TƏ́DA 25:3 - Bibəl ta Sar̄

³ Ngán Israel gə̄ əlan̄ dɔdə́ gír ɓesə̄ Baal kə́ Peor tə́, adə̄ wōn̄g rāā Kɔ́ɔ̄ɓē sedə́ ngá̰ý.

Bible sar

³ Ngán Israel gə̄ əlan̄ dɔdə́ gír ɓesə̄ *Baal kə́ Peor tə́, adə̄ wōn̄g rāā Kɔ́ɔ̄ɓē sedə́ ngá̰ý.

TƏ́DA 25:3 Referans Kwoze

OJEE 9:10

Kɔ́ɔ̄ɓē əda na: Kété ní Israel gə̄ nelə̄n̄ taḿ tītə̄ kan̄ nduú kə́ kem dəla loo tə́ beé. m̄-teē dɔ kaasí gə̄ tə́ i kə rɔ̄nelēé tītə̄ ń deē a teēń dɔ kan̄ kótə̄ kə́ ta kəga dɔ tə́ dɔ kāgə̄ kótə̄ tə́ ní beē. Banī dan nəkɔ́ ń nin̄ reē ɔtə̄n̄ Bet Peor anī, unən̄ rɔ̄də́ adə̄n̄ ɓesə̄ Baal rɔ̄sɔl̄ i kə́ njɔ́ḿ gə̄ tə́. Adə̄ nin̄ télən̄ i de gə̄ kə́ nelə̄m̄ sedə́ aĺ ngá̰ý, tītə̄ ń nel̄məń aĺ ngá̰ý kə ɓesə̄ ń nin̄ tárnən̄ ní beē.

JOJUE 22:17

Yá̰á̰ kə́ gōtə́ aĺ ń jə-rāāī Peor ní asəjí aĺ ɓáý a? Ngán Israel gə̄ ń i de gə̄ yā Kɔ́ɔ̄ɓē gə̄ ní, yá̰á̰ kə́ tōr̄ rāādə́ tāmən tə́, ba ɓōólaā gə̄gē gíŕ yá̰á̰ kə́ tōr̄ ní gān̄g dɔjí tə́ aĺ ɓáý,

JEREMI 17:4

A ə́ya̰ ɓē ń m-ādī ní ba ā ɔ̄r̄ rɔ̄í yā ndi kə kérí sa̰y rɔ̄ tə́. M-ā m-ə́la dɔí gír tɔ́gə yā madə̄ ba̰ā̰í gə̄ tə́ kem ɓē kə́ ī-ger̄ aĺ tə́. Tɔdɔ̄ ī-rāāī ādə̄ wōn̄g yāḿ əɓa hor tə́ bup yā ko̰o̰sí kə́ njɔ́ḿ gə̄ tə́.

PĀ GƏ̄ 90:11

I náā n asə ger̄ tɔ́gə wōn̄g yāí ní? Deē ń ɓōĺ ndílí ngá̰ý ní a ger̄ wōn̄g yāí majə!

NGÉ SARYA 2:20

Wōn̄g rāā Kɔ́ɔ̄ɓē kə ngán Israel gēé adə̄ əda na: Nápar de gə̄ ń toō mānə̄n̄ dɔ ndū najə̄ gə̄ ń m̄-rāań madə̄ naā sedə́ á m-ə́da kaadə́ gə̄ kadə̄ ngɔ̄mə̄n̄ ní. Nin̄ oōn̄ taḿ alé.

NGÉ SARYA 2:14

Adə̄ wōn̄g rāā Kɔ́ɔ̄ɓē kə ngán Israel gēé. Ni-əya̰də́ adə̄ ngé ɓogə gə̄ ɔyn̄ yá̰a̰ kənge yādə́ gə̄ ō, əladə́ jī madə̄ ba̰ā̰də́ gə̄ ń ndi gīrə̄n̄ gidədə́ ní tə́ ō. Adə̄ ngán Israel gə̄ asən̄ dum̄ tadə́ to̰ alé.

TƏ́DA 25:5

Moijə əda ngé gān̄g sarya gə̄ kə́ Israel tə́ na: Sḭḭ̄ kógə̄ḿ kógə̄ḿ ī-tɔ̄lī de gə̄ yāsí gə̄ ń əlan̄ dɔdə́ gír Baal kə́ Peor tə́ ní.

TƏ́DA 31:16

Ī-gerī majə kadə̄ i dəyá̰ gə̄ ń noō n taān̄ kɔjə̄ yā Balam gól̄nəń ngán Israel gə̄ adə̄ rāān̄ yá̰á̰ kə́ gōtə́ aĺ kə Kɔ́ɔ̄ɓēé tū najə̄ yā Peor tə́ á yá̰á̰ kə́ tōr̄ əsōń dɔ de gə̄ yā Kɔ́ɔ̄ɓē tə́ ní aĺ a?

NGÉ SARYA 2:11

Adə̄ ngán Israel gə̄ rāān̄ yá̰á̰ kə́ majaĺ ta kum Kɔ́ɔ̄ɓē tə́. Nin̄ ndɔ̄ȳn̄ ɓesə̄ Baal gə̄.

NGÉ SARYA 2:13

Nin̄ əya̰n̄ Kɔ́ɔ̄ɓē kɔ̄ɔ́ ba ndɔ̄ȳn̄ ɓesə̄ Baal gə̄ kə ɓesə̄ Astarte gə̄.

OJEE 4:14

M-ā m̄-rāā yá̰a̰ kə ngáńsí kə́ dəyá̰ gēé tām̄ ájə́ba ń nin̄ a rāān̄ tə́ ní aĺ ō, kə umsí kə́ dəyá̰ gēé tām̄ gól̄ ń nin̄ a gólə̄n̄ ngaadə́ gə̄ ní aĺ ō. M-ā m̄-rāā yá̰a̰ i sesí sḭḭ̄ ngé tun̄ yá̰a̰ gēé, tɔdɔ̄ āwī loo kə́ rang tə́ kə kéŕsí kə dəyá̰ ájə́ba gēé ō, ə́saī yá̰á̰ kə́ yā ɓōĺ gidə gə̄ naā tə́ kə ájə́ba gə̄ kə́ gíŕ kújə ndɔ̄ȳ yāsí gə̄ tə́ ō. Gír de gə̄ ń gerə̄n̄ kum yá̰á̰ kógə̄ḿ aĺ ní, i gír de gə̄ kə́ tadə́ tḭ̄ḭ̄ kɔ̄ɔ́ gə̄, tītə̄ ń ngɔ̄ý tām̄ ədań ní.