TƏ́DA 26:62 - Bibəl ta Sar̄

⁶² Ngán Lebi kə́ dəngam gə̄ malang i deē 23 000 kum naā tə́ kə ngáń kə́ dəngam gə̄ kə́ ɓāl̄də́ ḭḭ dɔ nāā kógə̄ḿ tə́ kum kə̄ dɔɔ́. Tə́dan̄də́ naā tə́ kə gotə ngán Israel gēé alé, tām̄ dɔ nang kə́ Kanaan ń a gángə̄n̄ naā tə́ yā nə̄ɓō ngán Israel gə̄ ní, nin̄ a əngen̄ alé.

Bible sar

⁶² *Ngán Lebi kə́ dəngam gə̄ malang i deē 23 000 kum naā tə́ kə ngáń kə́ dəngam gə̄ kə́ ɓāl̄də́ ḭḭ dɔ nāā kógə̄ḿ tə́ kum kə̄ dɔɔ́. Tə́dan̄də́ naā tə́ kə gotə ngán *Israel gēé alé, tām̄ dɔ nang kə́ Kanaan ń a gángə̄n̄ naā tə́ yā nə̄ɓō ngán Israel gə̄ ní, nin̄ a əngen̄ alé.

TƏ́DA 26:62 Referans Kwoze

NDŪ NAJƏ̄ 10:9

I tām̄ najə̄ ń noō tə́ n de kə́ gír ɓē yā Lebi tə́ gə̄ əngen̄neé dɔ nang kə madə̄də́ gēé aĺ ní. Tītə̄ ń Kɔ́ɔ̄ɓē Nə́ɓā yāsí ədańdə́ ní, yá̰a̰ kənge yādə́ i Kɔ́ɔ̄ɓē.

TƏ́DA 3:39

Ngán Lebi kə́ dəngam gə̄ ń Moijə nin̄ kə Aaro̰ tə́dan̄də́ tītə̄ gō míndə Kɔ́ɔ̄ɓē ɔjəńdə́ ní, kutədə́ malang i deē dūbú kutə jōó gidə i jōó. Ɓāl̄də́ əla gír i dɔ ngáń kə́ nāā kógə̄ḿ gə̄ tə́ kum kə̄ dɔɔ́.

TƏ́DA 1:49

Ā ī-tə́da de gə̄ kə́ gír ɓē yā Lebi tə́ ō, ā ī-ndang rīdə́ ō, naā tə́ kə gotə ngán Israel gēé alé.

JOJUE 14:3

Moijə gán̄g dɔ nang kə gidə bā Jurdḛ kə́ dām̄ ké gír ɓē tə́ adə̄ gír ɓē kə́ jōó kə núsə kɔ̄ɔ́ ɓá, ba i de kə́ gír ɓē yā Lebi tə́ gə̄ n adə̄də́ alé ní.

JOJUE 13:33

De kə́ gír ɓē yā Lebi tə́ gə̄ ní, ni-adə̄də́ dɔ nang alé, ba ədadə́ na yá̰a̰ kənge yādə́ na i rāā kəla yā Kɔ́ɔ̄ɓē Nə́ɓā yā Israel.

JOJUE 13:14

I de ké gír ɓē yā Lebi tə́ gə̄ ngóy n Moijə adə̄də́ dɔ nang aĺ ní. Tītə̄ ń Kɔ́ɔ̄ɓē ədanəń ní, i núsə yá̰á̰ kə́ tun̄ kadə̄ Kɔ́ɔ̄ɓē Nə́ɓā yā Israel n i yá̰a̰ kənge yādə́ ní.

TƏ́DA 4:27

I Aaro̰ nin̄ kə ngánən gēé n a ɔjən̄ ngán Gerson gə̄ kəla rāādə́ gə̄ malang ní. Ká i yá̰a̰ kətō aké i kəla kə́ yā rāā gə̄gē anī, i nin̄ n i ngé kɔjədə́ ní. A adə̄n̄də́ yá̰a̰ malang ń kadə̄ ətōn̄ ní.

TƏ́DA 1:47

Tə́dan̄ de gə̄ kə́ gír ɓē yā Lebi tə́ gə̄ naā tə́ kə gotə ngán Israel gēé alé,

TƏ́DA 26:63

Ngán Israel gə̄ ń Moijə nin̄ kə Eleajar nge tun̄ yá̰a̰ tə́dan̄də́ ndagə loo gə̄ kə́ Moab tə́, dɔ gɔ́sə bā Jurdḛ ń ra sɔɔ̄n̄ tá naā kə ɓē kə́ Jeriko ní n noó.