TƏ́DA 25:11 - Bibəl ta Sar̄

¹¹ Pinas ngōn̄ Eleajar kə́ ngōn̄ Aaro̰ ń ni i nge tun̄ yá̰á̰ ní un wōn̄g yāḿ kɔ̄ɔ́ dɔ ngán Israel gə̄ tə́. Tɔdɔ̄ jang rāān kum gotəḿ dan ngán Israel gə̄ tə́. I yá̰á̰ ń toō n m̄-tɔ̄l̄ Israel gə̄ adə̄ təgān̄ kɔ̄ɔ́ alé dan ń jang yāḿ ɔsəń seḿ ní.

Bible sar

¹¹ Pinas ngōn̄ Eleajar kə́ ngōn̄ *Aaro̰ ń ni i nge tun̄ yá̰á̰ ní un wōn̄g yāḿ kɔ̄ɔ́ dɔ ngán *Israel gə̄ tə́. Tɔdɔ̄ jang rāān kum gotəḿ dan ngán Israel gə̄ tə́. I yá̰á̰ ń toō n m̄-tɔ̄l̄ Israel gə̄ adə̄ təgān̄ kɔ̄ɔ́ alé dan ń jang yāḿ ɔsəń seḿ ní.

TƏ́DA 25:11 Referans Kwoze

PĀ GƏ̄ 78:58

Rāān̄ loo ndɔ̄ȳ gə̄ adə̄n̄neé Kɔ́ɔ̄ɓē wōn̄g. Ɓesə̄ yādə́ gə̄ rāān̄ Kɔ́ɔ̄ɓē adə̄ jang rāān.

NDŪ NAJƏ̄ 32:21

Nin̄ rāān̄ adə̄ m̄-rāā jang kə yá̰á̰ ń i nə́ɓā aĺ ní, rāān̄ adə̄ wōn̄g rāām̄ kə ɓesə̄ gēé. Banī mā m-ā m̄-rāā kadə̄ nin̄ a rāān̄ jang kə de gə̄ kə́ nin̄ i gír de kə́ rɔ̄kum aĺ gə̄ ō, kadə̄ rāān̄ wōn̄g kə nápar de kə́ ger̄ yá̰a̰ aĺ gə̄ ō.

NDŪ NAJƏ̄ 32:16

Israel gə̄ rāān̄ yá̰á̰ kə́ majaĺ gə̄ ngá̰ý adə̄n̄neé Kɔ́ɔ̄ɓē wōn̄g ō. Nin̄ ndɔ̄ȳn̄ ɓesə̄ gə̄ adə̄ tōr̄ Kɔ́ɔ̄ɓē sedə́ ngá̰ý ō.

2 KORḚNTƏ 11:2

m̄-rāā jang najə̄ yāsí tə́, ba jang ń m̄-rāā ní, i jang kə́ ḭḭ i rɔ̄ Nə́ɓā tə́. Tām̄ sḭḭ̄ i tītə̄ ngōmandə kə́ ger̄ dəngam aĺ ɓáý kə́ m-ə́hɔ gātə̄sí tām̄ yā dəngam kə́ kógə̄ḿ beē tə́, dəngam ní i Kərist.

1 KORḚNTƏ 10:22

Aké jə-gḛyī i kadə̄ wōn̄g rāā Kɔ́ɔ̄ɓē a? Jḭḭ̄ jə-ngangī ngá̰ý jə-tɔȳniī a?

SOPONI 3:8

Kɔ́ɔ̄ɓē əda wáńg kə̄ ndágá na: I beé ní, ī-ngóōī ndɔ̄ ń kadə̄ m̄-reēń yā kəndā najə̄ dɔsí tə́ ní! m̄-gḛy kɔsə dɔ gotə nápar de kə́ rang gə̄ kə̄ naā tə́, m̄-gḛy kɔsə dɔ ɓē ko̰o̰ gə̄ kə̄ naā tə́, yā kadə̄ m̄-bə̄gań wōn̄g yāḿ kə́ ngá̰ý dɔdə́ tə́. A̰á̰ā̰, hor wōn̄g yāḿ a o̰o̰ dɔ nang kə taá malang.

SOPONI 1:18

Gində̄ arjā̰a̰ yādə́ ō, lɔ́r yādə́ ō, a asə kajədə́ ndɔ̄ ń Kɔ́ɔ̄ɓē a rāań wōn̄g tə́ ní alé. Hor wōn̄g yān kə́ ngá̰ý a nujə dɔ nang malang. A̰á̰ā̰, i yá̰á̰ kə́ to ɓōĺ ngá̰ý. Kɔ́ɔ̄ɓē a nujə de gə̄ malang kə́ dɔ nang tə́ kɔ̄ɔ́.

1 MBAN̄G GƏ̄ 14:22

Juda gə̄ rāān̄ yá̰á̰ kə́ majaĺ ta kum Kɔ́ɔ̄ɓē tə́. Nin̄ rāān̄ yá̰á̰ kə́ majaĺ gə̄ adə̄n̄neé Kɔ́ɔ̄ɓē wōn̄g tɔȳ yā kaadə́ gə̄ ɓáý.

Teē Ngán Israel gə̄ 20:5

Ā ɔ́sə noí nang tə́ nodə́ tə́ aĺ ō, ā ī-rāā kəla ādə̄də́ aĺ ō. Tɔdɔ̄ mā i Kɔ́ɔ̄ɓē Nə́ɓā yāí ō, mā i Nə́ɓā kə́ nge rāā jang ō. Ré de kə́rēý mbātə́ najə̄ taḿ tə́ anī, m-ā m-ādə̄ yá̰á̰ kə́ tōr̄ a reē dɔ kɔ́ɔ̄ tə́ ō, dɔ ngánən gə̄ tə́ ō, dɔ ngán kaan gə̄ tə́ ō, dɔ ngán kaa gugūn gə̄ tə́ ō, dɔ ngán kaa dɔgən gə̄ tə́ ō.

JA̰A̰ 3:36

Deē ń taā kem Ngōnən ní, kɔ́ɔ̄ a ndi kə kumneé ngándáńg. Deē ń mbātə́ taā kem Ngōn̄ Nə́ɓā ní, ni a ndi kə kumneé alé, ba wōn̄g yā Nə́ɓā a na̰y dɔn tə́.

NAHUM 1:2

Kɔ́ɔ̄ɓē i Nə́ɓā kə́ nge rāā jang. Ni ənda madə̄ ba̰ā̰n gə̄ tām̄ yá̰a̰ rāādə́ kə́ gōtə́ aĺ tə́. Wōn̄g yān to ɓōĺ ngá̰ý. Ni ənda ngé rɔ̄ɔ̄ seneé gə̄ tām̄ yá̰a̰ rāādə́ kə́ gōtə́ aĺ tə́ ō, yá̰á̰ kə́ majaĺ ń nin̄ rāān̄ ní, dɔn ndígə̄nal aĺ ō.

EJEKIEL 16:38

Jerusalem, m-ā m̄-gān̄g sarya dɔí tə́ tītə̄ ń a gāngə̄n̄neé sarya dɔ dəyá̰ kə́ ngé rāȳ gə̄ tə́ ní ō, dɔ dəyá̰ kə́ ngé tɔ̄l̄ de gə̄ tə́ ní ō. M-ā m̄-rāāī kadə̄ mósə a taā gidə rɔ̄í malang sɔɔ̄ ń wōn̄g kə́ rāām̄ ō, jang kə́ ɔsə seḿ ō.

PĀ GƏ̄ 106:30

Anī Pinas ḭḭ ra dɔɔ́, gān̄g sarya kə́ mbo̰mbó̰ó̰ Nə́ɓā tə́ kə de gēé, ɓáa gíŕ yá̰á̰ kə́ tōr̄ ní gān̄g.

PĀ GƏ̄ 106:23

Ni gḛy tɔ̄l̄də́ kɔ̄ɔ́ malang, banī Moijə ń ni gə̄rān kété ní ra non tə́ əhɔn dɔ tə́. Wōn̄g yān ń i wōn̄g kə́ a nujə loo ní, Moijə tūr̄ ta dɔ de gə̄ tə́ kɔ̄ɔ́.

2 SAMUEL 21:14

aw̄ ɓōkə́n̄ kem bəlo ɓádə yā Kis kə́ bɔbə̄ Saul tə́, naā tə́ kə kə̄ngā Saul gə̄ ō, kə̄ngā Jonatan gə̄ ō, kem ɓē kə́ Sela tə́ gō nang yā Benjamḛ tə́. Dan ń rāān̄ yá̰a̰ malang ń mban̄g ədadə́ kadə̄ rāān̄ ní oy anī, Nə́ɓā ɔjə kem majə yān kə́ tām̄ yā ɓē tə́ kə̄ ndágá.

JOJUE 24:19

Tā anī Jojue əda de gə̄ na: Ā ásiī rāā kəla yā Kɔ́ɔ̄ɓē alé, tɔdɔ̄ ni i Nə́ɓā kə́ táĺ ō, Nə́ɓā kə́ nge rāā jang ō. Ni a tə́gā tan dɔ mbātə́ najə̄ yāsí gə̄ tə́ aĺ ō, dɔ majaĺ yāsí gə̄ tə́ aĺ ō.

NDŪ NAJƏ̄ 29:20

Kɔ́ɔ̄ɓē a ɔrə̄n kɔ̄ɔ́ dan gír ɓē gə̄ kə́ Israel tə́ yā kəndān kə kérneé kadə̄ yá̰á̰ kə́ tōr̄ gə̄ malang ń ənīn̄ ndūdə́ dɔ tə́ loo kəhɔ madə̄ naā ń ndangən̄ najə̄n kem makətūbə̄ ndū najə̄ ń toō tə́ ní rāān.

NDŪ NAJƏ̄ 4:24

Tām̄ Kɔ́ɔ̄ɓē Nə́ɓā yāsí i hor kə́ a o̰o̰ loo. Ni i Nə́ɓā kə́ nge rāā jang.

Teē Ngán Israel gə̄ 34:14

Ā ɔ́siī nosí nang tə́ no nə́ɓā kə́ rang tə́ alé, tɔdɔ̄ rīḿ mā Kɔ́ɔ̄ɓē na i Nge rāā jang. Mā i Nə́ɓā kə́ nge rāā jang.

Teē Ngán Israel gə̄ 22:5

Ré de kə́rēý əla hor dɔ ku kōn̄ tə́ adə̄ hor aw̄ əhɔ dɔ do̰ō̰ kōō gémē gə̄, aláa o̰o̰ kōō gémē kə́ kem ndɔrɔ́ kə́ mbujə kɔ̄ɔ́ aláa kə́ mbujə aĺ ɓáý anī, deē ń əla hor loo tə́ ní a əgā kə̄rā yá̰á̰ ń hor o̰o̰ ní.

TƏ́DA 25:10

Kɔ́ɔ̄ɓē əda Moijə na:

JOJUE 22:13

Nin̄ əlan̄ Pinas ngōn̄ Eleajar kə́ nge tun̄ yá̰a̰ dɔ nang kə́ Galaad tə́ kadə̄ aw̄ ɔr̄ najə̄ kə ngán Ruben gə̄ ō, ngán Gad gə̄ ō, de kə́ gír ɓē yā Manase tə́ ké dām̄ kə́ gír ɓē tə́ gə̄ ō.

PĀ GƏ̄ 106:31

Kɔ́ɔ̄ɓē ndigə yá̰a̰ kə́ gōtə́ ń ni-rāā ní yā kadə̄ to ngándáńg kə dɔ ɓāl̄ gə̄ ɓāl̄ gə̄.