TƏ́DA 25:6 - Bibəl ta Sar̄

⁶ Kum mbang ngeé ń noō tə́ Israel kógə̄ḿ teē tū tə́ noō kə dəyá̰ kə́ Madian reē ugə̄ń dan ngákó̰o̰n gə̄ tə́. Moijə nin̄ kə ngán Israel gə̄ ń kánə̄n̄ naā ta kújə kənge naā tə́ ba ndi a nōōn̄ ní a̰a̰n̄də́.

Bible sar

⁶ Kum mbang ngeé ń noō tə́ Israel kógə̄ḿ teē tū tə́ noō kə dəyá̰ kə́ Madian reē ugə̄ń dan ngákó̰o̰n gə̄ tə́. Moijə nin̄ kə ngán *Israel gə̄ ń kánə̄n̄ naā ta *kújə kənge naā tə́ ba ndi a nōōn̄ ní a̰a̰n̄də́.

TƏ́DA 25:6 Referans Kwoze

JOEL 2:17

Ādə̄ ngé tun̄ yá̰a̰ gə̄ ń i de kə́ bo gə̄ yā Kɔ́ɔ̄ɓē ní ran̄ mbənā ngōn̄ kújə́ kə́ ta róbə́ tə́ kújə yā Kɔ́ɔ̄ɓē tə́ kə loo tun̄ yá̰a̰ ba nōōn̄ tə́. Ādə̄ ədan̄ na: Kɔ́ɔ̄ɓē, á̰a̰ kum tō ndoō yā gír deē yāí gə̄. Ī-lōō rāā kadə̄ yá̰á̰ kə́ to rɔ̄sɔl̄ ə̄sō dɔ yá̰a̰ kənge yāí tə́, yā kadə̄ nápar de gə̄ lúrən̄də́. I tām̄ rí tə́ á de gə̄ ədan̄ dan gír nápar de gə̄ tə́ na Nə́ɓā yādə́ i rá ní?

Makətūbə̄ ń Jud ndang ní 1:13

Nin̄-ton̄ i tītə̄ bəngál bā bo gə̄ beé, adə̄ húūlú dɔdə́ i yá̰a̰ rāādə́ kə́ to rɔ̄sɔl̄ gə̄ ō, ton̄ i tītə̄ tə́yō̰ gə̄ kə́ a dáȳn̄ dɔɔ́, kə́ Nə́ɓā ngɔ̄m̄ loo kə́ risə til nding tām̄ yādə́ tə́ kadə̄ ndin̄ kum tə́ ngándáńg beé ō.

JEREMI 36:23

Dan ń Yehudi a tə́da gír najə̄ gə̄ ní asə mətá aláa sɔ́ anī, mban̄g gān̄g kə kəyā yā nge ndóō de gə̄ ndū najə̄ ō, ənī kum hor ganáń tə́, adə̄ hor róō ndāŕ ndang najə̄ kógə̄ḿ kə́ ɓír̄ gidə naā tə́ ní malang kɔ̄ɔ́.

JEREMI 8:12

Majə kadə̄ rɔ̄də́ sɔl̄də́ tɔdɔ̄ rāān̄ yá̰á̰ kə́ majaĺ ngá̰ý gə̄, ba mbātə́n̄ ger̄ yá̰á̰ kə́ to rɔ̄ sɔl̄ gə̄ ń rāān̄ ní. Gerə̄n̄ gō yá̰á̰ kə́ to rɔ̄sɔl̄ gə̄ ń rāān̄ ní kem ángaldə́ tə́ alé. I tām̄ ń toō tə́ a bḭ́ḭ̄n̄ dan ń m-ā m-ə́ndádə́ ní ō, a tə́sōn̄ tītə̄ yā gotə de gə̄ ō ní. Najə̄ ń Kɔ́ɔ̄ɓē əda ní n noó.

JEREMI 3:3

Man̄ kə́ bo ngá̰ý edə alé najə̄ yāí tə́ ō, man̄ kaw̄ ɓēé edə aĺ ō. Ba ḭ̄ ī-to gír rāā ájə́ba tə́ kə̄ noí tə́ kanjə̄ kadə̄ rɔ̄í sɔlí.

IJAI 22:12

Ndɔ̄ ngeé ń noō tə́ ní, Kɔ́ɔ̄ɓē Nə́ɓā kə́ bo kə́ tɔ́gən i ngá̰ý dəjesí kadə̄ ī-nōōī ō, ə́gaī kɔŕ ō, ī-dəsāī dɔsí ō, ō̰ō̰ī kūbə̄ kəhɔ ndoō ō.

NGÉ SARYA 2:4

Dan ń nge kaw̄ kəla yā Kɔ́ɔ̄ɓē əda ngán Israel gə̄ najə̄ gə̄ ń noō anī nin̄ malang nōōn̄.

TƏ́DA 31:2

Āw̄ ī-dal ba̰ā̰ yá̰á̰ kə́ majaĺ ń de kə́ Madian gə̄ rāān̄ kə ngán Israel gēé ní. Gō tə́ anī ā óy yā kaw̄ gō kaaí gə̄ tə́.

TA KƏLA 37:28

Ngé rāā gātə̄ kə́ Madian gə̄ a mānə̄n̄ anī, ɔrə̄n̄ Jəjep bəloó, igən̄ seneé taānəń sə́lē kə́ rāā kə gində̄ arjā̰a̰á̰ kutə jōó jī ngán Ismael gə̄ tə́. Ngán Ismael gə̄ aw̄n̄ kə Jəjepé Ejiptə tə́.

1 MBAN̄G GƏ̄ 11:18

Nin̄ ḭḭn̄ Madian aw̄ ugə̄n̄ Paran. Ɔyn̄ de kə́ Paran gə̄ dɔdə́ tə́ ba aw̄n̄ Ejiptə rɔ̄ mban̄g Parao̰ tə́. Mban̄g Parao̰ adə̄ Hadad kújə ō, yá̰a̰ kəsa ō, adə̄n dɔ nang ō.

PĀ GƏ̄ 94:16

I náā n a ḭḭ yā mbātə́ najə̄ gō ngé kem ndul gə̄ ń noō tə́ yā rɔ̄ɔń dɔḿ tə́ ní? I náā n a ḭḭ yā kənī najə̄ gírə́ḿ tə́ yā rɔ̄ɔń kə ngé rāā majaĺ gə̄ ń noō ní?