TƏ́DA 26:53 - Bibəl ta Sar̄

⁵³ I gír kaa gə̄ ń noó n ā ī-gán̄g dɔ nang kə́ Kanaan naā tə́ yā kadə̄də́ ní. Ā ādə̄də́ i kə gó kutədə́ gēé.

Bible sar

⁵³ I gír kaa gə̄ ń noó n ā ī-gán̄g dɔ nang kə́ Kanaan naā tə́ yā kadə̄də́ ní. Ā ādə̄də́ i kə gó kutədə́ gēé.

TƏ́DA 26:53 Referans Kwoze

JOJUE 14:1

I Eleajar kə́ nge tun̄ yá̰a̰ ō, Jojue ngōn̄ Nun ō, ngār gə̄ kə́ dɔ gír ɓē gə̄ yā ngán Israel gə̄ tə́ ō n gángə̄n̄ dɔ nang kə́ Kanaan adə̄n̄ ngán Israel gə̄ ní. Ba loo gán̄gə̄n̄neé ní n toó:

JOJUE 11:23

Adə̄ Jojue taā dɔ nang malang tītə̄ ń Kɔ́ɔ̄ɓē ədań Moijə ní. Gō tə́ anī ni-adə̄ Israel gə̄ dɔ nang ní kə́ yādə́ tə́. Ni-gán̄g dɔ nang ní adə̄də́ i kə dɔ gír ɓē yādə́ gēé. Loo ń noō tə́ ngán Israel gə̄ ndin̄ lɔm tām̄ rɔ̄ɔ̄ gətóo tā.

PĀ GƏ̄ 105:44

Adə̄də́ dɔ nang yā nápar de kə́ rang gə̄. Nin̄-teēn̄ dɔɔ́ kə tətō de kə́ rang gə̄ ń rāān̄ kəla ní,

JEJU TEĒ KUM JA̰A̰ 21:27

Yá̰á̰ kə́ yḛr a udə kem ɓē ní tə́ aĺ ō, de kə́ nge rāā yá̰á̰ kə́ majaĺ ngá̰ý ō, de kə́ nge sor̄ ō, a udən̄ kem ɓē ní tə́ aĺ ō. I ngé gə̄ ń ndangən̄ rīdə́ kem makətūbə̄ ndi kə kumuú yā Ngōn̄ Batə̄ tə́ ní ngóy n a udən̄ kem ɓē ní tə́ ní.

JEJU TEĒ KUM JA̰A̰ 5:10

Ī-rāādə́ adə̄ télən̄ de kə́ kem ɓē ko̰o̰ tə́ gə̄ ō, télən̄ ngé tun̄ yá̰a̰ gə̄ ō, tām̄ yā Nə́ɓā yājí tə́. Adə̄ nin̄ a o̰ō̰n̄ ɓē dɔ nang tə́.

MATIYE 5:5

Rɔ̄nel̄ i kə ngé gə̄ ń nōōn̄ ní, tɔdɔ̄ Nə́ɓā a sɔl̄ kemdə́.

DANIEL 7:27

Ba ko̰o̰ ɓē ō, ndi dɔ yá̰a̰ gə̄ tə́ malang ō, bo yā ɓē ko̰o̰ gə̄ malang kə́ dɔ nang tə́ ō ní, a adə̄n̄ gír de kə́ táĺ gə̄ yā Nə́ɓā kə́ dɔɔ́. Ko̰o̰ ɓē yān i ko̰o̰ ɓē kə́ a to ngándáńg. ngé ndi dɔ ɓē gə̄ tə́ malang a rāān̄ kəla yān ō a oōn̄ tan ō.

EJEKIEL 47:22

Ā ī-túgī i wə̄lā n ā ī-kēgīiń naā dɔ nang ní, tām̄ yāsí tə́ ō, tām̄ yā tə̄rā gə̄ ń ndin̄ dansí tə́ ō, ojən̄ ngán gə̄ dansí tə́ ō ní. Nin̄ a rāān̄ rɔ̄də́ i ngán kem ɓē gə̄ tə́ tām̄ yāsí tə́ dan ngán Israel gə̄ tə́. Nin̄ a túgə̄n̄ wə̄lā naā tə́ sesí yā kəngeń dām̄ dɔ nang kógə̄ḿ tām̄ yādə́ tə́, dan gír ɓē kə́ Israel gə̄ tə́ ō.

PĀ GƏ̄ 49:14

De gə̄ ń əndān̄ kemdə́ dɔ rɔ̄də́ nin̄ kɔ́ gə̄ tə́ ngá̰ý ní, yá̰á̰ ń a rāādə́ ní n toó, de gə̄ ń nel̄də́ koō najə̄ kɔr̄də́ nin̄ kɔ́ gə̄ ngá̰ý ní, ta tɔ̄l̄ tadə́ a to i beé:

TA KƏLA 12:7

Kɔ́ɔ̄ɓē ndɔ̄bə̄ Abəram ədan na i nang ń toō n na n-a n-adə̄ ngán kaan gə̄ ní. Abəram ɔy kūbə̄rū mbal̄ gə̄ tə́ndā dɔ naā tə́, rāań loo tun̄ yá̰a̰ tām̄ yā Kɔ́ɔ̄ɓē tə́ loo ń ni ndɔ̄bə̄n tū tə́ ní.

TA KƏLA 12:2

M-ā m̄-rāā kadə̄ ā ī-tél kaa nápar de kə́ ngá̰ý gə̄. M-ā m̄-rāā majə seí ō, m-ā m̄-rāā kadə̄ rīí ɓār̄ ngá̰ý ō. De gə̄ a tɔ́rə̄n̄ tadə́ dɔ naā tə́ i kə rīí ō.

TƏ́DA 26:52

Kɔ́ɔ̄ɓē əda Moijə na:

TƏ́DA 26:54

Gír kaa ń de kə́ tū tə́ gə̄ i ngá̰ý ní, ā ī-gān̄g dɔ nang yādə́ kadə̄ asə tām̄ ō, gír kaa ń de kə́ tū tə́ gə̄ i sḛ́ý beē ní, ā ī-gān̄g dɔ nang yādə́ i kə looneé ō.

TƏ́DA 33:54

Ā ī-túgī i wə̄lā n ā ī-kēgīiń gír kaa yāsí gə̄ dɔ nang ní. Gír kaa ń de gə̄ i ngá̰ý kemeé ní, ā ādīdə́ dɔ nang ní i ngá̰ý ō, gír kaa ń de kə́ kemeé gə̄ i ngá̰ý aĺ ní, ā ādīdə́ dɔ nang ní i sḛ́ý beē ō. Gír ɓē gə̄ kógə̄ḿ kógə̄ḿ a əngen̄ dɔ nang ní i kə gō ń wə̄lā a ɔjəń ní.

JOJUE 1:6

ə́hɔ rɔ̄í tɔgə ō, ī-ra dəngam ō. Tɔdɔ̄ i ḭ̄-n ā ādə̄ gír de gə̄ ń toō dɔ nang ń m-ə̄nī ndūḿ m-ādə̄ kaadə́ gə̄ yā kadə̄də́ ní.

1 YÁ̰A̰ GƏ̄ 16:18

Dan ń ni-əda na: M-ādī dɔ nang kə́ Kanaan ń i núsə dɔ nang kə́ gān̄g kadə̄sí kə ngánsí gə̄ ō, ngán kaasí gə̄ ō, kadə̄ i yá̰a̰ kənge yāsí ní