū najə̄ kə́ tām̄ yā ngán Israel gə̄ tə́ tītə̄ ń Kɔ́ɔ̄ɓē ɔjəń Moijə ní.

Bible sar

¹¹ Ba ré ngákó̰o̰ bɔbə̄n gə̄ gətóon̄ anī, ā adī ngeen kə́ ngɔr ngá̰ý kə́ gír kaan tə́. I ni n a ənge yá̰a̰ ndəbān ní. Nge ń noō i *ndū najə̄ kə́ tām̄ yā ngán *Israel gə̄ tə́ tītə̄ ń Kɔ́ɔ̄ɓē ɔjəń Moijə ní.

TƏ́DA 27:11 Referans Kwoze

TƏ́DA 35:29

Ā ī-ngɔ̄mī ndū najə̄ ń noō kə dɔ ɓāl̄ gə̄ gāngəń sarya dɔ dáńsí tə́ loo malang ń ā ī-ndiī tū tə́ ní tə́.

JEREMI 32:8

Tītə̄ ń Kɔ́ɔ̄ɓē ədamə̄ń ní, ngōn̄ nānə̄ḿ Hanamel reē rɔ̄ḿ tə́ ndágə loo ngɔ̄m̄ ta kújə yā mban̄g tə́ ba ədam̄ na: Ī-mang ndɔr̄ yāḿ kə́ Anatot tə́ ń i gō nang yā Benjamḛ tə́ ní. Tɔdɔ̄ sɔɔ̄ i dɔí ḭ̄ ō, majə kadə̄ i ḭ̄ n ə́nge ō. Ní ī-mang ndɔr̄ ní. Tā anī m̄-ger̄ kadə̄ i Kɔ́ɔ̄ɓē n ɔr̄ najə̄ seḿ ní.

1 SAMUEL 30:25

Əla gír ndɔ̄ ń noō tə́ ní Dabid rāā adə̄ najə̄ ń ni əda ní tél i ndū najə̄ ō jī-bēl̄ loo rāā yá̰a̰ ō yā ngán Israel gə̄. Ba ndū najə̄ ní to bátə́ ɓōólaā ɓáý.

LEBI GƏ̄ 25:49

Ngōkó̰o̰ bɔbə̄n, aláa ngōn̄ ngōkó̰o̰ bɔbə̄n, aláa ngeen kə́rēý kə́ ngɔr ngá̰ý a asə gān̄g dɔn. Aláa ré yá̰a̰ i jīn nəkɔ́ tə́ anī, nəkɔ́ asə gān̄g dɔ rɔ̄n.

LEBI GƏ̄ 25:25

Ré ndoō rāā ngōkó̰ó̰í adə̄ igə kə́ núsə loo ndɔr̄ yānneé anī, majə kadə̄ ngeen kə́ ngɔr ngá̰ý ń ta róbə gān̄g dɔ loo ndɔr̄ i yān ní gān̄g dɔ adə̄n.

TƏ́DA 27:10

Ba ré ngákó̰o̰n kə́ dəngam gə̄ gətóon̄ anī, ā ādī ngákó̰o̰ bɔbə̄n kə́ dəngam gə̄.